រស់ មុនី និង អ៊ូ តារា ថាភាពយន្ត action នៅកម្ពុជាឥឡូវមានសន្ទុះគាំទ្រកើនឡើង

ជាការពិតដែលវិស័យភាពយន្តនៅកម្ពុជានាពេលបច្ចុប្បន្នកំពុងមានសន្ទុះគួរឱ្យកត់សម្គាល់ ក្នុងរយៈពេលប៉ុន្មានឆ្នាំចុងក្រោយនេះ។ ក្នុងនោះគេឃើញមានវត្តមានរឿងបែបវាយប្រហារ (action) ផងដែរ។ ដ្បិតតែភាពយន្តបែបវាយប្រហារ នៅមិនទាន់សូវមានកំណើនក្នុងការផលិតខ្លាំងនៅកម្ពុជាដូចប្រភេទរឿងកំប្លែង រឿងខ្មោច និងរឿងបែបរ៉ូមែនទិច ក៏ពិតមែន ប៉ុន្តែរឿងបែប action នីមួយៗត្រូវផលិតឡើងយ៉ាងល្អ ប្រកបដោយគុណភាពស្តង់ដារ ដែលអ្នកទស្សនាអាចទទួលយកបាន។ 

គេនៅចាំបានថា រឿង “Jailbreak” រឿង “The Prey” និងរឿងមួយចំនួនទៀត ដែលសុទ្ធសឹងជារឿងបែប action សម្តែងដោយតារាសម្តែងខ្មែរ ក្រោមស្នាដៃតែងនិពន្ធ និងដឹកនាំរឿងរបស់ផលិតករល្បីៗនៅកម្ពុជា សុទ្ធតែធ្លាប់ទទួលបានការគាំទ្រខ្លាំង ទាំងនៅក្នុង និងក្រៅស្រុក ហើយក្នុងចំណោមរឿងទាំងនោះក៏ធ្លាប់ត្រូវយកទៅដាក់បញ្ចាំងក្នុង Netflix ថែមទៀតផង។

លើកឡើងពីសន្ទុះរឿង action នៅកម្ពុជានាពេលបច្ចុប្បន្ន តារាសម្តែងកំពុងលេចធ្លោក្នុងភាពយន្តបែបវាយប្រហារ ២ រូប គឺលោក រស់ មុនី និង អ៊ូ តារា បានបង្ហាញការយល់យ៉ាងដូច្នេះថា ភាពយន្ត​បែប​នោះ​បច្ចប្បន្ន​ទទួល​បាន​ការ​គាំទ្រ​ច្រើន​គួរសម​ពី​សំណាក់​អ្នក​ទស្សនិកជន។

លោក រស់ មុនី បាន​លើក​ឡើង​ថា៖ «បើតាមខ្ញុំមើលឃើញ ពីមុនមករឿង action នៅស្រុកខ្មែរយើងគឺអត់មានច្រើនទេ ប៉ុន្តែបន្ទាប់ពី Jimmy Henderson គាត់មកធ្វើរឿង «ហនុមាន» ឆ្នាំ ២០១៥ យើងឃើញថា មានការទទួលយកពីប្រជាជនខ្មែរយើងច្រើន។ បន្ទាប់ពីនោះមកយើងឃើញថាវា (រឿង action) បានឡើងមួយកម្រិតទៀត គឺរឿង «Jailbreak» អ៊ីចឹង បានន័យថារឿង action នៅស្រុកខ្មែរ មានការទទួលយក និងការគាំទ្រច្រើនពីសំណាក់ audience ខ្មែរ។ នេះតាមអ្វីដែលខ្ញុំមើលឃើញ»។

