ស្ងាត់ៗតារាសម្ដែង និងម៉ូដែល ប្រាសាទ ដាវីន នឹងក្លាយជាអ្នកតំណាងកម្ពុជា ចូលរួមកម្មវិធីប្រកួតប្រជែងសម្រស់ Universal Woman នៅទីក្រុងឌូបៃ នាចុងខែមករា។ នេះបើយោងតាមការបង្ហោះពីផេកផ្លូវការ Universal Woman Cambodia កាលពី ២ ថ្ងៃកន្លងទៅ។
ក្នុងនោះសារដែល Universal Woman Cambodia បង្ហោះបានរៀបរាប់ថា «កាលពីចាប់ពីវិនាទីនេះទៅ 01 ខែ មករា ឆ្នាំ 2023 លោកស្រី ប្រាសាទ ដាវីន ( Mrs.Prasath Davin ) ក្លាយជា Universal Woman Cambodia 🇰🇭 2023 គាត់នឹងចេញទៅប្រកួតលើឆាកអន្តរជាតិតំណាងឲ្យប្រទេសកម្ពុជា នៅទីក្រុង ឌូបៃ ( Dubai ) ដែលមានប្រទេសចូលរួម៥០ប្រទេស នាចុងខែ មករា ឆ្នាំ2023នេះ»។
គួរឲ្យដឹងផងដែរថា កម្មវិធីស្ដ្រីឯកចក្រវាល ឬ Universal Woman គឺជាកម្មវិធីសម្រាប់ប្រកួតប្រជែងសម្រស់ ដែលផ្ដល់ឱកាសដល់ស្ត្រីទាំងឡាយណាបានរៀបការរួច ដោយកំណត់អាយុចន្លោះពី ២៥-៤០ ឆ្នាំ ដែលចង់បង្ហាញភាពស្រស់ស្អាត និងចង់ឲ្យសារសំឡេងរបស់ពួកគេ។ ព្រឹត្តិការណ៍នេះដែរ គឺជាកម្មវិធីនៃសកម្មភាពដែលផ្ដោតលើតម្លៃគ្រួសារ ការផ្សព្វផ្សាយវប្បធម៌ចម្រុះ ទេសចរណ៍ និងការគោរពចំពោះស្ត្រី។

បេក្ខនារីទាំងអស់នឹងត្រូវវិនិច្ឆ័យដោយអ្នកជំនាញសម្រស់ និងអ្នកជំនាញផ្នែកផ្សេងៗទៀត ដើម្បីជ្រើសរើសបេក្ខភាពចុងក្រោយ និងអ្នកឈ្នះ ដែលនារីរូបនោះគឺជា “ឯកអគ្គរដ្ឋទូត” របស់ Universal Woman។ បេក្ខភាពចុងក្រោយក៏នឹងត្រូវបានជ្រើសរើសដោយការបោះឆ្នោតពីសាធារណជនផងដែរ។
ប្រាសាទ ដាវីន គឺជាតារាម៉ូដែលស្រីមួយដួង ដ៏មានទេពកោសល្យ និងមានរូបសម្រស់ស្រស់ស្អាតបែបខ្មែរដែលកម្ពស់កំពខ្ពស់ស្រឡះ មានសម្បុរពណ៌ទឹកឃ្មុំយ៉ាងភ្លឺស្អាត។ ជាសិសេស ដាវីន មានចំណេះដឹងជ្រៅជ្រះ និងតែងតែលើកទឹកចិត្តមនុស្សជុំវិញខ្លួនមិនថាជាភេទអ្វីឡើយ ថែមទាំងព្យាយាមឲ្យអ្នករាល់គ្នារស់នៅជាខ្លួនឯង ដោយមិនគិតពីស្តង់ដារនៃការវាយតម្លៃរបស់អ្នកដទៃ។ នាងមានកូនស្រីម្នាក់ និងស្វាមីជាជនបរទេស៕























Account
Security
Favourite Content