ក្រោយឃើញវីដេអូរបស់ក្មេងប្រុសម្នាក់ដែលមានជីដូនពិការភ្នែកដើរសុំទាន និងមានម្ដាយដើរលាងចានឱ្យគេ ស្រាប់តែតារាចម្រៀងរ៉េប ជី ដេវីត បានសម្រេចចិត្តភ្លាមជួយឧបត្ថម្ភដល់កុមារកម្សត់រូបនោះ។

បន្ទាប់ពីវីដេអូមួយដែលអ្នកគ្រូបង្រៀនម្នាក់បានបង្ហោះកូនសិស្សប្រុសម្នាក់ដែលមានជីវភាពលំបាកខ្លាំងដោយក្នុងគ្រួសារមិនមានឪពុក គឺមានតែម្ដាយ និងជីដូនជរាថែមទាំងពិការភ្នែក។ ស្ថិតក្នុងភូមិត្រពាំងឈូក ឃុំមេសរជ្រៃ ស្រុកស្ទឹងត្រង់ ខេត្តកំពង់ចាម គេតែងឃើញកុមារាកម្សត់រូបនេះដើរព្រះសង្ឃបិណ្ឌបាត ខណៈដែលជីដូនត្រូវដើរសុំទាននៅខាងមុខផ្សារ រីឯម្ដាយដើរលាងចានឱ្យគេ។ រៀបរាប់បណ្ដើរព្យាយាមទប់ទឹកភ្នែកមិនឱ្យហូរ រហូតធ្វើឱ្យមហាជនជាច្រើនរំជួលចិត្តនិងជីវិតរបស់សិស្សប្រុសម្នាក់នេះសូម្បីតែតារាចម្រៀងរ៉េបលោក ជី ដេវីត បានសម្រេចឧបត្ថម្ភប្អូនប្រុសជាទឹកប្រាក់ ២០០ដុល្លារជារៀងរាល់ខែក្នុងរយៈពេល ១ឆ្នាំពេញដើម្បីសម្រួលដល់ជីវភាពរបស់លោកយាយ និងការសិក្សារបស់ប្អូនប្រុស។


វីដេអូរបស់អ្នកគ្រូ ធីតា បានផ្សព្វផ្សាយទៅ ធ្វើឲ្យអ្នកលេងបណ្ដាញសង្គមជាច្រើនអាណិតអាសូរដល់ប្អូនប្រុស និងបានជួយឧបត្ថម្ភខ្លះៗដល់ប្អូន តាមរយៈអ្នកគ្រូ។ នេះមិនមែនជាលើកទី១ឡើយដែលអ្នកគ្រូ ស្វែងរកជំនួយជួយដល់សិស្សក្រីក្រនៅក្នុងបន្ទុកថ្នាក់ ហើយអ្នកគ្រូក៏តែងចែករំលែកចំណេះដឹងផ្សេងៗជាហូរហែ ដើម្បីជួយឲ្យការសិក្សាសិស្សកាន់តែប្រសើរ។
គួរបញ្ជាក់ថា តារារ៉េប ជី ដេវីត ក៏មានខ្សែជីវិតកម្សត់ដែរ និងជាមនុស្សពុះពារ ដូចនេះពេលឃើញរឿងកម្សត់របស់ក្មេងប្រុសសិស្សសាលារូបនោះ រំជួលចិត្ត និងចេញមុខជួយតែម្ដងទៅ៕























Account
Security
Favourite Content