ចំណែក អ៊ូ តារា ដែល​ជា​អ្នក​ជំនាញក្បាច់​គុណ​ល្បុក្កតោ និយាយថា ៖ «ទាក់ទងនៅក្នុង film industry វាមានរសជាតិច្រើននៅក្នុងភាពយន្ត  អាចថា រឿងខ្មោច រឿងស៊ើបអង្កេត រឿងបែប action រឿងបែបកំប្លែង រឿង drama បែបមនោសញ្ចេតនា ក៏ប៉ុន្តែនៅស្រុកខ្មែរយើង យើងដូចខ្វះមួយ បានន័យថា action យើងនៅមានកម្រិតនៅឡើយ។ ដល់អ៊ីចឹង យើងចង់ឱ្យនៅក្នុង film industry លើពិភពលោកមានអ្វី យើងត្រូវបំពេញឱ្យគ្រប់លក្ខណៈក្នុងវិស័យភាពយន្តដូចគេដែរ។ ដូចនេះ យើងអ្នកជំនាញក្នុងរឿង action យើងក៏ព្យាយាមធ្វើរឿង action ឱ្យអស់ពីលទ្ធភាព ដើម្បីគេមើលមកឃើញថា ស្រុកខ្មែរក៏មានធ្វើ action ដែរ មិនមែនមានត្រឹមតែប្រទេសជិតខាង ឬក៏នៅអ៊ឺរ៉ុបនោះទេ នៅខ្មែរក៏យើងអាចធ្វើបានដូចគ្នា ហ្នឹងហើយ គឺជាឆន្ទៈរបស់យើងទាំងអស់គ្នា»។

តារាសម្តែងលេចធ្លោក្នុងភាពយន្តបែបវាយប្រហារទាំង ២ សង្ឃឹមថា ប្រជាជនកម្ពុជានឹងនៅបន្តគាំទ្ររឿងប្រភេទ action ដែលខ្មែរ​ផលិត ហើយអ្នកទាំង ២ នឹងមានអ្វីថ្មីៗមកចែកជូនគ្រប់គ្នាបានទស្សនានៅក្នុងឆ្នាំ២០២៣ ខាងមុខនេះ៕



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

ប្រជាជនកម្ពុជារួមស្មារតីខ្មែរតែ១ ស្វាគមន៍ពិភពលោកមកកាន់ទឹកដីអច្ឆរិយៈនៃព្រះរាជាណាចក្រកម្ពុជា ក្នុងកិច្ចប្រជុំកំពូលហ្វ្រង់កូហ្វូនីលើកទី២០

ប្រជាជនកម្ពុជាកំពុងស្វាគមន៍យ៉ាងកក់ក្តៅ និងប្រកបដោយមោទនភាព ចំពោះការអញ្ជើញមកដល់របស់ប្រតិភូជាន់ខ្ពស់ ថ្នាក់ដឹកនាំ និងភ្ញៀវអន្តរជាតិទាំងអស់ មកចូល

ព្រឹត្តិការណ៍កីឡាជាតិ ឆ្នាំ២០២៦ បិទបញ្ចប់ដោយជោគជ័យយ៉ាងត្រចះត្រចង់ ក្រោមការឧបត្ថម្ភផ្តាច់មុខ និងការគាំទ្រយ៉ាងសកម្មពីក្រុមហ៊ុន វឌ្ឍនៈ ដើម្បីបន្តលើកស្ទួយវិស័យកីឡាកម្ពុជា

ព្រឹត្តិការណ៍កីឡាជាតិ លើកទី៥ និងកីឡាជាតិជនពិការ លើកទី៣ ឆ្នាំ២០២៦ ដែលជាមហាព្រឹត្តិការណ៍កីឡាថ្នាក់ជាតិដ៏សំខាន់បំផុតប្រចាំឆ្នាំ បានបិទបញ្ចប់ជាស្ថាពរប្រកប

កម្ពុជា​ដាក់បង្ហាញសិល្បៈ​បុរាណ​ខ្មែរ​ក្នុង​ព្រឹត្តិការណ៍​អន្តរជាតិ «ហ្វ្រង់កូហ្វូនី»

ព្រឹត្តិការណ៍ «ភូមិហ្វ្រង់កូហ្វូនី ឆ្នាំ២០២៦» បើក​ជា​ផ្លូវ​ការ​នា​វេលា​ព្រឹក​ថ្ងៃ​ទី ១៣ ខែវិច្ឆិកា ឆ្នាំ២០២៦ ក្រោម​អធិបតីភាព​ដ៏​ខ្ពង់ខ្ពស់​នៃ​សម្ដេចមហាបវរធិបតី

សារព័ត៌មាន The Star បានចុះផ្សាយពី ជូរី ល្អហួស និងរបាំបុរាណខ្មែរ ដែលនាងយកទៅបង្ហាញក្នុងកម្មវិធីប្រកួតសម្រស់ នៅហ្សាកាតា

