ដូចអ្នកគាំទ្របានដឹងហើយថា សិល្បករបារមីជាច្រើនរូប បានទៅអាមេរិក ដើម្បីការប្រគំតន្ត្រី។ មិនតែប៉ុណ្ណោះតារាប្រុសស្រីនៃ Baramey Crew ទាំងអស់ក៏បានទៅសម្ដែងនៅ Asian Art Museum ដើម្បីសម្ដែងជូនអ្នកគាំទ្រ ក៏ដូចជាជនជាតិខ្មែរ ដែលរស់នៅលើទឹកដីមហាអំណាចមួយនោះដែរ។

ការសម្ដែងនៅសារមន្ទីរ Asian Art កាលពីពេលកន្លងទៅតារាទាំង ៥ រូបរបស់ បារមី បានបញ្ចេញទេពកោសល្យរៀងខ្លួន ឲ្យអ្នកគាំទ្របានឃើញ ក្រោយការទន្ទឹងរង់ចាំពួកគេអស់ពេលជាយូរ។ ក្នុងនោះ វណ្ណថាន ជាតារាប្រុសពហុជំនាញតែម្ដងដែលត្រឹមស្រែកច្រៀងសំឡេងលើងពីរោះគ្រលួចឡើយ ការប្រើដៃលេងឧបករណ៍តន្ត្រីបុរាណខ្មែរ ក៏អស្ចារ្យមិនធម្មតាដែរ។
វេន លី វណ្ណថាន បង្ហាញសមត្ថភាពអ្នកគាំទ្រដែលទិញសំបុត្រទស្សនាការសម្ដែងនៅ Asian Art Museum បានស្រែកហ៊ោកញ្ជ្រៀវពេញកន្លែងរៀបចំកម្មវិធីតែម្ដង ព្រោះទាំងសំឡេង និងថ្វីដៃលេងឧបករណ៍តន្ត្រីគ្រប់យ៉ាងល្អទាំងអស់។

តារាប្រុសដែលមានដើមកំណើតមកពីខេត្តកំពង់ឆ្នាំងរូបនេះ គឺជាគ្រាប់ពេជ្ររបស់បារមី ព្រោះមិនត្រឹមតែមានសមត្ថភាពច្រៀងពីរោះប៉ុណ្ណោះទេ ថ្វីដៃលេងឧបករណ៍តន្ត្រីជិត ៣០ ប្រភេទឯណោះទាំងឧបករណ៍បុរាណ និងសម័យ។ មួយវិញទៀត វណ្ណថាន គឺជាអ្នក Mix សំឡេងឧបករណ៍ភ្លេងបុរាណ និងសម័យយ៉ាងស្ទាត់ជំនាញប្រចាំនៅបារមី។
កាលពីពេលកន្លងទៅ ម្ចាស់បទ «កំលោះស្រុកខ្មែរ» បាននិយាយថា អ្នកគាំទ្រលោកនៅក្រៅប្រទេស ពិតជាទទួលស្គាល់ និងដឹងពីសមត្ថភាពលោកពិតប្រាកដ តាមរយៈសមត្ថភាពក្នុងការលេងឧបករណ៍តន្ត្រី និងការច្រៀងរបស់លោក។ ដូចនេះហើយវត្តមាននៅ Asian Art Museum ទទួលបានការសាទរកក្រើក Bay Area កាលពីថ្ងៃ ២០ ខែកក្កដា កន្លងទៅនោះ ពិតជាស័ក្ដិសមនឹងកិត្តិយសលោក។
គួរបញ្ជាក់ថា ការចេញទៅសម្ដែងលើទឹកដីអាមេរិកលើកនេះរបស់សិល្បករបារមី ទទួលបានការចាប់អារម្មណ៍ពីសំណាក់សារព័ត៌មានអន្តរជាតិដូចជា NBC និង kron4 បានចំផ្សាយពីការសម្ដែងរបស់ វណ្ណថាន, វណ្ណដា, រ៉េត ស៊ូហ្សាណា, នរិទ្ធ និង យូហៃ៕





រូបភាព៖ Baramey Production និង Vanthan























Account
Security
Favourite Content