កាលពីយប់មិញ តារាកំប្លែង នាយក្រិន ស្រាប់តែឈឺធ្ងន់ និងត្រូវដឹកទៅកាន់មន្ទីរពេទ្យភ្លាមៗដើម្បីសង្គ្រោះបន្ទាន់ ហើយឥឡូវនេះកំពុងត្រៀមបញ្ជូនទៅព្យាបាលនៅភ្នំពេញ។ នេះបើតាមរូបភាពដែលបានបង្ហោះលើអាខោនផ្លូវការ នាយក្រិនបាត់ដំបង និងអាខោនលោក សាវិន ហ្វីលីព។

រូបភាពតារាកំប្លែង នាយក្រិន ដែលកំពុងសម្រាកស្ដូកស្ដឹងនៅលើគ្រែពេទ្យ បានកំពុងអង្រួនបេះដូងមហាជនឱ្យព្រួយបារម្ភចំពោះស្ថានភាពជំងឺរបស់លោកជាពន់ពេក។ ដ្បិតម្សិលមិញ តារាកំប្លែងរូបនេះត្រូវបានដឹកទៅកាន់មន្ទីរពេទ្យមួយកន្លែងក្នុងក្រុងបាត់ដំបង ដើម្បីសង្គ្រោះភ្លាមៗទាំងកណ្ដាលយប់។ ដោយឡែក ព្រឹកមិញនេះ លោក សាវិន ហ្វីលីព បានចុះទៅខេត្តបាត់ដំបង និងបានប្រាប់ពីស្ថានភាពជំងឺរបស់នាយក្រិនយ៉ាងដូច្នេះថា៖ «វេជ្ជបណ្ឌិតបញ្ជាក់នៅព្រឹកនេះថា នាយក្រិន មានជំងឺរលាកប្រអប់ត្រចៀកខាងឆ្វេងធ្ងន់ធ្ងរហេីយបង្កជាមេរោគយ៉ាងច្រេីនហេីយមេរោគបានរាលដាលចូលពេញឈាមនិងដល់ខួរក្បាលទៅហេីយរហូត២៤ពាន់មេរោគឯណោះ ហើយពេលនេះនាយក្រិនស្ថិតក្នុងស្ថានភាពវង្វេងវង្វាន់នៅឡើយ»។
ជាមួយគ្នា លោក សាវិន ហ្វីលីព បានធ្វើការស្នើដល់ក្រុមគ្រូពេទ្យក្នុងការបញ្ជូន នាយក្រិន ដើម្បីទទួលការព្យាបាលបន្តនៅភ្នំពេញ ហើយក៏ទទួលបានការយល់ព្រមផងដែរ។ ដោយឡែក ពេលមកដល់ភ្នំពេញនឹងមានតារាកំប្លែង ប្រឹមប្រិយ នៅចាំទទួលជួយរូបលោក៕



រូបភាព ៖ សាវិន ហ្វីលីព និង នាយក្រិន បាត់ដំបង























Account
Security
Favourite Content