តារាស្រីជើងចាស់ Carman Lee ឬតួស្រី សៀវ ឡុងនី បានក្លាយជាទីចាប់អារម្មណ៍របស់មហាជនយ៉ាងខ្លាំង ក្រោយរូបនាងបង្ហោះរូបភាពប៉ុន្មានសន្លឹកក្នុងឈុតរ៉ូបពណ៌ស ដែលមើលទៅស្រស់ស្អាតយ៉ាងខ្លាំង។



រូបនាងបានបង្ហោះស្លៀករ៉ូបពណ៌សយ៉ាងស្រស់ស្អាត ដោយដៃមានកាន់ផ្កាមួយបាច់។ ការបង្ហោះរូបនេះគឺសម្រាប់អបអរ និងស្វាមគមន៍ខែ ថ្មី ខែ កក្កដា។ មតិជាច្រើនបានលើកឡើងនាងពិតជាស្រស់ស្អាត និងមើលទៅដូចជាកូនក្រមុំមួយរូបដែលត្រៀមចូលរោងមង្គលសាងគ្រួសារ។ ស្របពេលជាមួយគ្នាដែរ ក៏មានពាក្យចចាមអារ៉ាមមួយចំនួនលើកឡើងថា នាងបានលួចរៀបការស្ងាត់ៗ និងបង្ហោះរូបភាពនេះសម្រាប់ជាតម្រុយ។ តែទោះជាយ៉ាងណាក្ដី មិនមានការបកស្រាយអ្វីឡើយចំពោះរឿងមួយនេះ។



Carman Lee ជាតារាស្រីជើងចាស់ម្នាក់ដែលតែងត្រូវគេសរសើរពីរូបសម្រស់ ដោយនាងមានវ័យ ៥៧ ឆ្នាំទៅហើយ តែរូបសម្រស់នៅក្មេងជាងវ័យសឹងមិនគួរឱ្យជឿ។ បច្ចុប្បន្ន នាងជាតារាស្រីម្នាក់ដែលផ្ដោតសំខាន់លើការងារ និងតែងតែបង្ហាញខ្លួនក្នុងកម្មវិធីកម្សាន្ដជាច្រើន។ រូបនាងធ្លាប់មានចំណងស្នេហាដ៏យូរអង្វែងមួយជាមួយអ្នកជំនួញម្នាក់ រហូតដល់ទៅរយៈពេលជាង ១០ ឆ្នាំ តែក្រោយមកអ្នកទាំងពីរក៏ត្រូវដើរដល់ផ្លូវបំបែក។ ចាប់តាំងពីបែកគ្នាជាមួយអតីតមិត្ដប្រុស តារាស្រី Carman Lee ហាក់គ្មានអារម្មណ៍ផ្ដោតលើស្នេហាឡើយ។ មួយថ្ងៃៗ នាងចំណាយពេលផ្ដោតលើជីវិតខ្លួនឯង រៀនអ្វីដែលថ្មី ជាពិសេស ការហាត់ប្រាណថែរក្សាសុខភាព និងសម្រស់ បានក្លាយជារឿងដែលនាងចូលចិត្ដ ព្រមទាំងចំណាយពេលវេលាយ៉ាងច្រើនធ្វើវាជាប្រចាំ។ ដូច្នេះ នៅពេលដែលនាងស្លៀករ៉ូបពណ៌ស ដ៏ស្រស់ស្អាតបែបនេះ ធ្វើឲ្យមនុស្សជាច្រើនលើកឡើងថា នាងនឹងមានសម្រស់ស្រស់ស្អាតខ្លាំងបំផុតនៅថ្ងៃរៀបការរបស់ខ្លួន។



គួរបញ្ជាក់ថា តារាស្រី Carman Lee បានចូលប្រឡូកក្នុងសិល្បៈដំបូងក្នុងទសវត្សឆ្នាំ ៩០ ក្រោយបង្ហាញខ្លួនក្នុងរឿង “The Condor Heroes” ឆ្នាំ ១៩៩៥ សម្ដែងជាតួអង្គ សៀវ ឡុងនី ធ្វើឲ្យនាងចាប់ផ្ដើមមានភាពល្បីល្បាញខ្លាំង។ ជាបន្ដបន្ទាប់ នាងបានបង្ហាញខ្លួនក្នុងរឿងល្បីៗ ជាច្រើនដូចជា Demi Gods and Semi Devils, Legend of Wolf, Legendary Fighter និងផ្សេងៗទៀត៕


























Account
Security
Favourite Content