Jin សមាជិកកូនបងនៃក្រុម BTS នឹងចេញអាល់ប៊ុមទោលថ្មីមានចំណងជើងថា Echo នៅខែក្រោយនេះហើយ! រយៈពេលត្រឹមតែកន្លះឆ្នាំបន្ទាប់ពីការចេញមីនីអាល់ប៊ុមដំបូង “Happy” តារា K-pop វ័យ ៣២ ឆ្នាំរូបនេះនឹងត្រលប់មកវិញជាមួយនឹងបណ្តុំបទចម្រៀងថ្មីនៅថ្ងៃទី ១៦ ខែឧសភា។


ទីភ្នាក់ងាររបស់លោកគឺ BigHit Music បាននិយាយថា៖ “Jin បានសម្រេចចិត្តចេញបទចម្រៀងថ្មីភ្លាមៗ ព្រោះលោកចង់ជួបអ្នកគាំទ្រញឹកញាប់ជាងមុន”។
សេចក្តីប្រកាសព័ត៌មានរបស់ក្រុមហ៊ុនបានកត់សម្គាល់ថា៖ “ជាមួយគោលបំណងភ្ជាប់ទំនាក់ទំនងកាន់តែស៊ីជម្រៅជាមួយអ្នកគាំទ្រតាមរយៈតន្ត្រី អាល់ប៊ុម Echo នឹងបង្ហាញពីទស្សនៈរបស់ Jin លើបទពិសោធន៍ជីវិតជាសកល ដោយរំលេចពីអារម្មណ៍ប្រចាំថ្ងៃជាមួយភាពកក់ក្តៅ និងភាពស្មោះត្រង់។ អាល់ប៊ុមនេះដែរនឹងបង្ហាញពីសមត្ថភាពច្រៀងដ៏សម្បូរបែបរបស់ Jin ជាមួយស្ទីល និងអារម្មណ៍ចម្រុះ ដែលឆ្លុះបញ្ចាំងពីការវិវត្តនិងភាពចាស់ទុំកាន់តែច្រើនរបស់លោកក្នុងវិស័យសិល្បៈ”។
នៅថ្ងៃទី១៧ ខែមេសានេះ BigHit Music ក៏បានបង្ហាញបញ្ជីបទចម្រៀងសម្រាប់អាល់ប៊ុមទីពីររបស់ Jin ដោយមានបទ “Don’t Say You Love Me” ជាបទចម្រៀងនាំមុខ រួមជាមួយបទចម្រៀងផ្សេងៗទៀតសរុបចំនួន ៧ បទ ដោយក្នុងចំណោមនោះ Jin ក៏បានចូលរួមនិពន្ធបទចម្រៀងមួយចំនួនផងដែរ។
ទន្ទឹមនឹងការចេញអាល់ប៊ុមថ្មីនេះដែរ Jin ក៏បានប្រកាសនូវការប្រគំតន្ត្រីទេសចរណ៍ពិភពលោកផ្ទាល់ខ្លួនជាលើកដំបូងមានឈ្មោះថា “#RunSeokJin_EP.Tour”។ ការប្រគំតន្ត្រីនេះនឹង ចាប់ផ្តើមនៅថ្ងៃទី ២៨ និង ២៩ ខែមិថុនា នៅកីឡដ្ឋាន Goyang Sports Complex ក្នុងទីក្រុង Gyeonggi បន្ទាប់មកនឹងបន្តទៅកាន់ទីក្រុងសរុបចំនួន ៩ រួមមាន Chiba និង Osaka ក្នុងប្រទេសជប៉ុន ទីក្រុង Anaheim, Dallas, Tampa និង Newark ក្នុងសហរដ្ឋអាមេរិក ក៏ដូចជាទីក្រុងឡុងដ៍ និងទីក្រុង Amsterdam ។


គួរបញ្ជាក់ថា Jin គឺជាសមាជិកទីប្រាំពីរ និងជាសមាជិកចុងក្រោយរបស់ BTS ដែលបានចេញអាល់ប៊ុមទោលពេញលេញ។ អាល់ប៊ុមទី ២ របស់លោកនឹងត្រូវចេញ ខណៈពេលដែល ARMY ឬក្រុមអ្នកគាំទ្រ BTS រង់ចាំយ៉ាងអន្ទះសាសម្រាប់ការ Comeback ជុំគ្នាឡើងវិញរបស់សមាជិកទាំង ៧ នាក់។ BTS បានផ្អាកការងារក្រុមតាំងពីខែមិថុនា ឆ្នាំ ២០២២ ដើម្បីឱ្យសមាជិករបស់ខ្លួនបំពេញកាតព្វកិច្ចយោធា ហើយបើមិនមានអ្វីផ្លាស់ប្ដូរពួកគេមានគម្រោងធ្វើការវិលត្រលប់ជុំគ្នាក្នុងពេលណាមួយនៅឆ្នាំ២០២៥នេះ ៕























Account
Security
Favourite Content