សាហាវខ្លាំង! ទើបចេញបញ្ចាំងប៉ុន្មានថ្ងៃ “Deadpool & Woverine” កើបលុយបានជាង ៤៣០ លានដុល្លារ

ត្បិតតែជាភាពយន្ត R-rated ដែលកំណត់អាយុអ្នកទស្សនា ១៧ឆ្នាំឡើងទៅ ប៉ុន្តែភាពយន្តថ្មីពីស្ទូឌីយោ Marvel រឿង “Deadpool & Wolverine” អាចរកចំណូលបានរហូតដល់ ៤៣៨ លានដុល្លារពីការបញ្ចាំងទូទាំងពិភពលោកក្នុងសប្ដាហ៍ដំបូង ថែមទាំងអាចបំបែកកំណត់ត្រាជាច្រើន។

ភាពយន្ត Superhero បែបកំប្លែងរឿង “Deadpool & Wolverine” ដែលរួមសម្ដែងដោយតារាប្រុស Ryan Reynolds និង Hugh Jackman បានគ្រងចំណាត់ថ្នាក់លេខ១ លើតារាង Box Office សប្ដាហ៍នេះជាមួយចំណូល ២០៥ លានដុល្លារពីការបញ្ចាំងនៅអាមេរិកខាងជើង និងជាង ២៣៣ លានដុល្លារទៀតពីការបញ្ចាំងនៅប្រទេសផ្សេងៗ ធ្វើឱ្យចំណូលសរុបទូទាំងពិភពលោកនៅស​ប្ដាហ៍ដំបូងអាចបានដល់ ៤៣៨ លានដុល្លារ ខណៈដើមទុនផលិតគឺ ២០០ លានដុល្លារ។

ចំណូលដ៏ច្រើននេះក៏បានធ្វើឱ្យ “Deadpool & Wolverine” អាចបំបែកកំណត់ត្រាជាច្រើនដូចជាកំណត់ត្រាភាពយន្ត R-rated ដែលអាចរកចំណូលសប្ដាហ៍ដំបូងបានច្រើនបំផុតក្នុងប្រវត្តិសាស្ត្រ ជាភាពយន្តរកចំណូលសប្ដាហ៍ដំបូងបានខ្ពស់បំផុតក្នុងឆ្នាំនេះ និងខ្ពស់បំផុតគិតចាប់ពីភាពយន្ត “Spider-Man: No Way Home” បានចេញកាលពីខែធ្នូ ឆ្នាំ២០២១។

​មែនទែនទៅ “Deadpool & Wolverine” គឺជាភាពយន្តទី៣ ហើយក្នុងចំណោមស៊េរីភាពយន្ត “Deadpool” ដែលវគ្គដំបូងគេបានចេញកាលពីឆ្នាំ២០១៦ អាចរកចំណូលសរុបបាន ៧៨២ លានដុល្លារ និងវគ្គទី២ ចេញឆ្នាំ២០១៨ អាចរកចំណូលបាន ៧៨៥ លានដុល្លារ។

សម្រាប់ចំណាត់ថ្នាក់លេខ ២ សប្ដាហ៍នេះបានទៅលើភាពយន្តមហន្តរាយខ្យល់ព្យុះ “Twisters” ដែលអាចរកចំណូលនៅអាមេរិកបាន ៣៦ លានដុល្លារទៀតកាលពីចុងសប្ដាហ៍កន្លងទៅ ខណៈចំណូលសរុបទូទាំងពិភពលោកកើនដល់ ២២១ លានដុល្លារក្រោយបញ្ចាំងបាន២សប្ដាហ៍។ រីឯចំណាត់ថ្នាក់លេខ៣ គឺភាពយន្តគំនូរជីវចល “Despicable Me 4” ដែលអាចរកចំណូលបាន ១៤,៥ លានដុល្លារទៀតនៅសប្ដាហ៍ចុងក្រោយ ខណៈចំណូលសរុបទូទាំងពិភពលោកកើនដល់ ៦៧៧ លានដុល្លារអាមេរិក ៕


របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

តារាចម្រៀង-សម្ដែង អ្នកផលិតមាតិកាល្បីៗ ទទួលលិខិតសរសើរពីយូនីសេហ្វ លើការងារសង្គម

សិល្បករ​ សិល្បៈ​ការិនី​ តារា​សម្ដែង​ តារា​ចម្រៀង​ និង​អ្នក​ផលិត​មាតិកា​ក្នុង​ស្រុក​ជា​ច្រើន​រូប​ទទួល​បាន​លិខិត​សរសើរ​ពី UNICEF Cambodia ក្រោយ​ចូលរួម​យ៉ាង​សកម្ម​នៅក្នុងទិវាកុមារពិភពលោកក្នុង​ខេត្ត​មណ្ឌលគិរី​​។

ពីក្មេងប្រុសម្ចាស់ពាន The Voice Kid សំឡេងផ្អែម ឥឡូវ ទេព ពិសេដ្ឋ ល្បីឈ្មោះខ្លាំងតាមរយៈបទរ៉េប

ក្មេងប្រុស ទេព ពិសិដ្ឋា ក្លាយ​ជា​ម្ចាស់​ពាន The Voice Kids Cambodia រដូវកាលទី២ នៅឆ្នាំ ២០១៨ ដែល​គ្រា​នោះ ទើប​មាន​វ័យ​ត្រឹម ១៤ ឆ្នាំ​ប៉ុណ្ណោះ។ ការ​តស៊ូ​ឡើង​មក​ប្រឡង​នៅ​រាជធានី​ភ្នំពេញ ពិតជា​មិន​ខក​បំណង​ឡើយ

សោកនាដកម្មក្នុងវិស័យខេប៉ុប៖ នៅពេលដែលភាពជោគជ័យ ដើរទន្ទឹមគ្នានឹងអត្តឃាត

ស្របពេលដែលខ្សែជីវិតនៅលើវិថីខេប៉ុបកំពុងតែមានដំណើរទៅកាន់ភាពជោគជ័យ តែសិល្បករមិនតិចរូបទេបានសម្រេចបញ្ចប់អនាគតបស់ខ្លួនត្រឹមវ័យជាង ២០ឆ្នាំ។ ហេតុអ្វីបានជាតារាខេប៉ុបទាំងនេះសម្រេចចិត្តធ្វើ

ស្វាមីសាន់ឆាយបញ្ជាក់ច្បាស់ៗថាអ្នកណាជាអ្នកទទួលកេរ្តិ៍មរតកដ៏មហាសាលរបស់ភរិយា

កាលពីថ្ងៃទី៦ ខែកុម្ភៈកន្លងទៅនេះ តារាចម្រៀងកូរ៉េ DJ Koo ស្វាមីរបស់តារាសម្ដែងតៃវ៉ាន់ Barbie Hsu ឬតួសាន់ឆាយ បានចែករំលែកសារ​លើ​បណ្តាញ​សង្គមដោយ​បង្ហាញ​ពី​ទុក្ខសោក​ចំពោះ​ការ​បាត់បង់​ភរិយា

អ្នកគាំទ្រត្រៀម! Taxi Driver រដូវកាលថ្មីគ្រោងនឹងចាក់បញ្ចាំងក្នុងឆ្នាំ ២០២៥នេះ ជាមួយសាច់រឿងស៊ីជម្រៅជាងមុន

SBS បញ្ជាក់ថា ភាពយន្តភាគរឿង Taxi Driver រដូវកាលទី ៣ នឹងចេញផ្សាយនៅចន្លោះខែកក្កដា ដល់ដំណាច់ឆ្នាំ២០២៥នេះ ដោយនៅតែរក្សាតួសម្ដែងពីរដូវកាលមុនដដែល តែសាច់រឿងគួរឱ្យចាប់អារម្មណ៍ជាងមុន។

