កាលពីថ្ងៃទី ២៤ ខែ កក្កដា ឆ្នាំ ២០២៤ តារាសម្ដែងប្រុសល្បី Yoo Ah In បានចូលខ្លួនទៅ ទទួលការកាត់ក្ដីលើកទី ៧ ចំពោះរឿងអាស្រូវគ្រឿងញៀន។ កំឡុងពេលកាត់ក្ដី តំណាងអយ្យការម្នាក់បានស្នើរសុំឲ្យតារាប្រុសនេះជាប់ពន្ធនាគាររយៈពេល ៤ ឆ្នាំ និងប្រាក់ពិន័យជាង ២ ពាន់ដុល្លារអាមេរិក។

Yoo Ah In ជាតារាសម្ដែងប្រុសលេចធ្លោម្នាក់ លោកបានបង្ហាញខ្លួនក្នុងរឿងភាគ និងភាពយន្ដកុន។ ប៉ុន្ដែអាជីពសិល្បៈដែលលោកខំសន្សំមករាប់ឆ្នាំ បែរជារលាយស្ទើរអស់ ក្រោយពីលោកធ្លាក់ខ្លួនជាប់ពាក់ព័ន្ធរឿងអាស្រូវប្រើប្រាស់គ្រឿងញៀន។ លោកត្រូវបានគេចោទប្រកាន់ថា លួចប្រើប្រាស់គ្រឿងញៀន ៥ មុខផ្សេងគ្នា ចាប់តាំងពីឆ្នាំ ២០២០ ដោយសារធាតុនោះរួមមាន កញ្ឆា ប្រូប៉ូហ្វុល កេតាមីន ហ្សូលភីឌឹម និងកូកាអ៊ីន។