អ្នក​មាន​កូន​គួរ​យល់​ដឹង! ពាក្យ​សម្ដី ៧​ម៉ាត់​ដែល​ឪពុក​ម្ដាយ​ធ្វើ​ឲ្យ​កូន​ឈឺចាប់​ដោយ​មិន​ដឹង​ខ្លួន

មិន​ថា​ក្នុង​ករណី​ណា​ក៏​ដោយ​ ស្ថាប័ន​គ្រួសារ​គឺ​ជា​សាលា​ដំបូង​បង្អស់​ដែល​បណ្ដុះបណ្ដាល​បុគ្គលិក​លក្ខណៈ​របស់​កូនៗ។​ ដូច្នេះ​គ្រួសារ​ត្រូវ​តែ​មាន​ភាព​រឹងមាំ​ ព្រោះ​អ្នក​នៅ​ជាមួយ​ពួកគេ​ ឃើញ​គេ​លូតលាស់​ពី​មួយ​ថ្ងៃ​ទៅ​មួយ​ថ្ងៃ​ រហូត​ដល់​អាច​រស់នៅ​ក្នុង​សង្គម​មួយ​នេះ​បាន។​ ប្រសិន​បើ​គ្រួសារ​មិន​កក់​ក្តៅ​ មិន​រឹងមាំ​ ក៏​ធ្វើ​ឱ្យ​មាន​ផល​ប៉ះពាល់​ដល់​សង្គម​បាន។​ អាស្រ័យ​ហេតុ​នេះ​សូម​ផ្តាំ​ផ្ញើ​ដល់​ឪពុក​ម្តាយ​គ្រប់​រូប​ជួយ​មើលថែ​ក្រណាត់​ស​តូចៗ​ទាំង​នេះ​ និង​តុបតែង​ឱ្យ​មាន​ពណ៌​ស្រស់ស្រាយ។​ មើលថែ​ឱ្យ​ពួក​គេ​លូតលាស់​ជា​មនុស្ស​ដែល​មាន​សេចក្តីសុខ​ និង​ជា​ធនធាន​មនុស្ស​ដ៏​សំខាន់។​

១.​ បន្ទោស​ថា​កូន​បង្ក​តែ​បញ្ហា​

ពាក្យ​ថា​បង្ក​តែ​បញ្ហា​ កុំ​ថា​ឡើយ​ក្មេង​ សូម្បី​តែ​មនុស្ស​ពេញ​វ័យ​ដូច​យើង​ក៏​មិន​ចង់​ឮ​ផង។​ ក្មេងៗ​នឹង​គិត​ថា​ខ្លួន​គ្មាន​តម្លៃ​ ធ្វើ​អ្វី​ក៏​មិន​បាន​ការ​ ខុស​នេះ​ខុស​នោះ។​ ធ្វើ​ឱ្យ​កុមារ​ចង់​បញ្ជោះ​ដោយ​ការ​បញ្ចេញ​អាកប្បកិរិយា​មិន​ល្អ​ទ្វេ​ឡើង។​

២.​ ប្រៀបធៀប​កូន​ជាមួយ​បងប្អូន​ក្នុង​គ្រួសារ​តែ​មួយ​

ប្រសិន​បើ​ឪពុក​ម្តាយ​យក​កូន​ខ្លួន​ឯង​ទៅ​ប្រៀបធៀប​ថា​អ្នក​ណា​ល្អ​ជាង​ អ្នក​ណា​ពូកែ​ជាង​ គួរ​ឱ្យ​ស្រឡាញ់​ជាង​នោះ​ អាច​ប៉ះពាល់​ដល់​ផ្លូវ​ចិត្ត​កូន​បាន។​ កូនៗ​នឹង​មាន​អារម្មណ៍​តូច​ចិត្ត​ ខូច​ចិត្ត​ និង​គិត​មិន​ល្អ​ជាមួយ​បងប្អូន​ខ្លួន​ឯង។​ កុមារ​នឹង​កើត​ការ​ច្រណែន​ និង​ឈ្លោះ​គ្នា​ធ្វើ​ឱ្យ​បងប្អូន​បែកបាក់​សាមគ្គី។​

