នៅថ្ងៃទី៨ ខែមេសា ឆ្នាំ២០២៤ ទូរទស្សន៍ tvN បានប្រកាសថារឿងភាគល្បី Queen of Tears ដែលសម្ដែងដោយ Kim Soo Hyun និង Kim Ji Won គ្រោងនឹងចាក់បញ្ចាំងជូនអ្នកគាំទ្រនូវវគ្គពិសេសចំនួន ២ ភាគបន្ថែមទៀតឆាប់ៗនេះ។
ទន្ទឹមនឹងនេះ ក្រុមហ៊ុនក៏កំពុងតែធ្វើការពិភាក្សាយ៉ាងលម្អិតចំពោះទម្រង់ និងការបង្ហាញខ្លួនរបស់តួអង្គក្នុងភាគពិសេសនេះដើម្បីផ្ដល់ជូនអ្នកទស្សនានូវបទពិសោធន៍ថ្មីមួយទៀតព្រមទាំងបង្កើនភាពល្បីល្បាញរបស់ឱ្យរឿងផងដែរ។ រឿងភាគដែលកំពុងទទួលបានការគាំទ្រយ៉ាងមួយនេះត្រូវបានគេរាយការណ៍ថាគ្រោងនឹងចាក់ផ្សាយនៅថ្ងៃទី ៤ និងទី ៥ ខែឧសភា ឆ្នាំ២០២៤ ខាងមុននេះបន្ទាប់ពីភាគចុងក្រោយដែលនឹងបញ្ចប់នៅថ្ងៃទី២៨ ខែមេសា ឆ្នាំ២០២៤។
ចាប់តាំងពីចាក់ភាគដំបូងនៅថ្ងៃទី៩ ខែមីនា ឆ្នាំ២០២៤ មករឿងនេះបានទាក់ទាញអ្នកទស្សនាបានយ៉ាងសន្ធឹកសន្ធាប់។ ជាពិសេសនៅភាគទី ១០ ខ្សែភាពយន្ដភាគនេះបានកើនឡើងអត្រាអ្នកទស្សនារហូតដល់ ១៩% ឯណោះ។ ជាមួយនឹងការកើនឡើងអត្រានៃការទស្សនាបែបនេះបានធ្វើឱ្យរឿង Queen of Tear ក្លាយជាខ្សែភាពយន្ដដែលមានការវាយតម្លៃខ្ពស់បំផុតបន្ទាប់ពីរឿង Crash Landing on You ផងដែរ។ ដូច្នេះហើយពេលនោះទស្សនិកជនទាំងអស់កំពុងរងចាំមើលថាតើរឿងមួយនេះអាចជោគជ័យបំបែកកំណត់ត្រារបស់អ្នកចាស់បានដែរ ឬយ៉ាងណា។
គួរបញ្ជាក់ផងដែរថា រឿង Queen of Tear គឺខ្សែភាពយន្ដដែលរៀបរាប់អំពីដំណើរស្នេហាដ៏ច្របូកច្របល់រវាង Hong Hae In សម្ដែងដោយ Kim Ji Won និង Baek Hyun Woo សម្ដែង Kim Soo Hyun ដែលអ្នកទាំងពីរត្រូវប្រឈមមុខជាមួយបញ្ហាជាច្រើនទម្រាំទំនាក់ទំនងរបស់ពួកគេប្រសើរឡើង៕