ជាព័ត៌មានគួរឱ្យភ្ញាក់ផ្អើលម្តងទៀតសម្រាប់អ្នកគាំទ្រវិស័យចម្រៀងខេប៉ុបនៅពេលដែល Jennie ក្រុម BLACKPINK ប្រកាសចេញបទចម្រៀងទោលរបស់នាង ‘You & Me’ នៅថ្ងៃទី ៦ ខែតុលានេះ ដែលចាត់ទុកជាទីបញ្ចប់នៃការទន្ទឹងរង់ចាំរបស់អ្នកគាំទ្រព្រោះ Jennie ធ្លាប់បង្ហើបថាបទ “You & Me” ជាបទដែលនាងបានថតចប់តាំងពី៣-៤ឆ្នាំមុនម្ល៉េះ ថាមិនត្រូវគឺដំណាលៗគ្នាជាមួយនឹងបទ “Solo” តែមិនទាន់ដល់ពេលសមរម្យត្រូវចេញផ្លូវការ បើទោះជាបទនេះ ត្រូវបានសម្តែងនៅលើឆាកប្រគំតន្ត្រីទេសចរណ៍នៅតាមទីក្រុងនានាជុំវិញពិភពលោកក៏ដោយ។
ដំបូងៗអ្នកគាំទ្រមិនបានគិតច្រើននោះទេពេលបទនេះត្រូវបានផ្សព្វផ្សាយតាមរយៈ YG Entertainment ប៉ុន្តែក៏មាន Blink ភ្នែកម្នាស់មួយចំនួនបានកត់សម្គាល់ឃើញថា Soonho Choi ដែលជានាយកប្រតិបត្តិរបស់ក្រុមហ៊ុន The Black Label បានបង្ហោះ Story មួយនៅលើ Instagram ផ្ទាល់ខ្លួន ដែលជាផ្ទាំងរូបភាពផ្សព្វផ្សាយបទចម្រៀងរបស់ Jennie ពីគណនីផ្លូវការរបស់ BLACKPINKថែមទាំង Tag គណនី Instagram របស់ Jennie និង Black Label។

គាប់ជួនគ្នានោះ អ្នកតំណាង YG បានផ្តល់ព័ត៌មានបន្ថែមថា មិនទាន់មានព័ត៌មានថ្មីៗនោះទេជុំវិញការបន្តកុងត្រាថ្មីជាមួយសមាជិកក្រុម BLACKPINK ដែលធ្វើឲ្យអ្នកគាំទ្រមានការរំពឹងទុកថា Jennie ទំនងជាចូលរួមក្រុមនៅក្នុង The Black Label ដែលជាក្រុមហ៊ុនបុត្រសម្ព័ន្ធរបស់ YG ក៏ថាបាន។
មកដល់ពេលនេះ បញ្ហាបន្តកិច្ចសន្យារបស់សមាជិក BLACKPINK នៅតែជាចំណោទដែលគ្មាននរណាអាចផ្ដល់ចម្លើយបាន ខណៈមានពាក្យចចាមអារ៉ាមផ្សេងៗចេញហូរហែដូចរឿងភាគ ដោយភាគច្រើននិយាយថា Rose អាចជាសមាជិកតែម្នាក់គត់ដែលនឹងនៅជាមួយ YG ខណៈដែល Lisa, Jisoo និង Jennie ប្រហែលជាជ្រើសរើសដើរលើវិថីផ្ទាល់ខ្លួនរបស់ពួកគេនៅក្នុងឧស្សាហកម្មកម្សាន្តនេះ។ ទោះបីជាមិនទាន់មានការបញ្ជាក់ណាមួយពី YG ក៏ដោយ ក៏គេជឿថា Blinks នឹងបន្តគាំទ្រពួកគេគ្រប់ជំហានក្នុងវិស័យចម្រៀង ភាពយន្ត និងវិស័យម៉ូដ។ ទស្សនាវីដេអូចម្រៀងបទ “You & Me” ដែលទើបតែចេញកាលពីម៉ោង ១១ព្រឹកនេះ៖























Account
Security
Favourite Content