ថ្មីៗ នេះ សមាជិកក្រុមចម្រៀង 2NE1 គឺតារាស្រី Sandara Park បានចូលរួមជាភ្ញៀវកិត្ដិយសក្នុងកម្មវិធី Daesung’s House។ អ្វីដែលគួរឲ្យភ្ញាក់ផ្អើលក្នុងកម្មវិធី គឺតារាស្រីរូបនេះបានទម្លាយពីវិធីដែលផលិតកម្ម YG កំណត់ស្ដង់ដារទម្ងន់របស់សមាជិកម្នាក់ៗ របស់ក្រុម 2NE1។
តារាស្រី Sandara Park លើកឡើងថា៖ ការកំណត់ស្ដង់ដារទម្ងន់របស់សមាជិកក្រុម 2NE1 គឺយកទៅតាមគីឡូរបស់នាងផ្ទាល់តែម្ដង។ Sandara បានបន្ដថា នាងជាមនុស្សម្នាក់ដែលមានរាងស្គមពីកំណើត និងជាមនុស្សម្នាក់ដែលមិនសូវទទួលទានចំណីអាហារឡើយ ជាហេតុធ្វើឲ្យគីឡូរបស់នាងគឺតិចខ្លាំង។ នាងមានទម្ងន់ចន្លោះពី ៣៨ និង ៣៩ គីឡូ។ ហេតុនេះធ្វើឲ្យអ្នកគ្រប់គ្រងក្នុងផលិតកម្ម YG ជ្រើសរើសយកគីឡូរបស់នាង យកមកកំណត់ធ្វើជាស្ដង់ដារ និងតម្រូវឲ្យសមាជិកម្នាក់ៗ ត្រូវតមអាហារសម្រកគីឡូ នៅសល់ប្រហាក់ប្រហែលនាងដែរ។ ជាពិសេស មិនឲ្យលើសពី ៤០ គីឡូ។


Sandara Park បានបន្ដទៀតថា៖ នាងពិតជាមានភាពរអៀសខ្លួន ដោយមិននឹកស្មានគីឡូតិចពីកំណើត របស់នាង ក្លាយជាសម្ពាធរបស់សមាជិកក្រុមត្រូវសម្រកតាម។ ធ្លាប់មានម្ដង នាងបានទៅចរចាជាមួយផលិតកម្ម YG ដើម្បីឡើងគីឡូបន្ថែម ប៉ុន្ដែត្រូវបានគេច្រានចោលមិនទទួលយក។
នាងបន្ថែមថា៖ ដោយសាររូបរាងស្គមរបស់នាង គឺនាងមិនចាំបាច់តមអាហារ ឬសម្រកគីឡូខ្លាំង ដូចសមាជិកក្រុមឡើយ។ នាងតែងតែចែករំលែកអាហាររបស់នាងទៅកាន់សមាជិកក្រុម ព្រោះពួកគេទទួលទាន អាហារមិនគ្រប់គ្រាន់ឡើយ។



ជាមួយគ្នាដែរ តារាស្រី Sandara Park បានសំណូមពរ រូបនាងពិតជាសង្ឃឹមថា ផលិតកម្ម និងក្រុមហ៊ុនទាំងអស់មិនតឹងរ៉ឹងពេកចំពោះការតមអាហារ ព្រមទាំងអាចឲ្យតារាអាចទទួលទានអាហារបានគ្រប់គ្រាន់ និងមានសុខភាពល្អ។
គួរបញ្ជាក់ថា រូបរាងរបស់តារាស្រី Sandara Park កន្លងផុតទៅអស់រយៈពេលជាង ១៥ ឆ្នាំ បន្ទាប់ពីបញ្ចេញមុខក្នុង 2NE1 សឹងតែមិនប្រែប្រួលឡើយ រូបរាងនាងមើលទៅនៅតែក្មេងជាងវ័យ ជាពិសេសទម្ងន់គឺនៅសល់ចន្លោះពី ៣៨ ទៅ ៣៩ គីឡូដដែល៕























Account
Security
Favourite Content