កម្មវិធី Miss World 2025 នឹងរៀបចំឡើងនៅដែលប្រារព្ធឡើងនៅទីក្រុង Hyderabad ប្រទេសឥណ្ឌា នា ខែឧសភា ឆ្នាំ ២០២៥ ខាងមុខនេះ។ សម្រាប់បេក្ខភាពពីកម្ពុជា ក៏ត្រូវបានជ្រើសរើសរួចជាស្រេចផងដែរ ដែលអ្នកតំណាងគឺ Julia Russell – រ៉ូសស្យែល ហ្សូលីយ៉ា។

បវរកញ្ញាខ្មែរជាកូនកាត់អង់គ្លេសវ័យ ១៨ ឆ្នាំ បានត្រៀមខ្លួនរួចជាស្រេចហើយ ក្នុងការតំណាងឲ្យកម្ពុជាលើឆាកអន្តរជាតិនូវកម្មវិធី Miss World 2025។ មិនថារូបសម្រស់ ចំណេះដឹង និងបទពិសោធន៍ នាងពិតជាស័ក្ដិសមខ្លាំង ដោយកាលពីឆ្នាំ ២០២៤ កន្លងទៅ រ៉ូសស្យែល បានតំណាងជាតិ ចេញទៅប្រកួតកម្មវិធីអន្តរជាតិ Miss & Mister Celebrity International 2024 ហើយកញ្ញាគឺជា TOP 15 នៃកម្មវិធី។
នៅតែប៉ុន្មានខែទៀតប៉ុណ្ណោះ រ៉ូសស្យែល ហ្សូលីយ៉ា នឹងចាកចេញទៅឥណ្ឌាហើយ តែមុនចេញទៅប្រកួតបវរកញ្ញាវ័យក្មេងរូបនេះ បានថតរូប និងតុបតែងខ្លួនបែបជនជាតិឥណ្ឌារួចទៅហើយ។ បវរកញ្ញាកូនខ្មែរអឺរ៉ុបទទួលបានការសរសើរពីសំណាក់អ្នកគាំទ្រ និងហ្វេនផេកធំៗទាំងក្នុង និងក្រៅប្រទេស។


ក្នុងនោះផេក Missosology ដ៏ល្បី ដែលជាអ្នកគាំទ្រកម្មវិធី Beauty Pageant ក៏មានដាក់រូបភាពបវរកញ្ញាខ្មែររូបនេះ ចូលទៅក្នុងបញ្ជីបេក្ខភាព “ផ្លូវទៅ Miss World 2025 នៅប្រទេសឥណ្ឌា កាន់តែអស្ចារ្យ! អ្នកចូលរួមប្រកួតស្រឡាំងកាំងក្នុងការស្លៀកពាក់បែបប្រពៃណីឥណ្ឌា”។
កម្មវិធី Miss World លើកទី ៧២ ដែលធ្វើឡើងនៅប្រទេសឥណ្ឌា។ នេះជាលើកទី ៣ ហើយដែលការប្រកួតត្រូវបានរៀបចំឡើងក្នុងប្រទេសឥណ្ឌា បន្ទាប់ពីបវរកញ្ញាពិភពលោកឆ្នាំ ១៩៩៦ និងការប្រកួតលើកចុងក្រោយដែលធ្វើកាលពីឆ្នាំ ២០២៤៕




រូបភាព៖ Julia Russell























Account
Security
Favourite Content