លែងប្រើឈ្មោះចាស់ហើយ! សមាជិក NewJeans ត្រៀមចូលរួមការប្រគំតន្ត្រីធំលើកដំបូងដោយប្រើឈ្មោះថ្មីថា …

បន្ទាប់ពីមានបញ្ហាចាកចេញពីផលិតកម្មមុនកុងត្រាកំណត់ ពេលនេះសមាជិកក្រុមចម្រៀងនារី NewJeans បានសម្រេចបន្តសកម្មភាពដោយប្រើឈ្មោះថ្មី NJZ ជំនួសឈ្មោះដើមរបស់ពួកគេ

ម្ចាស់ពាន Cambodia Idol រដូវកាលទី៥ គី សាវីន ចេញបទដំបូង sad ខ្លាំង ដល់ថ្នាក់ហ្វេនលាន់មាត់បែបនេះ!

បទ​ដំបូង​របស់​ម្ចាស់​ពាន Cambodia Idol រដូវ​កាល​ទី​៥ គី សាវីន ​ធ្វើ​ឱ្យ​បណ្ដា​អ្នក​គាំទ្រ​លាន់​មាត់​សរសើរ​ ថា​ពីរោះ​ខ្លាំង​ខណៈ​បទ​ចម្រៀង​​បែប​យុវវ័យ​មនោសញ្ចេតនាមួយ​នេះ​ បាន​បង្កប់​អត្ថន័យ​ជ្រាលជ្រៅ​នៅ​ពី​ក្រោយ​ស្នេហា​​

ស្ទូឌីយោថតរូបបកស្រាយបែបនេះ ក្រោយធ្វើឱ្យបែកធ្លាយរូបថតរបស់ Taecyeon ក្រុម 2pm និងមិត្តស្រីនៅប៉ារីស

ស្ទូឌីយោថតរូប The Best Photo Paris បានចេញសុំទោស ចំពោះការចែករំលែករូបថតរបស់ Taecyeon និងមិត្តស្រី ដែលនាំឱ្យសាធារណជនមានការយល់ច្រឡំថា ជារូបថតសុំសង្សាររៀបការរបស់សមាជិកក្រុម

មើលត្រឹម Trailer ក៏ស្រៀវសាច់! ភាពយន្ត “Jurassic World” វគ្គថ្មីដែល Scarlett Johansson មកសម្ដែង

ក្រុមហ៊ុន Universal Picture ទើបតែបញ្ចេញវីដេអូ Trailer ដំបូងសម្រាប់កំពូលភាពយន្តដាយណូស័រ “Jurassic World” វគ្គថ្មីកាលពីថ្ងៃទី៥ ខែកុម្ភៈ ដោយវគ្គថ្មីនេះមានចំណងជើងថា “Jurassic World Rebirth”

ឈុតតំណាងជាតិ ៣ នេះ នឹងបង្ហាញលើឆាកអន្តរជាតិក្នុងប្រទេសម៉ាឡេស៊ី

កម្ពុជា​បាន​នាំ​យក​ឈុត​តំណាង​ជាតិ ​៣​ ដែល​ច្នៃ​ដោយ​ស្នាដៃ​កូន​ខ្មែរ​ ដើម្បី​យក​ទៅ​បង្ហាញ​លើ​ឆាក​អន្តរជាតិ​ក្នុង​កម្មវិធី​ប្រកួត ​Kids & Teens Pageant Global នៅប្រទេស​ម៉ាឡេស៊ី​ ដោយ​មាន​បវរកញ្ញា​កម្ពុជា ៣ រូប កំពុង​​ចូលរួម​

អាសយដ្ឋាន​អ៊ីមែល​របស់​អ្នក​នឹង​មិន​ត្រូវ​ផ្សាយ​ទេ។ វាល​ដែល​ត្រូវ​ការ​ត្រូវ​បាន​គូស *