កាលពីថ្ងៃទី៥ ខែតុលានេះ Heebab ដែលជា Mukbanger ល្បីជនជាតិកូរ៉េខាងត្បូង បានលេចវត្តមាននៅលើគណនីយូធូប @ech.3meals តាមរយៈកម្មវិធីកម្សាន្តថ្មីមួយដែលមានឈ្មោះ Saturday is Bap’s Treat ព្រមទាំងទម្លាយពីចំណូល-ចំណាយរបស់ខ្លួន។

ដំណើរដើមទងនៃការបង្ហាញប្រាក់ចំណាយ និងចំណូលសម្រាប់ការផលិតមាតិកាញ៉ាំម្ហូបអាហាររបស់ម្ចាស់គណនីយូធូបដែលមានអ្នកតាមដានជាង ១លាន ៦សែននាក់រូបនេះ ផ្ដើមឡើងដោយការលេងល្បែងកម្សាន្តមួយរបស់កម្មវិធី ដែលតម្រូវឱ្យនាងស្វែងរកអ្នកដែលអាចចេញលុយឱ្យនាងញ៉ាំ Samgyeopsal ដែលជាសាច់ជ្រូកបីជាន់អាំងដ៏ពេញនិយមរបស់កូរ៉េខាងត្បូង។


បើទោះបីជានាងមានភាពល្បីល្បាញ ហើយមនុស្សម្នានៅម្ដុំនោះស្គាល់នាងក៏ពិតមែន តែនាងតែងតែទទួលបានការបដិសេធពីអ្នកដែលនាងបានទៅរក ដោយហេតុពួកគេដឹងថានាងពូកែញ៉ាំកម្រិតណា។ ក៏ប៉ុន្តែជាសំណាងល្អ នាងក៏បានជួបជាមួយនឹងគូស្នេហ៍មួយគូ ហើយពួកគេក៏បានយល់ព្រមជាមួយនឹងសំណើនេះ។
ដើម្បីជាការអរគុណដល់ទឹកចិត្តពួកគេ Youtuber រូបនេះបានតាំងចិត្តនឹងប្រាប់ពីប្រាក់ចំណូលរបស់ខ្លួនដើម្បីជាថ្នូរនឹងអាហារមួយពេលនេះ។ តាមការសន្យា Heebab បានលើកឡើងថា កាលពីខែកញ្ញានេះ នាងអាចរកចំណូលរហូតដល់ទៅ ៣៥លានវ៉ុន ឬប្រមាណ ២៦០០០ដុល្លារអាមរិក ក៏ប៉ុន្តែប្រាក់ចំណូលនាងមិនថេរនោះទេ ដោយវាតែងតែប្រែប្រួលជាប្រចាំ អាស្រ័យទៅលើចំនួនការងាររបស់នាង។

នាងក៏បញ្ជាក់ផងដែរថា បើទោះបីជាចំណូលច្រើនក៏ពិតមែន តែចំណាយដែលនាងត្រូវចាយជារៀងរាល់ខែក៏មិនតិចប៉ុន្មានដែរ ដោយនាងបានប្រាប់នាង ជាធម្មតានាងត្រូវចំណាយប្រាក់ទៅលើម្ហូបអាហាររហូតដល់ទៅ ១៥លានវ៉ុន ឬប្រមាណ ១១០០០ដុល្លារអាមេរិកក្នុងមួយខែៗ ហើយនៅខែខ្លះ ក្រោយពីទូទាត់ថ្លៃពន្ធលើប្រាក់ចំណូលរួច នាងសឹងតែមិនសល់ប្រាក់ចំណេញផងក៏មាន ៕






















































Account
Security
Favourite Content