ព័ត៌មានកម្សាន្តប្លែកៗ
រសនិយម
តន្រ្តី
ភាពយន្ត
មាតិកាឌីជីថល
បើកសោជីវិត
ចង់ដឹងរឿងគេ
វនយាត្រា
Cicada Agent
ព្រះនាងកង្កែប
បើនិយាយដល់កម្មវិធី វនយាត្រា ទើបបញ្ចប់រដូវកាលទី១ នោះ ឃើញថាទទួលបានការគាំទ្រច្រើនពីសំណាក់ប្រិយមិត្តដែលចូលចិត្តដំណើរបែបផ្សងព្រេង។ បើទោះជាបញ្ចប់ទៅក៏ពិតមែន តែក្រឡេកទៅមើលក្រុមអ្នកផលិតកម្មវិធី វនយាត្រា ប្រិយមិត្តពិតជាមិនទាន់បានស្គាល់ទេមែនអត់?
មានមនុស្សជាច្រើននៅពីក្រោយការផលិតកម្មវិធី វនយាត្រា ដែលអាចផ្ដិតយករូបភាព និងវីដេអូច្បាស់ត្រជាក់ភ្នែក។ ក្រៅពី guide ទាំង ២ ព្រមទាំងឧទ្យានអនុរក្សតាមតំបន់ហើយ នៅមាន Producer មាន ៣ រូបទៀត រួមមាន លោក ដូណា ដែលមានបទពិសោធន៍ធ្លាប់ផលិតកម្មវិធីល្បីៗជាច្រើនដូចជា Mister Chef, កញ្ញា ធាង តូច គឺជាផលិតករ ធ្លាប់ផលិត Sitcom ស៊ីកាដា និងshow ល្អៗកន្លងមក។ ចំណែក កញ្ញា និច ជាអ្នកដឹកនាំសម្ដែងស្រីមានភាពម៉ត់ចត់ ក្លាហាន ហ៊ានលះបង់ចុះទៅដល់ទីតាំងថតផ្ទាល់ដោយមិនរុញរា បើទោះជាចុះទឹក ឬឡើងភ្នំក៏ដោយ។
ងាកមកស្គាល់ Director of Photographer ម្នាក់ គឺលោក ហេនឌី ដោយលោកមិនមែនកាន់មុខងារតែម្យ៉ាងនោះទេ តែ ហេនឌី អាចបត់បែនរ៉ាប់រងតួនាទីផ្សេងៗតាមស្ថានភាពជាក់ស្ដែង។ បើនិយាយពី Cameraman កម្មវិធី វនយាត្រា វិញ គឺ រស់ សុផល ហៅ Bella មិនត្រឹមថតវីដេអូប៉ុណ្ណោះទេ លោកក៏ជាមនុស្សតែងនាំសំណើចដល់ក្រុមការងារផងដែរ ជួយឲ្យក្រុមការងារបាត់អស់ភាពហត់នឿយបានមួយកម្រិត។ វនយាត្រា មានការីបច្ចេកទេសសំឡេងម្នាក់ឈ្មោះ សៀង វាសនា ជាមនុស្សឆ្លាតវៃរៀបចំឧបករណ៍ស្រូបសំឡេងបានត្រូវតាមកាលៈទេសៈ។ ចំណែកលោក ហៀង ប៊ុណ្ណា អ្នកសម្របសម្រួលការផលិតកម្មវិធីម្នាក់ និងជាមនុស្សសំខាន់បំផុតដែលក្រុមខ្វះមិនបាន ហើយថែមទាំងផ្លាស់ប្ដូរតួនាទីភ្លាមៗ តាមតម្រូវការក្រុមការងារ។
