នៅថ្ងៃទី៥ ខែកញ្ញា ឆ្នាំ២០២៣ ទីភ្នាក់ងារព័ត៌មាន Times Now បានរាយការណ៍ថា នាយករដ្ឋមន្ត្រីឥណ្ឌា Narendra Modi គ្រោងនឹងផ្លាស់ប្តូរឈ្មោះប្រទេសឥណ្ឌាទៅជា ‘Bharat’ តាមរយៈការបោះឆ្នោតមួយក្នុងកិច្ចប្រជុំពិសេសរបស់សភាឥណ្ឌាដែលនឹងប្រព្រឹត្តទៅចាប់ពីថ្ងៃទី ១៨ដល់ថ្ងៃទី២២ ខែកញ្ញា។ ព័ត៌មាននេះត្រូវបានបញ្ជាក់ដោយសមាជិកជាន់ខ្ពស់របស់រដ្ឋាភិបាលឥណ្ឌាជាច្រើនរូប។


មិនតែប៉ុណ្ណោះ នៅក្នុងកិច្ចប្រជុំ G20 ដែលនឹងប្រព្រឹត្តទៅនៅប្រទេសឥណ្ឌាក្នុងរយៈពេលប៉ុន្មានថ្ងៃទៀត លិខិតអញ្ជើញទទួលទានអាហារពេលល្ងាចពីប្រធានាធិបតីឥណ្ឌាដែលផ្ញើទៅកាន់មេដឹកនាំ G20 បានសរសេរថា “ពីប្រធានាធិបតី Bharat” មិនមែន “ពីប្រធានាធិបតីឥណ្ឌា” នោះឡើយ។

ចំពោះមូលហេតុដែលនាំឱ្យមានការផ្លាស់ប្តូរឈ្មោះប្រទេសឥណ្ឌាជា Bharat ដោយសារតែការមើលឃើញថា “ឥណ្ឌា” គឺជាឈ្មោះដែលផ្តល់ដោយលោកខាងលិច និងតំណាងឱ្យទាសករក្នុងសម័យអាណានិគម ដូច្នេះពាក្យ “ឥណ្ឌា” សមនឹងត្រូវលុបចេញពីរដ្ឋធម្មនុញ្ញឥណ្ឌា។
ចំណែក Bharat គឺជាភាសាសំស្ក្រឹត មានន័យថាប្រទេសរបស់ព្រះភារត (ភារតៈ) ដែលជាមហាក្សត្រក្នុងរឿងព្រេងនិទានប្រទេសឥណ្ឌា។ ដោយសារតែប្រជាជនឥណ្ឌាជឿថាពួកគេគឺជាកូនចៅរបស់ព្រះភារត ប្រជាជនឥណ្ឌាបានហៅប្រទេសរបស់ពួកគេថា Bharat ជាយូរមកហើយ។ ដូច្នេះឈ្មោះ Bharat ពិតជាឆ្លុះបញ្ចាំងពីអត្តសញ្ញាណ និងប្រវត្តិសាស្រ្តរបស់ប្រទេសឥណ្ឌា។
ចំណែកដើមកំណើតនៃឈ្មោះឥណ្ឌា គឺក្លាយមកពីឈ្មោះទន្លេសិន្ធុ ឬ Indus ជាភាសាក្រិច ដែលក្រោយមកក៏ក្លាយជា “India” ដែលមនុស្សជុំវិញពិភពលោកបានស្គាល់។
ទោះជាយ៉ាងណា រឿងដែលប្រទេសឥណ្ឌាអាចនឹងប្តូរឈ្មោះទៅជា Bharat ក៏រងការរិះគន់ពីក្រុមនយោបាយមួយចំនួននៅក្នុងប្រទេសឥណ្ឌាផងដែរ។ លោក Arvind Kejriwaj ប្រធានគណបក្សកងកម្លាំងប្រដាប់អាវុធ (AAP) និងជាប្រមុខគណៈរដ្ឋមន្ត្រីទីក្រុង Delhi បានបដិសេធចំពោះការប្ដូរឈ្មោះនេះដោយនិយាយថា “ឥណ្ឌាគឺជាប្រទេសរបស់មនុស្ស ១,៤ ពាន់លាននាក់ មិនមែនជារបស់គណបក្ស Bharatiya Janata ឬ BJP របស់នាយករដ្ឋមន្ត្រី Modi ម្នាក់ឯងនោះទេ” ៕
























Account
Security
Favourite Content