កាលពីថ្ងៃទី២១ ខែសីហា នេះ J-hope បានចែករំលែករូបថតរបស់ខ្លួន និងសមាជិកក្រុម BTS ផ្សេងទៀត នៅលើទឹកដីសហរដ្ឋអាមេរិក រួមគ្នានឹងសកម្មភាពក្នុងស្ទូឌីយោ ជាតម្រុយនៃអាល់ប៊ុមថ្មី។


រូបថតដែលចែករំលែកលើនៅគណនី Instagram នេះ បានបង្ហាញសកម្មភាពប្រចាំថ្ងៃរបស់កំលោះទាំង ៧រូប នៅក្នុងសហរដ្ឋអាមេរិក ដូចជា សកម្មភាពនៅលើឆ្នេរសមុទ្រ រដ្ឋកាលីហ្វ័រញ៉ា និងការដើរទិញទំនិញជាដើម។
យ៉ាងណាមិញ អ្វីដែលធ្វើឱ្យអ្នកគាំទ្រកាន់តែចាប់អារម្មណ៍នោះ គឺជាវីដេអូដែល BTS បានធ្វើការជួបជុំគ្នាម្ដងទៀតនៅក្នុងស្ទូឌីយោ ដោយបញ្ជាក់ពីដំណើរការនៃការផលិតអាល់ប៊ុមថ្មី ក្រោយពីម្នាក់ៗបានបញ្ចប់កាតព្វកិច្ចក្នុងជួរទាហានជាស្ថាពរ និងត្រឡប់មកកសាងស្នាដៃរួមគ្នាម្ដងទៀត។ តួយ៉ាង ដូចជាវីដេអូដែល Jimin និង V កំពុងថតសំឡេងជាដើម។
ផ្អែកតាមសេចក្ដីប្រកាសក្នុងគ្រាកន្លងមក BTS គ្រោងនឹងបញ្ចេញអាល់ប៊ុមថ្មីជូនអ្នកគាំទ្រនៅក្នុងរដូវផ្ការីកខាងមុខនេះ ទន្ទឹមគ្នានឹងកម្មវិធីប្រគំតន្ត្រីទេសចរណ៍មួយផងដែរ។ រាប់តាំងពីខែមុន សមាជិកម្នាក់ៗក៏ចាប់ផ្ដើមធ្វើដំណើរទៅកាន់សហរដ្ឋអាមេរិកជាបន្តបន្ទាប់ ដើម្បីចាប់ផ្ដើមផ្ដោតអារម្មណ៍លើការផលិតចម្រៀង និងត្រៀមខ្លួនសម្រាប់ការឡើងសម្ដែងម្ដងទៀត ខណៈពួកគេក៏ព្យាយាមភ្ជាប់ទំនាក់ទំនងជាមួយអ្នកគាំទ្រតាមរយៈកម្មវិធី Weverse ផងដែរ៕































Account
Security
Favourite Content