ទម្លាយគម្រោងបន្តរបស់សមាជិក BLACKPINK ក្រោយរកទ្រនំបានរៀងៗខ្លួន

បន្ទាប់ពីចែកផ្លូវគ្នាដើម្បីផ្ដោតលើការងារទោលរៀងៗខ្លួនជាង១ឆ្នាំ នៅពេលនេះមានសេចក្ដីរាយការណ៍ថាសមាជិកទាំង ៤ របស់ក្រុម BLACKPINK មានគម្រោងជួបជុំគ្នាម្តងទៀតសម្រាប់ការប្រារព្ធខួប ៨ ឆ្នាំនៃការបង្កើតក្រុមរបស់ពួកគេ។

យោងតាមសារព័ត៌មានកូរ៉េ TenAsia បានរាយការណ៍កាលពីថ្ងៃទី ១៩ ខែមិថុនា ពេលនេះសមាជិកក្រុម BLACKPINK កំពុងពិភាក្សាដើម្បីជួបជុំគ្នាឡើងវិញសម្រាប់ខួបលើកទី ៨ របស់ពួកគេនៅថ្ងៃទី ៨ ខែសីហា ហើយបន្ទាប់ពីនោះពួកគេនឹងបន្តផ្តោតលើអាជីពទោលរៀងៗខ្លួនរហូតដល់ដាច់ឆ្នាំ។ ក្នុងនោះផែនការសម្រាប់ព្រឹត្តិការណ៍ពិសេសមួយកំពុងត្រូវបានរៀបចំសម្រាប់អ្នកគាំទ្រ។ ទោះបីជាទម្រង់នៃការប្រារព្ធពិធីនេះកំពុងស្ថិតក្រោមការពិភាក្សាក៏ដោយ តែច្បាស់ណាស់ថាកម្មវិធីខួបនេះពិតជាមានអត្ថន័យពិសេសសម្រាប់សមាជិកទាំង ៤ និង Blink គ្រប់គ្នា។

យោងតាមសេចក្ដីរាយការណ៍ដដែល បើទោះបីជាកម្មវិធីជួបជុំនេះអាចប្រព្រឹត្តទៅក៏ដោយ ប៉ុន្តែគម្រោង Comeback ជាក្រុមរបស់ពួកគេទំនងមិនអាចកើតឡើងនោះទេក្នុងឆ្នាំនេះ។ ផ្ទុយទៅវិញ សមាជិកម្នាក់ៗនឹងបន្តផ្តោតលើគម្រោងទោលរបស់ពួកគេ។ ក្នុងនោះ Lisa, Jennie, និង Rosé ត្រូវបានគេរំពឹងថានឹងចេញអាល់ប៊ុមទោល ខណៈដែល Jisoo នឹងផ្តោតលើអាជីពសម្តែងទាំងក្នុងរឿងភាគ និងខ្សែភាពយន្ត។

លម្អិតអំពីគម្រោងបន្ទាប់របស់សមាជិក BLACKPINK ម្នាក់ៗ៖

កាលពីចុងឆ្នាំ ២០២៣ YG Entertainment បានបញ្ជាក់ពីការបន្តកិច្ចសន្យាជាមួយសមាជិក BLACKPINK ទាំងអស់សម្រាប់ការងារជាក្រុម។ យ៉ាង​ណា​មិញ សម្រាប់ការងារទោលសមាជិក​នីមួយៗ​បាន​ដើរ​​ផ្លូវ​រៀងៗ​ខ្លួន ដោយ Rosé បានចុះកិច្ចសន្យាផ្តាច់មុខជាមួយ THE BLACK LABEL ខណៈសមាជិក ៣នាក់ទៀតបានបង្កើតក្រុមហ៊ុនដើម្បីគ្រប់គ្រងការងារទោលរបស់ខ្លួន ដូចជា Jennie បានបង្កើតក្រុមហ៊ុន ODD ATELIER, Jisoo បានបង្កើតក្រុមហ៊ុន BLISSOO ជាមួយបងប្រុសនាង ហើយ Lisa បានបង្កើតក្រុមហ៊ុននាងគឺ LLOUD។

ចាប់ពីឆមាសទីពីរនៃឆ្នាំនេះ សមាជិកនីមួយៗនឹងផ្តល់អាទិភាពដល់សកម្មភាពទោលរបស់ពួកគេ។ Lisa នឹងក្លាយជាសមាជិកដំបូងគេដែលចាប់ផ្តើមអាជីពឯករាជ្យជាផ្លូវការជាមួយនឹងការចេញបទចម្រៀង “ROCKSTAR” នៅថ្ងៃទី ២៨ ខែមិថុនា។ ការចេញផ្សាយនេះត្រូវបានគេទន្ទឹងរង់ចាំយ៉ាងខ្លាំងព្រោះវាជាគម្រោងតន្ត្រីដំបូងចាប់តាំងពីការចាប់ដៃគូរវាង LLOUD និង RCA Records ដែលជាស្លាកយីហោដ៏ធំមួយនៅក្រោម Sony Music។ លើសពីនេះ Lisa ក៏គ្រោងនឹងបង្ហាញខ្លួនជាលើកដំបូងក្នុងរឿងភាគហូលីវូដ គឺរឿង “White Lotus” រដូវកាលទី ៣នៅឆ្នាំ ២០២៥ ។

