តារាសម្ដែងកូរ៉េខាងត្បូង Jung Hae In បានបង្ហាញវត្តមានក្នុងព្រឹត្តិការណ៍មហោស្រពភាពយន្តក្រុងកានលើកដំបូង ខណៈភាពយន្តរបស់លោកត្រូវបានជ្រើសរើសសម្រាប់ការបញ្ចាំងពិសេសនៅពាក់កណ្ដាលអាធ្រាត ថ្ងៃទី២០ ខែឧសភា។

ជារឿងកូរ៉េតែមួយគត់ដែលត្រូវបានជ្រើសរើសសម្រាប់ការបញ្ចាំងពិសេសនេះ ភាពយន្តថ្មីរបស់អ្នកដឹកនាំ Ryu Seung Wan មានចំណងជើងថា “I, The Executioner” ឬចំណងជើងកាត់ “Veteran 2” មានការចូលរួមសម្តែងដោយ Jung Hae In, Hwang Jung Min និង Kim Mu Yeol ។
មុនពេលការបញ្ចាំងជាផ្លូវការ ក្រុមតារាសម្ដែងនិងផលិតកររឿងនេះបានដើរលើកម្រាលព្រំក្រហមរបស់កម្មវិធី ដោយតារាសម្ដែង Hwang Jung Min បានស្វាគមន៍អ្នកគាំទ្រដោយស្នាមញញឹម ខណៈពេលដែល Jung Hae In បានចុះហត្ថលេខាសម្រាប់អ្នកគាំទ្រជាច្រើនមុនពេលចាក់បញ្ចាំង និងកំលុងពេលរង់ចាំដើរនៅលើកម្រាលព្រំ។
នេះជាលើកដំបូងក្នុងរយៈពេលប្រហែល ១៩ ឆ្នាំដែលអ្នកដឹកនាំរឿង Ryu Seung Wan ត្រូវបានអញ្ជើញឱ្យចូលរួមក្នុងមហោស្រពភាពយន្តទីក្រុង Cannes ចាប់តាំងពីខ្សែភាពយន្តឆ្នាំ ២០០៥ របស់លោកមានចំណងជើងថា “Crying Fist” បានឈ្នះពានរង្វាន់។ សម្រាប់តារាសម្ដែង Hwang Jung Min ឆ្នាំនេះគឺជាការចូលរួមលើកទី៤ ខណៈសម្រាប់ Jung Hae In នេះជាលើកដំបូងសម្រាប់លោកដែលបានដើរលើកម្រាលព្រំមហោស្រពកាន។


គួរបញ្ជាក់ថា “I, The Executioner” គឺជាភាពយន្តបាញ់ប្រហារឧក្រិដ្ឋកម្ម រៀបរាប់ពីការធ្វើការរបស់ប៉ូលីសស៊ើបអង្កេតពីរនាក់ លើករណីការសម្លាប់ស្ត្រីប្រាំនាក់ និងការសម្លាប់ខ្លួនរបស់ក្មេងប្រុសអាយុ ១៦ ឆ្នាំ។ ភាពយន្តនេះជាភាគបន្តរបស់រឿង “Veteran” ដែលទទួលបានអ្នកទស្សនាដល់ទៅ ១៣,៤ លាននាក់កាលពី ៩ ឆ្នាំមុន និងគ្រោងចេញបញ្ចាំងផ្លូវការនៅកូរ៉េ នៅឆមាសទី២ ឆ្នាំ២០២៤នេះ។
ទស្សនារូបភាពនៃសកម្មភាពបន្ថែមទៀតរបស់ Jung Hae-in និងមិត្តរួមក្រុមក្នុងកម្មវិធីមហោស្រពកាន៖



























Account
Security
Favourite Content