The Voice Cambodia រដូវកាលទី៣ បានឈានទៅដល់វគ្គផ្ដាច់ព្រ័ត្រហើយ ដោយយប់មិញនេះដែលជាវគ្គពាក់កណ្ដាលផ្ដាច់ព្រ័ត្រ លឹម សេរីហាន់នីកា នៅបន្តធ្វើបានល្អដដែល បើទោះជាមានជំងឺគ្រុនពោះវៀនក៏ដោយ តែមិនអាចមកបង្អាក់សមត្ថភាពនាងបានឡើយ។ នេះបើយោងតាមសម្ដីគ្រូបង្វឹក ពេជ្រ សោភា។


នីកា បានលើកយកចម្រៀង “Sorry មួយលានដង” ជាសំនៀងដើមរបស់អ្នកនាង ឱក សុគន្ធកញ្ញា។ បទនេះដែរ គឺបេក្ខជនវ័យ ១៦ ឆ្នាំរូបនេះផ្ទាល់ ជាអ្នកដាក់មកខាងគ្រូបង្វឹកតាំងពីយូរម្ល៉េះ។ ក្នុងរាត្រីវគ្គពាក់កណ្ដាលផ្ដាច់ព្រ័ត្រ នីកា នៅតែធ្វើបានល្អ បើទោះជាបទ “Sorry មួយលានដង” នោះកែទៅជាច្រើនចង្វាក់ និងគន្លិកគន្លាក់ច្រើន ហើយគ្រូបង្វឹក និងគ្រូភ្លេងបានថែមឃ្លាសម្រាប់រ៉េបផ្សេងទៀត។
ងាកមកបទដែលបកស្រាយរួមគ្នាជាមួយជាមួយបេក្ខជន វេហា ដែលជាមិត្តរួមក្រុម ទោះជាតុងបែបប្រុស នាងក៏ព្រមបន្ធូរដៃឡើយ ស្រែកបានខ្ពស់ និងប្ដូរជាសំឡេងខ្មោចបានយ៉ាងងាយស្រួល ដើម្បីកុំឲ្យភ្លាត់មានកំហុស និងក្លាយជារសជាតិថ្មី ធ្វើឲ្យទស្សនិកជនបោះឆ្នោតជាប់ទៅវគ្គបន្ត។

ងាកមក coach ៣ រូបដែលមិនជា coach ផ្ទាល់ខ្លួនក៏នៅតែសរសើរនាងដូចសប្ដាហ៍មុនៗ ពិសេសតារាចម្រៀង ណុប បាយ៉ារិទ្ធ ថាបេក្ខជនដែលមកពីខេត្តកំពង់ធំរូបនេះ អាចស្រែកដល់ណោតខ្ពស់ៗនៃបទ “Sorry មួយលានដង” តែ នីកា ធ្វើបានដោយគ្មានបញ្ហា បញ្ជាក់ថាជាបេក្ខជនស័ក្តិសមបោះជំហានទៅកាន់វគ្គខាងមុខទៀត។
សាមីខ្លួនបានចេញមុខមកនិយាយ ក្រោយខ្លួនអាចឡើងទៅវគ្គផ្ដាច់ព្រ័ត្ររួចហើយនោះ នាងបានបញ្ជាក់ថា អរគុណសម្រាប់អ្នកគាំទ្រ ដែលបានគាំទ្រ និងបោះឆ្នោតឲ្យនាងបានទៅដល់វគ្គផ្តាច់ព្រ័ត្រដែលជាក្ដីស្រមៃរបស់ នីកា។ មិនអស់ត្រឹមនេះឡើយ នីកា ក៏បានអរគុណទៅដល់គ្រូបង្វឹក ដែលបានបង្ហាត់បង្រៀនបច្ចេកទេស និងបទពិសោធន៍ដល់ខ្លួន ហើយក៏អរគុណលោកគ្រូភ្លេង Sann Sovandin New ដែលតែងតែបង្រៀននាង និងសូមបន្តគាំទ្រ ហាន់នីកា នៅវគ្គផ្តាច់ព្រ័ត្រ។
គួរបញ្ជាក់ថា វគ្គពាក់កណ្ដាលផ្ដាច់ព្រ័ត្រមានបេក្ខជន ៣ រូប ផ្សេងទៀត សួន សុវណ្ណចន្នី Team ណុប បាយ៉ារិទ្ធ សាល បាទី Team ឆន សុវណ្ណរាជ និង គឹម សុវណ្ណ Team ឱក សុគន្ធកញ្ញា៕




























Account
Security
Favourite Content