ក្រោយមានការគាំទ្រល្ខោននិយាយឥឡូវនេះក្រសួងវប្បធម៌ និងវិចិត្រសិល្ប: បានប្រកាសឲ្យដឹងថានាពេលឆាប់ៗខាងមុខរឿង “រឿងផ្កាស្រពោន” នឹងត្រៀមសម្ដែងជូនទស្សនីយភាព ឲ្យអ្នកគាំទ្រយ៉ាងជក់ចិត្តទៀតហើយ។

ក្រសួងវប្បធម៌ និងវិចិត្រសិល្ប: បានប្រកាសថា “ទស្សនីយភាពល្ខោននិយាយ រឿងផ្កាស្រពោន! ដោយសារសន្ទុះនៃការគាំទ្រ និងសំណូមពរពីសំណាក់ទស្សនិកជនគ្រប់មជ្ឈដ្ឋាន ទស្សនីយភាពល្ខោននិយាយរឿង”ផ្កាស្រពោន” បានត្រលប់មកបង្ហាញវត្តមានឡើងវិញ ដោយមានការសម្ដែងផ្ទាល់រយៈពេល ៣ថ្ងៃ ចាប់ពីថ្ងៃទី ២-៤ ខែកុម្ភៈ ឆ្នាំ២០២៤ នៅសាលសន្និសីទចតុម្មុខ“។
គួរបញ្ជាក់ថាមួយរយៈមុនឃើញមានការគាំទ្រខ្លាំងលើឃ្លីបវីដេអូល្ខោននិយាយ បង្ហាញពីសកម្មភាពសម្ដែងពិតៗជាល្អឥតខ្ចោះរហូតដល់មហាជនសំណូមពរឲ្យមានការសម្ដែងរឿងបែបនោះឲ្យច្រើន ដើម្បីថែរក្សាសិល្បៈវប្បធម៌ និងការលើកតម្កើងអក្សរសិល្ប៍ទំនើប បែបប្រលោមលោកមនោសញ្ចេតនាដែលទទួលបានការពេញនិយមខ្លាំងកាលពីសម័យមុន។
រឿងនេះដែរនិពន្ធឡើងនៅព.ស.២៤៩០ ត្រូវនឹងគ.ស.១៩៣៨។ រឿង “ផ្កាស្រពោន” ជាស្នាដៃដ៏ឆ្នើមរបស់កវីនិពន្ធ នូហាច ហើយរឿងនេះក៏ត្រូវបានថតជាខ្សែភាពយន្តផងដែរ។ ចំណែកតម្លៃសំបុត្រចូលរួមល្ខោននិយាយនេះវិញ អ្នកទស្សនាមាន២ ជម្រើស ទីមួយតម្លៃ ២ ម៉ឺនរៀល និងមួយជម្រើសទៀត ៤ ម៉ឺនរៀល៕


























Account
Security
Favourite Content