ចុងសប្ដាហ៍នេះនៅផ្សារទំនើបជីប ម៉ុង ២៧១ មេហ្គា ម៉ល នឹងមានការបង្ហាញនូវសម្លៀកបំពាក់មង្គលការខ្មែរដោយមានទាំងវីដេអូឯកសារ និងការបង្ហាញដោយផ្ទាល់ជូនដល់សាធារណជនទស្សនាដោយឥតគិតថ្លៃ។

ក្រសួងវប្បធម៌និងវិចិត្រសិល្បៈសហការជាមួយផ្សារទំនើបជីប ម៉ុង ២៧១ មេហ្គា ម៉ល បានលើកយកកម្មវិធីរាត្រីសមោសរសំពត់បត់ខ្មែរ លើកទី២ ក្រោមប្រធានបទ «សម្លៀកបំពាក់អាពាហ៍ពិពាហ៍ខ្មែរ» មកបង្ហាញជូនសាធារណជនទស្សនាដោយសេរី នាថ្ងៃទី២៦ និង២៧ ខែមេសា ឆ្នាំ២០២៥ នៅជាន់ផ្ទាល់ដី មេហ្គា ផ្លាហ្សា ផ្សារទំនើបជីប ម៉ុង ២៧១ មេហ្គា ម៉ល។
ព្រឹត្តិការណ៍វប្បធម៌មួយនេះមានការបង្ហាញជូននូវសម្លៀកបំពាក់មង្គលការខ្មែរចាប់ពីសម័យឧដុង្គ ដល់សម័យបច្ចុប្បន្នដោយមានទាំងឯកសារវីដេអូនិងការដើរបង្ហាញជូនដោយផ្ទាល់មិនតែប៉ុណ្ណោះក៏មានការបង្ហាញជូននូវសម្លៀកបំពាក់ងូតទឹករបស់ស្ត្រីខ្មែរផងដែរ។ ដោយឡែក នៅថ្ងៃទី២៦ ខែមេសា ឆ្នាំ២០២៥ មានការតាំងបង្ហាញនូវសម្លៀកបំពាក់មង្គលការខ្មែរតាំងពីសម័យឧត្ដុង្គរហូតដល់បច្ចុប្បន្ននិងពិព័រណ៍ផលិតផលផ្សេងៗដែលធ្វើដោយដៃ។



គួរឱ្យដឹងដែរថា ការរៀបចំព្រឹត្តិការណ៍វប្បធម៌នេះឡើងគឺដើម្បីឱ្យប្រជាពលរដ្ឋក៏ដូចជាយុវវ័យសម័យថ្មីបានយល់ដឹងពីទម្រង់សម្លៀកបំពាក់អាពាហ៍ពិពាហ៍របស់ខ្មែរ៕
រូបភាពឯកសារ៖ សមាគមសិល្បករខ្មែរ




















































Account
Security
Favourite Content