ក្រុមចម្រៀងបុរសថ្មីបំផុតរបស់ BIGHIT MUSIC គឺ CORTIS បានបន្ថែមកំណត់ត្រាថ្មីមួយទៀតសម្រាប់ភាពជោគជ័យរបស់ពួកគេ។

កាលពីថ្ងៃទី ៨ ខែកញ្ញា ក្រុមចម្រៀងថ្មីដែលមានសមាជិកប្រាំនាក់នេះបានចេញអាល់ប៊ុមខ្នាតតូចដំបូងជាផ្លូវការ ដែលមានចំណងជើងថា ‘COLOR OUTSIDE THE LINES’ ។ នៅថ្ងៃដដែលនោះ អាល់ប៊ុមនេះបានកត់ត្រាការលក់បានប្រហែល ២៤៧ ០០០ ច្បាប់ ខណៈគិតត្រឹមថ្ងៃទី១១ ខែកញ្ញានេះ តួលេខនៃការលក់បានឈានដល់ ៣១០ ០០០ ច្បាប់។ នេះបើយោងតាមទិន្នន័យពីគេហទំព័រ Hanteo ។
ចំនួននេះធ្វើឱ្យអាល់ប៊ុម ‘COLOR OUTSIDE THE LINES’ បានជាប់ចំណាត់ថ្នាក់កំពូលជាអាល់ប៊ុមលក់ដាច់បំផុតនៅថ្ងៃដំបូងក្នុងចំណោមក្រុម K-pop ដែលបានបង្ហាញខ្លួននៅឆ្នាំ ២០២៥។ អ្នកកាន់កាប់កំណត់ត្រានេះពីមុនគឺអាល់ប៊ុម ‘Flip It, Kick It!’ របស់ក្រុម KickFlip ពីផលិតកម្ម JYP ដែលអាចលក់បាន ២៤៣ ៩៤៩ ច្បាប់ក្នុងថ្ងៃដំបូងកាលពីខែមករា។
តួលេខនេះដែរបានធ្វើឱ្យ ‘COLOR OUTSIDE THE LINES’ ក្លាយជាអាល់ប៊ុមដំបូងសម្រាប់ក្រុម K-pop ដែលលក់ដាច់បំផុតលំដាប់ទីបីសម្រាប់ការលក់ថ្ងៃដំបូងនៅក្នុងប្រវត្តិសាស្រ្តគេហទំព័រ Hanteo ខណៈចំណាត់ថ្នាក់ទី១និងទី២ គឺអាល់ប៊ុមដំបូងរបស់ ZEROBASEONE និង X1។
បង្កើតឡើងដោយមានសមាជិកប្រាំនាក់រួមមាន MARTIN, JUHOON, SEONGHYEON, KEONHO, និង JAMES CORTIS គឺជាក្រុមថ្មីដំបូងរបស់ BIGHIT MUSIC ក្នុងរយៈពេលជាច្រើនឆ្នាំមកនេះ ពោលគឺចាប់តាំងពី TXT បានចេញកាលពីប្រាំមួយឆ្នាំមុន ថែមទាំងមានក្រុមចម្រៀងប្រុសលំដាប់ពិភពលោកដូចជា BTS ជាសិស្សច្បងរួមទ្រនំផងដែរ។ ក្រុមហ៊ុន Big Hit បានកំណត់និយមន័យឈ្មោះ CORTIS ថាជាក្រុម Creator ដែលជំរុញ និងបង្កើតតន្ត្រីរបស់ពួកគេទាំងអស់ដោយខ្លួនឯង និងដោយភាពស្មោះត្រង់ ៕





























Account
Security
Favourite Content