នរណាខ្លះពេលប្រកាសសមាសភាព coach កម្មវិធី The Rapper Cambodia ហើយឃើញមាន នរិទ្ធ ដែលជាសមាជិកក្រុម Polarix គិតថា coach ម្នាក់នេះធម្មតាៗ។ ប៉ុន្តែពេលដែលកម្មវិធីចាប់ផ្ដើមប្រកួត រហូតមកដល់វគ្គ Final Rhyme អាទិត្យមុន គ្រប់គ្នារឹតតែភ្ញាក់ផ្អើលនូវសមត្ថភាពដ៏ខ្ពស់ របស់គ្រូបង្វឹករូបនេះ មានចំពោះកូនក្រុម។

Coach ម្នាក់នេះដំបូងៗអ្នកទស្សនាកម្មវិធី The Rapper គិតថាធម្មតា តែយូរទៅពិតជាមិនធម្មតាឡើយ ព្រោះអាចបង្វឹកទាំងរបៀបរ៉េប និងបង្ហាត់ក្បាច់រាំដល់កូនក្រុមថែមទៀតផង។ សប្ដាហ៍មុនបេក្ខភាពលេចធ្លោ ២ រូប សុទ្ធសឹងតែជាកូនក្រុមរបស់ នរិទ្ធ មាន Goofy និង YuuHai ដោយអ្នកទាំង ២ មិនត្រឹមមានបទចម្រៀងដ៏លេចធ្លោប៉ុណ្ណោះទេ ថែមទាំងច្រៀងរួមគ្នាជាមួយគ្រូបង្វឹកដែលមានក្បាច់រាំរស់រវើក ញ៉ាំងឲ្យការសម្ដែងរឹតតែអស្ចារ្យថែមទៀត។
វគ្គ Final Rhyme សប្ដាហ៍មុនឃើញថា ប៉ារ៉ូលក្នុងចម្រៀងរបស់ Goofy កាន់តែវិវត្តន៍ទៅមុខស័ក្ដិសមជាអ្នកអាជីពពិតៗ ព្រមទាំងមានក្បាច់រាំស្របពេល coach លេចមុខលើឆាក។ ងាកទៅមើល YuuHai វិញ lyric ធ្លាប់តែកាច ហើយអាទិត្យនេះថែមក្បាច់រាំក៏កាចទៀត ពិតជាមិនអាចឃាត់ មិនឲ្យអ្នកទស្សនាស្រែកហ៊ោបានឡើយ។


សកម្មភាពបង្វឹកកូនក្រុម
សម្រាប់ម្ចាស់បទ “MAYBE” រូបនេះមិនមែនជាលើកទី១ទេ ដែលអាចទាញយកចំណាប់អារម្មណ៍ពីអ្នកគាំទ្រ The Rapper Cambodia ឡើយ ព្រោះកាលពីវគ្គ Battle Round សប្ដាហ៍ដំបូងរបស់កម្មវិធី The Rapper Cambodia ទស្សនិកជនបានឃើញ កូនក្រុម ៣ នាក់ គឺ Vanno, Kan និង Emi រួចហើយ ដោយកាលនោះ team នោះពិតជាដូចតារាចម្រៀងអាជីពដូច្នោះដែរ ដែលអាចច្រៀងបទ “ពួកម៉ាកទាំង 3” យ៉ាងស៊ីចង្វាក់គ្នា និងក្បាច់រាំតែមួយទៀតផង។
ទស្សនិកជនអ្នកបានកោតសរសើរតិចនិកបង្រៀនកូនក្រុម និង show creative ប្លែកៗគ្រប់គ្នា គ្រប់សប្ដាហ៍តែម្ដង។ អ្នកគាំទ្រលើកឡើងស្រដៀងៗគ្នាថា កូនក្រុមរបស់ coach នរិទ្ធ សុទ្ធតែពូកែៗទាំងអស់ហ្មង មិនថាអ្នកធ្លាក់ទៅហើយ ឬអ្នកនៅបន្តឡើយ។ អ្នកខ្លះក៏គិតថា ក្នុងចំណោមcoach ទាំង ៤ ដំបូងគិតថាគាត់ប្រហែលបង្វឹកមិនសូវបានល្អទេ តែដល់ពេលនេះទើបភ្ញាក់ខ្លួន ហើយអ្នកខ្លះគិតថាកូនក្រុម នរិទ្ធ មានឱកាសលើកពានច្រើនជាងកូនក្រុម coach ដទៃ៕


























Account
Security
Favourite Content