ជាដំណឹងដ៏រីករាយមួយសម្រាប់អ្នកគាំទ្រក្រុមបាល់ទាត់ជម្រើសជាតិកម្ពុជានៅរាជធានីភ្នំពេញ ដែលពុំមានសំបុត្រសម្រាប់ចូលទស្សនាការប្រកួត។ ថ្មីៗនេះ រដ្ឋបាលរាជធានីភ្នំពេញបានប្រកាសរៀបចំផ្សាយបន្តផ្ទាល់គ្រប់ការប្រកួតបាល់ទាត់របស់ក្រុមជម្រើសជាតិកម្ពុជាក្នុងព្រឹត្តិការណ៍ស៊ីហ្គេមលើកទី៣២ នេះដែលអនុញ្ញាតឲ្យអ្នកគាំទ្រទស្សនាការប្រកួតជុំគ្នា ក៏ដូចជាអាចបង្ហាញការគាំទ្រមួយបែបផ្សេងទៀតទៅដល់អត្តពលិករបស់ជាតិ។
រដ្ឋបាលរាជធានីភ្នំពេញ បានឲ្យដឹងថា ខ្លួននឹងសហការជាមួយសហភាពសហព័ន្ធយុវជនកម្ពុជា (ស.ស.យ.ក) រៀបចំផ្សាយបន្តផ្ទាល់ការប្រកួតបាល់ទាត់របស់ក្រុមជម្រើសជាតិកម្ពុជាក្នុងព្រឹត្តិការណ៍ប្រកួត កីឡាអាស៊ីអាគ្នេយ៍លើកទី៣២ ចាប់ពីថ្ងៃទី២៩ ខែមេសា ដល់ថ្ងៃទី១៦ ខែឧសភា ឆ្នាំ ២០២៣ នៅតាមទីតាំង មួយចំនួនដូចខាងក្រោម៖
១– សួនច្បារមុខវត្តបទុមវតី ស្ថិតនៅក្នុងសង្កាត់ចតុមុខ ខណ្ឌដូនពេញ
២- សួនច្បារមាត់ទន្លេទល់មុខភោជនីយដ្ឋានមេត្រូ ស្ថិតនៅក្នុងសង្កាត់ផ្សារកណ្តាលទី១ ខណ្ឌដូនពេញ ៣-ក្នុងបុរីប៉េងហួតបឹងស្ងោរ ស្ថិតនៅក្នុងសង្កាត់និរោធ ខណ្ឌច្បារអំពៅ
៣-ក្នុងបុរីប៉េងហួតបឹងស្ងោរ ស្ថិតនៅក្នុងសង្កាត់និរោធ ខណ្ឌច្បារអំពៅ
៤-ស្ងួនច្បារមិត្តភាពក្បែរក្រសួងការពារជាតិ ស្ថិតនៅក្នុងសង្កាត់មិត្តភាព ខណ្ឌ៧មករា
៥-សូនច្បារទល់វិទ្យាស្ថានស្រាវជ្រាវ និងអភិវឌ្ឍន៍ព្រៃឈើ-សត្វព្រៃ ស្ថិតនៅក្នុងសង្កាត់ គោកឃ្លាង ខណ្ឌសែនសុខ
៦– សួនច្បារព្រះនាងប្រាជ្ញាបារមី ស្ថិតនៅក្នុងសង្កាត់ជ្រោយចង្វារ ខណ្ឌជ្រោយចង្វារ
៧- ទីលានប្រជាធិបតេយ្យ ក្បែរស្ពានអាកាសឫស្សីកែវ ស្ថិតនៅក្នុងសង្កាត់ឫស្សីកែវ។
ដោយឡែកសម្រាប់អ្នកគាំទ្រនៅតាមបណ្តាលខេត្តវិញ រដ្ឋបាលខេត្តក្រុងទាំងអស់ក៏នឹងមានការរៀបចំការដាក់បញ្ចាំងស្លាយ នៅតាមទីសមរម្យ ដើម្បីផ្សាយបន្តផ្ទាល់ប្រកួតស៊ីហ្គេម ផងដែរក្រោយ ការប្រកាសតាមរយៈសារសំឡេងរយៈពេល ២ នាទីក្នុងប្រព័ន្ធតេឡេក្រាម សម្តេច នាយករដ្ឋមន្ត្រីកម្ពុជា៕


























Account
Security
Favourite Content