កញ្ញា កុយ អេនណា បានធ្វើដំណើរទៅប្រទេសកូរ៉េខាងត្បូង ដើម្បីធ្វើការប្រគំតន្ត្រីសប្បុរសធម៌ ដើម្បីស្វែងរកថវិកា ជួយដល់វីរកងទ័ពខ្មែរ និងជនភៀសសឹកនៅតាមព្រំដែន។ ការប្រគំតន្ត្រីធ្វើឡើងតាំងពីថ្ងៃ ៥ ខែតុលា ឆ្នាំ ២០២៥ មកម្ល៉េះ ដោយថវិកាទាំងអស់ដែលរៃបានពីកម្មវិធី នឹងត្រូវនាំយកទៅកម្ពុជា ដើម្បីជួយដល់ក្រុមគ្រួសារកងទ័ពខ្មែរបានពលី ព្រមទាំងប្រជាជនភៀសសឹករាប់ម៉ឺននាក់។

សិល្បករខ្មែរទាំង ៩ រូបបានលះបង់កម្លាំងកាយចិត្តទៅកន្លែងប្រគំតន្រ្តី ដើម្បីរៃអង្គាសថវិកា។ ម្នាក់ក្នុងចំណោមតារាទាំង ៩ ដួង កុយ អេនណា គឺទទួលបានការចាប់អារម្មណ៍ខ្លាំងមែនទែន ដោយនាងទើបបញ្ចប់បេសកកម្មដើរថ្មើរជើងទៅកាន់ទីរួមខេត្តសៀមរាបភ្លាម ក៏បន្តការងារមនុស្សធម៌ថែមទៀត មិនគិតពីការនឿយហត់។
ក្នុងឈុតរ៉ូបស និងបន្ថែមដោយគ្រឿងអលង្ការខ្មែរ ពេលច្រៀងរាំកម្មវិធីសប្បុរសធម៌ អេនណា ត្រូវបានប្រជាពលរដ្ឋខ្មែរដែលធ្វើការនៅប្រទេសកូរ៉េសរសើរពីភាពស្រស់ស្អាត និងមិនប្រកាន់ខ្លួនឡើយ ដោយឈរច្រៀង រាំ ម៉ោងក្នុងកម្មវិធី ហើយនៅពេលមានអ្នកសុំថតរូប និងវីដេអូជាមួយ នឹងនៅតែញញឹមដោយភាពទន់ភ្លន់ រួសរាយរាក់ទាក់ មិនបញ្ចេញអាការហត់នឿយឡើយ។
ប្រជាជនខ្មែរដែលកំពុងរស់នៅប្រកបការងារនៅកូរ៉េ ហើយបានទៅកម្មវិធីប្រគំតន្ត្រីសប្បុរសធម៌ សរសើរថា អេនណា បានទាំងសម្រស់ បានទាំងកិរិយាមារយាទថ្លៃថ្នូរពីការក្នុង៕













រូបភាព៖ Koy Anna និង Chhoem Sakada























Account
Security
Favourite Content