នៅថ្ងៃទី ២៣ ខែតុលា ឆ្នាំ២០២៣ ផលិតកម្ម King Kong Entertainment បានប្រកាសពីកាលវិភាគថតវគ្គចុងក្រោយរបស់តារាស្រី Jeon So Min គឺនៅថ្ងៃទី ៣០ ខែតុលា ខាងមុខនេះមុនពេលចាកចេញពីកម្មវិធី Running Man ក្រោយរួមដំណើរជាមួយគ្នាអស់រយៈពេល ៦ ឆ្នាំដោយនេះត្រូវបានគេចាត់ទុកថាជាទំនាក់ទំនងដ៏ល្អមួយរវាងនាង និងកម្មវិធីទាំងមូលផងដែរ។


មុនពេលចាកចេញ ខ្លួននាងផ្ទាល់បានពិចារណាយ៉ាងហ្មត់ចត់ ហើយក៏បានពិភាក្សាជាមួយសមាជិកក្រុម Running Man ទាំងអស់ ក្រុមការងារផលិត និងក្រុមហ៊ុនរបស់នាងដែរ ហើយនៅទីបំផុតទើបនាងសម្រេចចិត្តលាអ្នកគាំទ្រកម្មវិធី Running Man។ មូលហេតុដែល Jeon So Min ចាកចេញពីកម្មវិធីគឺនាងត្រូវការពេលវេលាមួយចំនួនដើម្បីអភិវឌ្ឍខ្លួនឯងឱ្យកាន់តែប្រសើរជាងមុន ហើយនឹងអាចបង្ហាញអ្វីថ្មីៗ និងផ្នែកដែលល្អជាងមុនរបស់នាងទៅកាន់អ្នកគាំទ្រទៀតផង។

ផលិតកម្ម King Kong Entertainment ក៏បានបន្ថែមទៀតថាពួកគេពិតជាអរគុណដល់ទស្សនិជនទាំងអស់ដែលបានចំណាយពេលបង្កើតអនុស្សាវរិយ៍ល្អៗជាមួយ Jeon So Min ដោយទាំងសើច ទាំងយំតាមរយៈការទស្សនាកម្មវិធី Running Man អស់រយៈពេល ៦ ឆ្នាំមកនេះ។ មិនតែប៉ុណ្ណោះ ខាងផលិតកម្មក៏សុំឱ្យអ្នកគាំទ្រទាំងអស់បន្តស្រឡាញ់ និងគាំទ្រដល់នាងរៀងរហូតទៅផងដែរ៕
























Account
Security
Favourite Content