Jung WooSung ជាតារាសម្ដែងប្រុសកូរ៉េដ៏ឆ្នើមម្នាក់ មិនតែប៉ុណ្ណោះលោកក៏ជាតារាម្នាក់មានរូបរាងស្រស់សង្ហាខ្លាំង និងជាទីចាប់អារម្មណ៍របស់មហាជនផងដែរ។ មែនទែនទៅ បើទោះជាឈានចូលដល់វ័យ ៥០ ឆ្នាំហើយក្ដីរូបសម្រស់របស់លោកនៅតែមិនប្រែប្រួលខ្លាំង ថែមទាំងត្រូវបានគេលើកឡើងថាតារាវ័យក្មេងល្មមៗ សុំចាញ់រូបលោកតែម្ដង។


មែនទែនទៅ លោកជាតារាប្រុសម្នាក់ដែលជោគជ័យគួរសមក្នុងអាជីពសិល្បៈ ប៉ុន្ដែជីវិតស្នេហារបស់លោកត្រូវបានគេមើលឃើញថាមិនសូវសមប្រកប ជាពិសេសលោកសុខចិត្តនៅលីវរហូត មិនព្រមរៀបការសាងគ្រួសារហ្នឹងគេ។ ជាមួយគ្នាដែរ ថ្មីៗនេះ Jung WooSung ក៏បើកបង្ហាញពីរឿងក្នុងចិត្ត និងមូលហេតុដែលលោកមិនទាន់មានគូជីវិត។
លោកបានលើកឡើងថា វាមិនមែនជាជម្រើសរបស់លោកដែលចង់នៅលីវនោះទេ ប៉ុន្ដែលោកមានអារម្មណ៍ថាខ្លួនខកខានឱកាសច្រើន ដោយសារកត្ដាជុំវិញ គួបផ្សំគ្នា ហើយវាជាមូលហេតុមួយលោកមិនអាចរៀបការបាន។ លោកបន្ថែមថា លោកមានអារម្មណ៍អាណិតដល់តារាទាំងអស់ដែលមិនអាចបង្ហាញពីទំនាក់ទំនងស្នេហារបស់ខ្លួនជាមួយគូស្នេហ៍ និងទទួលការរិះគន់ពីមហាជន។


Jung WooSung បានបន្ដថា ប្រសិនបើថ្ងៃអនាគតលោកជួបមនុស្សដែលលោកស្រឡាញ់ពេញចិត្ត លោកនឹងមិនខ្លាចក្នុងការបង្ហាញប្រាប់ពីរូបនាងទៅកាន់មហាជនឡើយ។
គួរបញ្ជាក់ថា រូបលោកធ្លាប់ប្រកាសពីទំនាក់ទំនងស្នេហារបស់ខ្លួនដំបូងកាលពីឆ្នាំ ២០១១ ជាមួយតារាស្រី Li Ji Ah ប៉ុន្ដែដោយសារតែកាលនោះអ្នកទាំងពីរកំពុងមានភាពល្បីល្បាញខ្លាំង និងក្លាយជាប្រធានបទត្រូវគេយកមកនិយាយពាសពេញ ព្រមទាំងទទួលការរិះគន់ខ្លះផងដែរ។ ជាលទ្ធផលទាក់ទងគ្នាមិនបានប៉ុន្មានអ្នកទាំងពីរក៏ប្រកាសចែកផ្លូវគ្នាវិញ៕

























Account
Security
Favourite Content