កំពូលតារាចម្រៀងស្រីជួរមុខប្រចាំហង្សមាស ២ រូប គឺ ឱក សុគន្ធកញ្ញា និង ពេជ្រ សោភា ជាទូតសុឆន្ទៈប្រចាំហាងពេជ្រ ដាណា ទ្រី។ ចំណែកឯតារាសម្ដែងប្រុស ២ រូបទៀតរួមមាន ឈឹម សក្កដា ព្រមទាំង BA ចាស់ផ្នែកគ្រឿងសម្អាង គឺលោក សេង មង្គល។




សម្រាប់ ឱក សុគន្ធកញ្ញា គឺជា BA ថ្មីសម្រាប់ហាងគ្រឿងអលង្ការដ៏ល្បីនោះ ហើយអ្នកនាង ពេជ្រ សោភា គឺជាទូតសុឆន្ទៈចាស់ តែត្រូវមកបង្ហាញខ្លួន និងប្រកាសជាផ្លូវការឲ្យស្របគ្នាជាមួយតារាប្រុសស្រីផ្សេងៗទៀត។ ក្នុងនោះ គ្រាន់តែចប់កម្មវិធីថៅកែស្រីហាងពេជ្រ ដាណា ទ្រី បានបញ្ចេញរូបភាព និងតម្លៃគ្រឿងអលង្ការដែលទូតសុឆន្ទៈស្រីទាំង ២ រូប ពាក់លម្អពិតជាស្រស់ស្អាតខ្លាំង។
លោកស្រី ទ្រី ដាណា ផ្ទាល់បានបង្ហោះពីតម្លៃនៃឈុតគ្រឿងអលង្ការ ព្រមជាមួយពាក្យពេចន៍រំភើបដែលទទួលបានសមាជិក BA ជាច្រើនក្នុងពេលតែមួយ។ ក្នុងនោះរូបភាពដែលម្ចាស់បទ “ស្រលាញ់បងដល់បេះដូងលែងលោត” ពិតជាមិនធម្មតា។
ខ្សែកតម្លៃ ៩៧២ ៩៦៦.៥ ដុល្លារ
ខ្សែដៃតម្លៃ ១៩៨ ១៥៥.៥ ដុល្លារ
ក្រវិលតម្លៃ ២៦ ៤៥២ ដុល្លារ
ចិញ្ចៀនតម្លៃ ៣៦១ ២១២ ដុល្លារ

ចំណែកតម្លៃនៃគ្រឿងអលង្ការរបស់ម្ចាស់បទ “នារីល្ងីល្ងើស្មោះស្នេហ៍” វិញរឹតតែញាក់សាច់ថែមទៀត គ្រាន់តែខ្សែកមួយមុខជាង ២ លានដុល្លារបាត់ទៅហើយ។
ខ្សែកស្វារ៉េពេជ្រសុទ្ធធម្មជាតិ តម្លៃ ២ ១១៤ ៨៤៩.២៥ ដុល្លារ
ខ្សែដៃពេជ្រតម្លៃ ៧០០ ៤៧៥ ដុល្លារ
ចិញ្ចៀនតម្លៃ ១៧១ ៣៤៩ ដុល្លារ



ចំណែកការតុបតែងខ្លួនរបស់ BA បុរសៗវិញ ពិតជាមានភាពស៊ីវិល័យមិនចាញ់គ្នាឡើយ តែសម្រាប់តម្លៃវិញមិនទាន់មានការទម្លាយឲ្យដឹងឡើយ។ ក្រៅពីវត្តមាន BA ទាំង ៤ ក៏មានការចូលរួមពីសំណាក់តារាៗជាច្រើនរូបទៀត ក្នុងនាមជាភ្ញៀវកិត្តិយសក្នុងការវិធីប្រកាសទូតសុឆន្ទៈថ្មីកាលពីយប់មិញនេះដែរ។ ចំពោះតម្លៃខ្លួនតារាកំពូលៗទាំង ៤ រូបវិញ មិនត្រូវបានលោកស្រីដែលល្បីចិត្តធម៌រូបនោះ ទម្លាយឲ្យដឹងឡើយ តែអាស្រ័យលើកុងត្រា និងការងារផ្សេងៗគ្នា៕























Account
Security
Favourite Content