ក្រោយពីសមាជិក BLACKPINK ទាំង ៤ សម្រេចមិនបន្ដកុងត្រាទោលជាមួយផលិតកម្ម YG សមាជិក ៣ រូប រួមមាន Lisa, Jisoo និង Jennie សុទ្ធតែប្រកាសបើកក្រុមហ៊ុនផ្ទាល់ខ្លួនដើម្បីគ្រប់គ្រងសកម្មភាពទោលរបស់ខ្លួន។ នៅឡើយតែ ROSÉ មិនទាន់ច្បាស់ការណ៍ថា តើរូបនាងនឹងបើកក្រុមហ៊ុនផ្ទាល់ខ្លួនដូចសមាជិកក្រុម ឬសម្រេចចិត្ដចូលផលិតកម្មណាមួយនោះទេ។

នៅព្រឹកថ្ងៃទី ១៧ ខែ មិថុនា ឆ្នាំ ២០២៤ ប្រភពព័ត៌មានកូរ៉េ Naver បានទម្លាយថា បច្ចុប្បន្ន សមាជិក BLACKPINK រូបនេះ កំពុងស្ថិតក្នុងដំណាក់កាលចរចាត្រៀមចូលផលិតកម្មរបស់លោក Teddy គឺ The BLACK LABEL។ ជាការឆ្លើយតបពីខាង The BLACK LABEL បានឲ្យដឹងថា វាជាការពិត ពួកគេកំពុងតែចរចាគ្នាពីកុងត្រា ជាមួយសមាជិកក្រុមចម្រៀង BLACKPINK ROSÉ។



ROSÉ និងសមាជិកក្រុមចម្រៀង BLACKPINK ត្រូវបានគេរាយការណ៍ថា មានទំនាក់ទំនងជិតស្និទ្ធជាមួយលោក Teddy។ លោក Teddy គឺជាអ្នកផលិតបទចម្រៀងល្បីៗ ជាច្រើនរបស់ BLACKPINK ចាប់តាំងពីបទចម្រៀងដំបូងចេញក្នុងឆ្នាំ ២០១៦ រួមមាន Boombayah និង Whistle ជាដើម។
គួរបញ្ជាក់ថា The BLACK LABEL គឺជាក្រុមហ៊ុនបុត្រសម្ព័ន្ធ១របស់ YG Entertainment និងត្រូវបានបង្កើតដោយផលិតករ Teddy នៅក្នុងឆ្នាំ ២០១៦។ បច្ចុប្បន្ន តារាល្បីៗ ដូចជា Taeyang, Jeon Somi, Zion.T, Park Bogum និង Lee Jong Won សុទ្ធតែស្ថិតនៅក្រោមការគ្រប់គ្រងរបស់ The BLACK LABEL៕

























Account
Security
Favourite Content