ពាក្យចចាមអារ៉ាមពាក់ព័ន្ធព័ត៌មាន Jennie សមាជិកក្រុម BLACKPINK ចូលរួមសម្ដែងភាពយន្ត Marvel កំពុងបង្កការចាប់អារម្មណ៍ខ្លាំងសម្រាប់អ្នកតាមដានព័ត៌មានខេប៉ុប។

ប្រព័ន្ធផ្សព្វផ្សាយជាច្រើនបានរាយការណ៍នាពេលថ្មីៗនេះថា Jennie នឹងចូលរួមសម្ដែងក្នុងខ្សែភាពយន្តរឿង “Kingdom War – New Agents of Atlas” និងភាពយន្ត “Avengers” ថ្មីៗរបស់ Marvel ។ យោងតាមពាក្យចចាមអារ៉ាម Jennie ត្រូវបានទាក់ទងឱ្យសម្ដែងជាតួ Luna Snow ដែលត្រូវបានគេស្គាល់ថា Seol Hee។
ក្រោយមកនៅថ្ងៃទី ១២ ខែមិថុនា YG Entertainment បានបដិសេធពាក្យចចាមអារ៉ាមនេះដោយបន្ថែមថា ពួកគេមិនទទួលបានសំណើមួយនេះពីខាង Marvel នោះទេ ដែលធ្វើឱ្យអ្នកគាំទ្រជាច្រើនត្រូវខកចិត្តវិញ។


ទោះជាយ៉ាងណា ប្រភពព័ត៌មានពី MCU Arabic News “Insider” បានចែករំលែកនៅលើ Twitter ថា តាមពិត YG Entertainment ទេដែលបានបដិសេធសំណើរបស់ Marvel Studios សម្រាប់ Jennie ។ ប្រភពផ្ទៃក្នុងនេះបានសរសេរថា Marvel Studios បានទាក់ទងជាមួយ YG Entertainment តាំងពីខែកញ្ញា ឆ្នាំ ២០២១ ប៉ុន្តែ YG Entertainment រក្សាភាពស្ងៀមស្ងាត់រហូតដល់ថ្ងៃទី ២៩ ខែមេសា ឆ្នាំ២០២២។ ការឆ្លើយតបរបស់ YG បានបង្ហាញពីកាលវិភាគចង្អៀតណែនរបស់ Jennie ដោយបញ្ជាក់ថានាងមិនអាចចូលរួមគម្រោងភាពយន្តលើសពីមួយនោះទេ។
បច្ចុប្បន្ន Jennie កំពុងបង្ហាញខ្លួនក្នុងរឿងភាគអាមេរិករបស់ HBO មានចំណងជើងថា ‘The Idol’ ដោយដើរតួជាអ្នករាំម្នាក់ ៕























Account
Security
Favourite Content