គំនូរជាសិល្បៈមួយប្រភេទដែលកើតចេញពីជំនាញដ៏ប៉ិនប្រសប់ និងដុងពីកំណើតរបស់ជាងម្នាក់ៗ។ ដោយឡែក ក្រៅពីការងារជាអ្នកចម្រៀង និងអ្នកសម្ដែង សិល្បការិនីរបស់កូរ៉េទាំងនេះក៏ជាជាងគំនូរលាក់មុខផងដែរ។ ដូច្នេះ មកស្គាល់តារាស្រី ៥ដួងដែលមានទឹកដៃមិនធម្មតា រហូតអ្នកគាំទ្រសឹងតែមិនជឿថាជាស្នាដៃគំនូររបស់ពួកគេ។
១. Seulgi


មិនត្រឹមតែជាចំណង់ចំណូលចិត្តដែលខ្លួនតែងធ្វើពេលនៅផ្ទះប៉ុណ្ណោះទេ តែសមាជិកក្រុម Red Velvet រូបនេះក៏មានចំណេះដឹងទៅលើទម្រង់ផ្សេងៗរបស់សិល្បៈប្រភេទនេះផងដែរ មិនថាការគូសវាស (sketching) គំនូរខ្មៅដៃ ក៏ដូចជាគំនូរពីពណ៌ប្រេងជាដើម។
Seulgi ជាញឹកញយតែងចែករំលែកស្នាដៃរបស់ខ្លួននៅលើ Instagram និងតែងរួមចំណែកជួយដល់សហគមន៍សិល្បៈតាមរយៈគម្រោងនានារបស់នាង។ ទាំងនោះ អាចបញ្ជាក់ពីក្ដីស្រឡាញ់ផ្ទាល់ខ្លួនដែលអ្នកចម្រៀងរូបនេះមានចំពោះសិល្បៈ។
២. Suzy


ត្បិតផ្ដើមអាជីពជាសមាជិកតារាចម្រៀងខេប៉ុបរបស់ក្រុម Miss A និងបន្តការងារសិល្បៈជាតារាសម្ដែងក៏ពិតមែន តែស្នាដៃគំនូររបស់ Suzy ក៏មិនធម្មតាដែរ។
ជាក់ស្ដែងនៅក្នុងវីដេអូមួយរបស់គណនីយូធូប MANAGEMENT SOOP Official តួស្រីក្នុងរឿង Start-Up រូបនេះបានគូររូបរបស់តារាសម្ដែងប្រុស Choi Wook Shik នៅលើ iPad។ ថ្វីបើមានរយៈពេលខ្លី តែលទ្ធផលចេញមកនៅតែស្អាត នេះសមជាអ្នកសិល្បៈគ្រប់គ្រឿងពិតមែន។
៣. Yura


ក្នុងនាមជាសិស្សដែលបញ្ចប់ការសិក្សនៅវិទ្យាល័យ Ulsan High School of Arts សមាជិកក្រុមចម្រៀងខេប៉ុប Girl’s Day រូបនេះបានរៀបចំការតាំងពិព័រណ៍ស្នាដៃទោលលើកដំបូងរបស់ខ្លួនកាលពីឆ្នាំ ២០២២ ដោយមានការចូលរួមពីបុគ្គលល្បីជាច្រើនរូបនៅក្នុងវិស័យសិល្បៈ។
ក្រៅពីច្រៀង និងរាំ នេះជាទេសកោសល្យមួយនេះរបស់ Yura ដែលអ្នកគាំទ្រនាំគ្នាកោតសរសើរ។
៤. Han So Hee


Han So Hee បានទាក់ទាញចំណាប់អារម្មណ៍របស់សាធារណជនពីទឹកដៃដ៏ប៉ិនប្រសប់របស់នាង ក្រោយធ្វើការចែករំលែកគំនូរ ២ផ្ទាំងនៅលើគណនី Instagram ផ្ទាល់ខ្លួន។ ត្បិតមិនមែនជាជាងគំនូរដែលបានឆ្លងកាត់ការសិក្សាជាក់លាក់ណាមួយក៏ពិតមែន តែស្នាដៃរបស់តារាស្រីរូបនេះ បានទាក់ទាញចិត្តរបស់អ្នកគាំទ្ររហូតទទួលបាន ១លាន Like នៅលើការបង្ហោះដដែលនេះ។
៥. Go Youn Jung


ចាប់ផ្ដើមទទួលប្រជាប្រិយភាពក្នុងវិស័យសិល្បៈជាលើកដំបូងនៅក្នុងរឿង Moving តារាសម្ដែងរូបនេះបានសិក្សាផ្នែកនេះសិល្បៈតាំងតែពីរៀននៅវិទ្យាល័យ Seoul Arts មកម៉្លេះ។ ក្រោយមកទើប Go Youn Jung បន្តការសិក្សាក្នុងជំនាញ សិល្បៈសហសម័យ នៅសាកលវិទ្យាល័យ Seoul Women’s University។
ស័ក្ដិសមនឹងកេរ្តិ៍ឈ្មោះជាសិស្សផ្នែកសិល្បៈពិតមែន នាងធ្លាប់បានចែករំលែកស្នាដៃគូរវាសរបស់ខ្លួននៅគណនី Instagram មិនតិចដងនោះទេ៕























Account
Security
Favourite Content