៣.​ បើ​ធ្វើ​អ៊ីចឹង​ទៀត​ ឈប់​ស្រឡាញ់​ហើយ​

នេះ​គឺ​ជា​ពាក្យ​ដែល​មាន​ឥទ្ធិពល​យ៉ាង​ខ្លាំង​ទៅ​លើ​ផ្លូវ​អារម្មណ៍​កុមារ។​ អ្នក​គិត​មើល​ទៅ​ មាន​តែ​ឪពុក​ម្តាយ​ប៉ុណ្ណោះ​ជា​ទី​ពឹង​របស់​កូនៗ​ និង​គិត​មក​រហូត​ថា​មាន​តែ​ឪពុក​ម្តាយ​ទេ​ដែល​ស្រឡាញ់​ខ្លួន​ ហើយ​កូន​ក៏​ស្រឡាញ់​អ្នក​ទាំង​ពីរ​វិញ​ដែរ។​ បើ​ពួក​គេ​ឮ​អ្នក​និយាយ​ថា​ ឈប់​ស្រឡាញ់​គេ​ហើយ​ ក្មេង​នឹង​មាន​អារម្មណ៍​ក្រៀមក្រំ​ គ្មាន​សល់​នរណា​នៅ​ក្បែរ​ទៀត​ រហូត​ដល់​គិត​ថា​អ្នកដទៃ​ល្អ​ជាង​ឪពុក​ម្តាយ។​ កូន​នឹង​ចាប់​ផ្តើម​គិត​ថា​ អ្នកដទៃ​ប្រហែល​ជា​យល់​ពី​ខ្លួន​ជាង​ ដូច្នេះ​ឪពុក​ម្តាយ​ហាម​ប្រើ​ពាក្យ​នេះ​ដាច់​ខាត។​

៤.​ ម៉េច​ធ្វើ​មិន​បាន​ដូច​កូន​គេ​អ៊ីចឹង?​

នៅ​ពេល​កូន​ធ្វើ​អ្វី​ហើយ​មិន​បាន​ស្មើ​នឹង​ក្មេង​ដទៃ​ ជឿ​ថា​កូន​ខូច​ចិត្ត​រួច​ហើយ។​ បើ​ឪពុក​ម្តាយ​ទៅ​បន្ទោស​ដោយ​ពាក្យ​នេះ​ថែម​ទៀត​ នឹង​ធ្វើ​ឱ្យ​ពួក​គេ​មាន​អារម្មណ៍​ថា​ខ្លួន​អសមត្ថភាព​ មិន​ចង់​ធ្វើ​អ្វី​ទៀត​ ឬ​អស់​ទឹក​ចិត្ត​ធ្វើ​អ្វី​ទៀត​ហើយ។​

៥.​ និយាយ​ស្តី​មើល​ងាយ​ប្រមាថ​ បញ្ចើច​បញ្ចើ​

ដូចជា​ នៅ​ពេល​កូន​ប្រាប់​ថា​ចង់​ធ្វើ​នេះ​ធ្វើ​នោះ​ឱ្យ​ប្រសើរ​ឡើង​ តែ​ឪពុក​ម្តាយ​បែរ​ជា​និយាយ​ថា​ ធ្វើ​មិន​បាន​ទេ​មើល​ទៅ​ ដូច​តែ​រាល់​ដង​ហ្នឹង។​ ពាក្យ​សម្តី​ទាំង​នេះ​ អាច​ធ្វើ​ឱ្យ​កូន​បាត់បង់​ជំនឿ​លើ​ឪពុក​ម្តាយ​ ហើយ​ពេល​ប្រឈម​នឹង​បញ្ហា​ កូន​លែង​ចង់​ពឹង​លើ​អ្នក​ទៀត​ហើយ​ព្រោះ​ខ្លាច​ឮ​ពាក្យ​ជាន់​ពន្លិច​ទៀត។​ កូនៗ​នឹង​ចាប់​ផ្តើម​ទៅ​ស្និទ្ធស្នាល​ជាមួយ​មិត្តភ័ក្ដិ​ ឬ​អ្នក​ដទៃ​ច្រើន​ជាង​អ្នក​ផ្ទះ​ខ្លួន​ឯង។​

៦.​ និយាយ​គម្រោះៗ​ ប្រើ​សំឡេង​ខ្លាំងៗ​

គ្មាន​អ្នក​ណា​ចង់​ឮ​សម្តី​បែប​នេះ​ទេ​ ជាពិសេស​ពី​ឪពុក​ម្តាយ​ខ្លួន​ឯង។​ បើ​ឪពុក​ម្តាយ​ធ្វើ​បែប​នេះ​ញឹកញាប់​អាច​ធ្វើ​ឱ្យ​កូន​ស្រូប​ជញ្ជក់​ ហើយ​ញៀន​នឹង​សកម្មភាព​បែប​នេះ​បាន​ទោះ​បី​ខ្លួន​ឯង​មិន​ចង់​ក្លាយ​ជា​បែប​នេះ​ក៏​ដោយ។​

៧.​ ទៅ​ណា​ក៏​ទៅៗ​

រាល់​ពេល​មាន​ការ​ឈ្លោះ​ប្រកែក​ ឬ​មិន​ទាស់​ចិត្ត​គ្នា​ ឪពុក​ម្តាយ​ចូលចិត្ត​និយាយ​ថា​ទៅ​ណា​ក៏​ទៅៗ ។​ ក្មេងៗ​នឹង​រង​ការ​ប៉ះពាល់​ចិត្ត​ ហើយ​ផ្គើន​លើស​ដើម​ អាច​ធ្វើ​ឱ្យ​រឿង​រីករាល​ដាល​ធំ​ជាង​មុន៕



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

ប្រជាជនកម្ពុជារួមស្មារតីខ្មែរតែ១ ស្វាគមន៍ពិភពលោកមកកាន់ទឹកដីអច្ឆរិយៈនៃព្រះរាជាណាចក្រកម្ពុជា ក្នុងកិច្ចប្រជុំកំពូលហ្វ្រង់កូហ្វូនីលើកទី២០