សម្រាប់ Jennie ថ្មីៗនេះបានបង្ហាញចម្រៀងទោលរបស់នាងដូចជាបទ “Slow Motion” ជាមួយ Matt Champion និងបទ “SPOT!” ជាមួយផលិតកររ៉េប ZICO ក្រោមស្លាកផលិតកម្ម ODD ATELIER និងចូលរួមក្នុងកម្មវិធី Apartment 404។

ងាកមក Jisoo កំពុងត្រៀមត្រលប់មកការសម្ដែងតាមរយៈរឿងភាគ Influenza ដែលនាងបានសម្តែងជាមួយ Park Jung Min និង Kim Joon Han។ មិនតែប៉ុណ្ណោះ នាងក៏បានចូលរួមសម្តែងក្នុងខ្សែភាពយន្តរឿង “Omniscient Reader’s Viewpoint” ជាមួយ Lee Min Ho ផងដែរដែលស្នាដៃទាំងនេះនឹងពង្រឹងកេរ្តិ៍ឈ្មោះរបស់នាងកាន់តែខ្លាំងនៅក្នុងឧស្សាហកម្មភាពយន្ត។ ចំណែកឯ Rosé វិញគឺកំពុងតែរៀបចំចេញបទចម្រៀងទោលថ្មីក្រោមផលិតកម្ម THE BLACK LABEL ដោយបន្តដំណើររបស់នាងក្នុងនាមជាសិល្បករទោល ៕


របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

អាជីព HyunA រងការរង្គោះរង្គើកាន់តែខ្លាំង ក្រោយប្រកាសរៀបការជាមួយ Yong Junhyung

តារា​ចម្រៀងខេប៉ុប HyunA កំពុងប្រឈម​​ការ​រិះគន់ខ្លាំង​ពី​អ្នក​គាំទ្រ​ បន្ទាប់​ពីមាន​ការ​ប្រកាសថានាងនឹង​រៀប​ការ​នៅ​ខែ​តុលា​ ជាមួយមិត្តប្រុស Yong Junhyung ជាអតីតតារាខេប៉ុប

ម្ចាស់បទ «នឹក» បកស្រាយឈ្មោះ Kwan ជារឿងនឹកស្មានមិនដល់

អ្នក​គាំទ្រ​បាន​ស្គាល់​ម្ចាស់​បទ «នឹក» Kwan ត្រឹម​ជា​ឈ្មោះ​ហៅ​ក្រៅ​ប៉ុណ្ណោះ និង​កម្រ​មាន​អ្នក​ដឹង​ឈ្មោះ​ពិត​ឡើយ លើកលែង​តែ​មិត្ត​រួម​អាជីព​​ស្និទ្ធជាមួយ។ អ្នក​គាំទ្រ​ចាប់ផ្ដើម​ស្គាល់​ឈ្មោះ​ពិត​របស់

ស្រមោលខ្មៅស្ទើរពេញមួយជី​វិត! Kim JaeJoong ត្រូវអ្នកគាំទ្ររោគចិត្ដលួចចូលផ្ទះបំពានខ្លួនប្រាណ

Kim JaeJoong ជាតារាប្រុសខេប៉ុបដែលល្បីល្បាញម្នាក់ លោកធ្លាប់ជាអតីតសមាជិកក្រុមចម្រៀងល្បី TVXQ និងជាសមាជិកក្រុមចម្រៀង JYJ នាពេលបច្ចុប្បន្ន។

ញាក់ណាស់! ទេព បូព្រឹក្ស ទម្លាក់រូប១សន្លឹកឱ្យតម្រុយបទថ្មី

ត្រឹម​រូប​មួយ​សន្លឹក​របស់​កំពូល​តារា​ចម្រៀង​លេច​ធ្លោ​ ទេព ​បូព្រឹក្ស​ ក៏​អាច​ទាក់​ចិត្ត​មហាជន​ និង​ហ្វេន​ឱ្យ​ចូល​ខមិន​សរសើរ​​ និង​ទស្សន៍ទាយ​​ ​MV​​ ដែល​អ្នក​នាង​នឹង​ទម្លាក់​នា​ពេល​ឆាប់​ៗ​ខាង​