ម្មវិធីការ​ប្រកួត Miss Teen Icon International ២០២៦ ដែល​ឥណ្ឌូណេស៊ីធ្វើ​ជា​ម្ចាស់​ផ្ទះ ហើយ​ក៏​មាន​ការ​ចូលរួមពី ជូរីល្អហួស Miss Teen Icon Cambodia 2026 ទទួល​បាន​

លោក Jensen Huang ចុះចេញពីតំណែងជា CEO របស់ក្រុមហ៊ុន Nvidia ក្រោយបែកធ្លាយរឿងអាស្រូវសហាយស្មន់ ២ ករណី

លោក Jensen Huang បានចុះចេញពីតំណែងជានាយកប្រតិបត្តិរបស់ក្រុមហ៊ុន Nvidia កាលពីថ្ងៃទី ១២ ខែវិច្ឆិកានេះ បន្ទាប់ពីមានការបែកធ្លាយរឿងអាស្រូវស្នេហាត្រីកោណចំនួន ២ ករណី

ហ្វីយ៉ាតា ទទួលបាន​ការ​អញ្ជើញផ្ទាល់ពី Fátima Miss Universe 2025 សម្រាប់រាត្រីចុងក្រោយនៃការគ្រងមកុដ

ការ​រឿង​ដ៏​ភ្ញាក់ផ្អើល និង​កិត្តិយស​សម្រាប់​អ្នកនាង ថៃ នារីសុជាតា ឬ ហ្វីយ៉ាតា ត្រូវ​បាន​ Miss Universe អញ្ជើញ​រូប​នាង ដែល​ជា Miss Universe Cambodia 2025 ទៅ​ចូល

Maurice Chan កូនខ្មែរជាតួ Stunt ដ៏ល្បីនៅហូលីវូដ ប្រកាសផលិតភាពយន្ត​ Action ខ្នាតធំលើកដំបូងនៅកម្ពុជា

បន្ទាប់ពីបានសាងកេរ្តិ៍ឈ្មោះ និងបទពិសោធន៍យ៉ាងជោគជ័យក្នុងវិស័យភាពយន្តហូលីវូដតាមរយៈស្នាដៃលំដាប់ពិភពលោកជាច្រើនដូចជា John Wick: Chapter 4 និង James Bond: Spectre លោក

កូរ៉េខាងត្បូងផ្ដោតលើការរៀបចំកម្មវិធីដើម្បីផ្ដល់ឱកាសឱ្យអ្នកនៅលីវបានជួបគ្នា ជាការដោះស្រាយបញ្ហាអត្រាកំណើតធ្លាក់ចុះ

សាលាក្រុងសេអ៊ូលនឹងរៀបចំកម្មវិធីផ្គូផ្គងគូស្រករដែលមានឈ្មោះថា “Seoul-ting” ដើម្បីបើកឱកាសឱ្យអ្នកនៅលីវអាចស្វែងរកគូស្រកររបស់ខ្លួននៅចុងឆ្នាំ ២០២៦ ជាការរួមចំណែកមួយ

ឈុតតំណាងជាតិ ល្អហួស Miss Teen Icon Cambodia 2026 ក្នុងកម្មវិធី Miss Teen Icon International ប្រណីតហួសថ្លែង

យុវតី ជូរី ល្អហួស Miss Teen Icon Cambodia 2026 ដែល​តែ​នៅ​ក្នុង​វេទិកា​ប្រកួត Miss Teen Icon International 2026 ដែល​កំពុង​ធ្វើ​ឡើង​នៅ​ប្រទេស​ឥណ្ឌូណេស៊ី​នោះ ទទួល​

លោកស្រី Angelina Jolie លើកសរសើរវប្បធម៌ និងទឹកចិត្តប្រជាជនកម្ពុជាយ៉ាងជ្រាលជ្រៅ ក្នុងកិច្ចប្រជុំកំពូលអាស៊ាននៅហ្វីលីពីន

តារាសម្ដែងជួរមុខហូលីវូដ លោកស្រី Angelina Jolie បានចែករំលែកពីទំនាក់ទំនងអស់រយៈពេលជាង ២៥ ឆ្នាំរបស់លោកស្រីជាមួយប្រទេសកម្ពុជា ដែលបានធ្វើឱ្យលោកស្រីឱ្យតម្លៃយ៉ាង