ដើម្បីនាំអ្នកទាំងអស់គ្នាទៅដល់ ៦ តំបន់ នោះ អ្នកដែលខិតខំប្រឹងប្រែងខ្លាំងជាងគេ គឺមិនមែនមានតែបុគ្គលសំខាន់ៗប៉ុន្មានរូបនោះទេ នៅមានថ្នាក់ដឹកនាំ និងផ្នែកពាក់ព័ន្ធជាច្រើនទៀត។ វីដេអូដែលយើងឃើញមានត្រឹម ១០ នាទីជាងប៉ុណ្ណោះ ប៉ុន្តែដំណើរការងារផ្សេងៗត្រូវរៀបចំចាត់តាំងច្រើនដំណាក់កាល ហើយខាងក្រុមផលិតបានរៀបចំតាំងរាប់ខែមុន ព្រោះត្រូវទាក់ទងទៅខាងមន្ទីរបរិស្ថាន និងការសុំទីតាំងជាច្រើនដំណាក់កាលតាមផ្នែករដ្ឋបាលខេត្ត/ស្រុក ដែលនោះមានភាពស្មុគស្មាញខ្លាំង។
ស្ដាប់តាមការរៀបរាប់របស់អ្នកនៅពីក្រោយការផលិតកម្មវិធី វនយាត្រា ម្នាក់ៗសុទ្ធតែលះបង់ទាំងកម្លាំងកាយចិត្ត ហើយតំបន់ខ្លះពិតជាយកខ្លួនទៅប្រថុយខ្លាំង ដោយត្រូវឡើងភ្នំតាមខ្សែពួរ ឬវគ្គត្រូវថតនៅតំបន់មានទឹក គឺជ្រមុជចុះទឹកដោយមិនអាចរារែកបានឡើយ។ ព្រោះបើមិនធ្វើបែបនោះទេ មិនអាចផលិតបានវីដេអូល្អយកមកចែកជូនអ្នកគាំទ្រកម្មវិធីបានឡើយ។ វនយាត្រា រដូវកាលទី១ បានបង្រៀនក្រុមការងារនូវមេរៀនជីវិតជាច្រើនបូករួម ទាំងរឿងសំខាន់បំផុតដែល អ្នកធ្វើការជាក្រុមត្រូវដឹង គឺការអត់ធ្មត់ អធ្យាស្រ័យ និងសាមគ្គីគ្នាជាធ្លុងមួយ ទើបកម្មវិធីដំណើរការទៅមុខបានតាមការកំណត់។ បើទោះជាហត់នឿយ ប៉ុន្តែក្រុមការងារក៏ទទួលបានបទពិសោធន៍ថ្មីមិនធ្លាប់សាកល្បងធ្វើពីមុនមក និងឆ្លងកាត់ពេលវេលាល្អ បរិយាកាសល្អៗ និងដល់គោលដៅរួមគ្នា។
បើទោះជារីករាយច្រើនក៏ដោយ តែក្រុមការងារក៏មានការខឹង អាក់អន់ស្រពន់ចិត្តគ្នាខ្លះដែរ ដូច្នេះហើយក៏នៅមានម្នាក់ចាំសម្របសម្រួលឲ្យត្រូវរ៉ូវគ្នាវិញជានិច្ច។ តែនៅពេលអ្នកទាំង ៦ និង guide ២ រូបមកអង្គុយជុំគ្នា លើកឡើងពីអនុស្សាវរីយចូលព្រៃ ចុះទឹក ឡើងភ្នំជាមួយគ្នា ដែលមានពីផលលំបាក និងភាពសប្បាយរីករាយ ម្នាក់ៗផ្ទុះសំណើចរៀងៗខ្លួន ពេលរំលឹកដល់គ្រាកន្លង។
ជាចុងបញ្ចប់ក្រុមការងារ AMS Infotainment សូមថ្លែងអំណរគុណដល់ក្រសួងបរិស្ថាន និងមន្ត្រីគ្រប់ជាន់ថ្នាក់ដែលបានសហការ និងសម្របសម្រួលផលិតយ៉ាងអស់ពីចិត្ត ធ្វើឲ្យកម្មវិធីទទួលបានជោគជ័យ៕
Account
Security
Favourite Content