កំពុងលេចធ្លោខ្លាំង តែ Byeon WooSeok ប្រឈមអស់ឱកាសកាន់ប្រេនល្បីៗ ដោយសាររឿងមួយនេះ

តារាសម្ដែងប្រុសកូរ៉េ Byeon WooSeok បានក្លាយជាតារាសម្ដែងប្រុសដ៏លេចធ្លោក្នុងម្នាក់ក្នុងឆ្នាំ ២០២៤។ បន្ទាប់ពីសម្ដែងរឿងភាគកូរ៉េ “Lovely Runner” អាជីពសិល្បៈរបស់លោកប្រែប្រួលស្ទើរ ១៨០ ដឺក្រេ មិនដល់រយៈពេល ៣ ខែផង បណ្ដាញសង្គមអ៊ីនស្ដាក្រាមរបស់លោក ឡើងពីអ្នកចុចតាមដាន ១ លាននាក់រហូតដល់ជិត ១១លាននាក់ដែលវាចំនួនយ៉ាងច្រើនមួយ។

ទីបំផុតជម្លោះដ៏ក្ដៅគគុករវាង​ ចន ច័ន្ទលក្ខិណា និង​ ម៉េង កែវពេជ្ជតា បានបញ្ចប់ហើយ

គិត​មក​ទល់​ពេល​នេះ​ ជម្លោះ​ដ៏​រ៉ាំរ៉ៃ​រវាង​សិល្បករ​ជើង​ចាស់ ២ រូប ​គឺអ្នក​នាង ​ចន ​ច័ន្ទ​លក្ខិណា​ និងតារា​ចម្រៀង ម៉េង ​កែវ​ពេជ្ជតា ​ដែលអូស​បន្លាយ​​អស់​រយៈ​ពេល​ជា​ច្រើន​ឆ្នាំ​​​​​ រហូត​ឈាន​ដល់​ការ​ប្ដឹងផ្ដល់​ដ៏​

Rosé នឹងបញ្ចេញចម្រៀង សម្រាប់រឿងភាគរបស់តារាប្រុស Lee Minho “Pachinko”

រឿងភាគល្បីរបស់ Apple TV+ គឺ “Pachinko” ដែលចូលរួមសម្ដែងដោយតារាប្រុសល្បី Lee Minho, Kim Min Ha និង Yoon YeoJung ត្រូវបានរាយការណ៍ថា នឹងត្រឡប់មកកំដរអារម្មណ៍

កម្សត់ពេក! បេក្ខនារីម្នាក់ធ្វើឱ្យ Judge កម្មវិធី Cambodian Idol រដូវកាលទី៥ រំជួលចិត្តស្រក់ទឹកភ្នែក

បេក្ខនារី​ដែល​មក​ពី​ខេត្ត​បាត់​ដំបង​​ម្នាក់​​បាន​ធ្វើ​ឱ្យ Judge ទាំង​ ៤ ក្នុង​កម្មវិធី​ប្រឡង​ចម្រៀង​លំដាប់​ពិភពលោក​ ​Cambodian Idol រដូវកាល​ទី​៥ រំជួល​ចិត្ត​ ស្រក់​ទឹក​ភ្នែក​ម៉ាត់​ៗ​​

មកស្គាល់កូនខ្មែរកាត់អ៊ុយក្រែនដ៏សង្ហា លឹម រ៉ូម៉ា ពីក្រោយរូបប្រាសាទស្អាតៗ ជួយផ្សព្វផ្សាយកម្ពុជាទៅពិភពលោក

លឹម រ៉ូម៉ា គឺជាយុវជនរូបសង្ហាមួយរូប ដែលមានឆន្ទះដ៏មុតមាំក្នុងការចូលរួមចំណែកលើកស្ទួយវិស័យទេសចរណ៍ក្នុងប្រទេសកម្ពុជា តាមរយៈការផលិតមាតិការូបភាព និងវីដេអូដ៏មានគុណភាពផ្សព្វផ្សាយនៅលើបណ្ដាញសង្គម

ជីមី បកស្រាយរឿងរៀបការស្ងាត់ៗមិនហៅភ្ញៀវ​អធិកអធមចូលរួមពិធីជយមង្គល

ក្រោយ​បែក​ធ្លាយ​ថា​តារា​ស្រី​រាង​ស្រឡូន​ស្អាត ជីមី ម៉េង និង​គូស្នេហ៍​ដែល​ស្រលាញ់​គ្នា​ជាង ៦​ឆ្នាំ​ចូល​រោងការ​ស្ងាត់​ៗ​កាលពី​សប្ដាហ៍​មុន​នោះ​រួច​មក ព្រឹក​នេះ​ម្ចាស់​ផលិតផល​ផល​ថែរក្សា​ស្បែក​ដ៏​ល្បី​បាន​

អាសយដ្ឋាន​អ៊ីមែល​របស់​អ្នក​នឹង​មិន​ត្រូវ​ផ្សាយ​ទេ។ វាល​ដែល​ត្រូវ​ការ​ត្រូវ​បាន​គូស *