បើទោះបីជាមានការរិះគន់ច្រើនប៉ុនណា TikTok នៅតែជាបណ្ដាញសង្គមដ៏ជោគជ័យមួយ ព្រមជាមួយអ្នកប្រើប្រាស់សកម្មជាង ១ពាន់លាននាក់។ សម្រាប់ Tiktok មិនខុសពីបណ្ដាញសង្គមផ្សេងឡើយ ពោលគឺអនុញ្ញាតឲ្យ Creators ឬអ្នកផលិតមាតិការកចំណូលបានពី Platform របស់ខ្លួន ក៏ដូចជាការផ្សព្វផ្សាយផលិតផលផ្សេងៗ។ បច្ចុប្បន្ននេះ Creators វ័យក្មេងមួយចំនួនតូចទាំងនៅកម្ពុជា ក៏ដូចជានៅបរទេសមានសមត្ថភាពអាចទាញចំណូលពី Platform ទាំងនេះបាន ហើយខ្លះរកចំណូលបានខ្ទង់លានដុល្លារទៀតផង។ យ៉ាងណាតួយ៉ាងដូចជា Creators វ័យក្មេងមួយរូបដែលរកចំណូលបានច្រើនបំផុតពីបណ្ដាញសង្គម TikTok ពោលគឺខ្ទង់លានដុល្លារបើតាមការចេញផ្សាយរបស់ទស្សនាវដ្ដី Forbes។

តារា TikTok ដែលរកចំណូលបានច្រើនបំផុតគឺ Charli D’Amelio វ័យត្រឹម ១៨ឆ្នាំប៉ុណ្ណោះដែលអាចទាញចំណូលតាមរយៈ Tiktok ក្នុងមួយឆ្នាំ ១៧.៥លានដុល្លារ (ការប៉ាន់ស្មានក្នុងឆ្នាំ ២០២១ របស់ Forbes)។ ចំណូលដែល Charli D’Amelio រកបានមួយភាគធំគឺតាមរយៈការផ្សព្វផ្សាយលក់សំលៀកបំពាក់ពីក្រុមហ៊ុនដែលនាងសហការគ្នាជាមួយបងស្រីរបស់ខ្លួន។ បន្ថែមពីលើនេះ Charli ក៏រកចំណូលបានពីការផ្សព្វផ្សាយឲ្យយីហោធំៗដូចជា Invisalign, Morphe និងDunkin ជាដើម។
ក្រៅពីនេះ Charli និងបងស្រី Dixie ថែមទាំងបានសហការជាមួយ Hollister បង្កើតយីហោសំលៀកបំពាក់ Social Touris, សហការជាមួយក្រុមហ៊ុនសំអាងMorphe និងបង្កើតរឿងភាគចាក់ផ្សាយនៅលើ Hulu បានពីររដូវកាលមកហើយដែរ។ គួរបញ្ជាក់ថានាង Charli D’Amelio ចាប់ផ្តើមផលិតមាតិការបស់ខ្លួនដំបូងក្នុងឆ្នាំ ២០១៩ និងចាប់ផ្តើមល្បីខ្លាំងតាមរយៈវីដេអូរាំរបស់នាងនិងការចូលរួមសម្ដែងជាមួយ Jonas Brothers។ បច្ចុប្បន្ននាងមានអ្នកតាមដានរហូតដល់ ១៤៨.៧លាននាក់នៅលើ TikTok និងជាប់ឈ្មោះជា TikToker រកចំណូលបានច្រើនជាងគេ និងជា Influencer លំដាប់ទី២ក្នុងលោកបន្ទាប់ពី Jimmy Donaldson (MrBeast) នៅលើទស្សនាវដ្ដី Forbes៕

























Account
Security
Favourite Content