សម្រាប់សប្ដាហ៍ទី ៣ នៃវគ្គ Live Show លឹម សេរីហាន់នីកា កាន់តែវិវត្តន៍ខ្លួនបានយ៉ាងល្អមួយកម្រិតថែមទៀត រហូតដល់ម្ចាស់បទដែលជា coach មួយរូបរបស់កម្មវិធី The voice Cambodia លាន់មាត់សរសើរថាយុវតី វ័យ ១៦ ឆ្នាំរូបនោះ ប្លែកដាច់ពីសប្ដាហ៍មុនតែម្ដង។

Coach កញ្ញា បាននិយាយពីគុណសម្បត្តិរបស់ សេរីហាន់នីកា អាចច្រៀងបទ “យុត្តិធម៌គ្មានសម្រាប់អ្នកស្មោះ បានពីរោះប្លែកខុសឆ្ងាយពីម្ចាស់បទផ្ទាល់តែម្ដង។ បេក្ខជន best of the best របស់កូនក្រុម ពេជ្រ សោភា បានប្រើប្រាស់ស្ទីល៍ផ្ទាល់ខ្លួនសុទ្ធសាធ ក្នុងនោះ កញ្ញា បញ្ជាក់បន្ថែមថា បេក្ខជន The voice Cambodia រដូវកាលទី ៣រូបនេះ នីកា មានសំឡេងមួយបែបពិសេស ធ្ងន់ ខ្ពស់ មុតស្រួច ពោរពេញទៅដោយកម្លាំង។
អ្នកកំពង់ធំរូបនោះបានធ្វើឲ្យ Coach កញ្ញា ភ្ញាក់ផ្អើលពេលច្រៀងបទមនោសញ្ចេតនាដែលប្រើកម្លាំងខ្លាំងដូច ហាន់នីកា ពិតជាកម្រមានណាស់។ ព្រោះបទឈឺចាប់ភាគច្រើនតែងតែប្រើអារម្មណ៍បែបស្រទន់ជាងធម្មតា ហើយម្ចាស់បទបានបន្ថែមមួយឃ្លាដ៏អស្ចារ្យទៅកាន់បេក្ខជនរូបនោះថា ការប្រកួតប្រជែងគឺទាល់តែខ្លាំងបែបនេះ ទើបធ្វើឲ្យការបកស្រាយបទចម្រៀងទៅមានថាមពលបានល្អ។


Best of the best ក្នុង team សោភា ជាពាក្យដែលកម្មវិធីផ្ដល់ឲ្យយុវតីរូបនេះ ហើយពិធីករទៀតសោត បានហៅ នីកា ថា បេក្ខនារី best the voice។ សម្រាប់សប្ដាហ៍នេះ លឹម សេរីហាន់នីកា មិនត្រឹមតែច្រៀងបានល្អប៉ុណ្ណោះទេ អ្នកគាំទ្រក៏សង្កេតឃើញថា ការរៀបចំខ្លួននាងពិតជាស័ក្ដិសម និងដូចតារាចម្រៀងអាជីពដូច្នេះដែរ៕



























Account
Security
Favourite Content