ប្រជាជនកម្ពុជាកំពុងស្វាគមន៍យ៉ាងកក់ក្តៅ និងប្រកបដោយមោទនភាព ចំពោះការអញ្ជើញមកដល់របស់ប្រតិភូជាន់ខ្ពស់ ថ្នាក់ដឹកនាំ និងភ្ញៀវអន្តរជាតិទាំងអស់ មកចូល

ព្រឹត្តិការណ៍កីឡាជាតិ ឆ្នាំ២០២៦ បិទបញ្ចប់ដោយជោគជ័យយ៉ាងត្រចះត្រចង់ ក្រោមការឧបត្ថម្ភផ្តាច់មុខ និងការគាំទ្រយ៉ាងសកម្មពីក្រុមហ៊ុន វឌ្ឍនៈ ដើម្បីបន្តលើកស្ទួយវិស័យកីឡាកម្ពុជា

ព្រឹត្តិការណ៍កីឡាជាតិ លើកទី៥ និងកីឡាជាតិជនពិការ លើកទី៣ ឆ្នាំ២០២៦ ដែលជាមហាព្រឹត្តិការណ៍កីឡាថ្នាក់ជាតិដ៏សំខាន់បំផុតប្រចាំឆ្នាំ បានបិទបញ្ចប់ជាស្ថាពរប្រកប

កម្ពុជា​ដាក់បង្ហាញសិល្បៈ​បុរាណ​ខ្មែរ​ក្នុង​ព្រឹត្តិការណ៍​អន្តរជាតិ «ហ្វ្រង់កូហ្វូនី»

ព្រឹត្តិការណ៍ «ភូមិហ្វ្រង់កូហ្វូនី ឆ្នាំ២០២៦» បើក​ជា​ផ្លូវ​ការ​នា​វេលា​ព្រឹក​ថ្ងៃ​ទី ១៣ ខែវិច្ឆិកា ឆ្នាំ២០២៦ ក្រោម​អធិបតីភាព​ដ៏​ខ្ពង់ខ្ពស់​នៃ​សម្ដេចមហាបវរធិបតី

សារព័ត៌មាន The Star បានចុះផ្សាយពី ជូរី ល្អហួស និងរបាំបុរាណខ្មែរ ដែលនាងយកទៅបង្ហាញក្នុងកម្មវិធីប្រកួតសម្រស់ នៅហ្សាកាតា

ម្មវិធីការ​ប្រកួត Miss Teen Icon International ២០២៦ ដែល​ឥណ្ឌូណេស៊ីធ្វើ​ជា​ម្ចាស់​ផ្ទះ ហើយ​ក៏​មាន​ការ​ចូលរួមពី ជូរីល្អហួស Miss Teen Icon Cambodia 2026 ទទួល​បាន​

លោក Jensen Huang ចុះចេញពីតំណែងជា CEO របស់ក្រុមហ៊ុន Nvidia ក្រោយបែកធ្លាយរឿងអាស្រូវសហាយស្មន់ ២ ករណី

លោក Jensen Huang បានចុះចេញពីតំណែងជានាយកប្រតិបត្តិរបស់ក្រុមហ៊ុន Nvidia កាលពីថ្ងៃទី ១២ ខែវិច្ឆិកានេះ បន្ទាប់ពីមានការបែកធ្លាយរឿងអាស្រូវស្នេហាត្រីកោណចំនួន ២ ករណី

ហ្វីយ៉ាតា ទទួលបាន​ការ​អញ្ជើញផ្ទាល់ពី Fátima Miss Universe 2025 សម្រាប់រាត្រីចុងក្រោយនៃការគ្រងមកុដ

ការ​រឿង​ដ៏​ភ្ញាក់ផ្អើល និង​កិត្តិយស​សម្រាប់​អ្នកនាង ថៃ នារីសុជាតា ឬ ហ្វីយ៉ាតា ត្រូវ​បាន​ Miss Universe អញ្ជើញ​រូប​នាង ដែល​ជា Miss Universe Cambodia 2025 ទៅ​ចូល

Maurice Chan កូនខ្មែរជាតួ Stunt ដ៏ល្បីនៅហូលីវូដ ប្រកាសផលិតភាពយន្ត​ Action ខ្នាតធំលើកដំបូងនៅកម្ពុជា

បន្ទាប់ពីបានសាងកេរ្តិ៍ឈ្មោះ និងបទពិសោធន៍យ៉ាងជោគជ័យក្នុងវិស័យភាពយន្តហូលីវូដតាមរយៈស្នាដៃលំដាប់ពិភពលោកជាច្រើនដូចជា John Wick: Chapter 4 និង James Bond: Spectre លោក

កូរ៉េខាងត្បូងផ្ដោតលើការរៀបចំកម្មវិធីដើម្បីផ្ដល់ឱកាសឱ្យអ្នកនៅលីវបានជួបគ្នា ជាការដោះស្រាយបញ្ហាអត្រាកំណើតធ្លាក់ចុះ

សាលាក្រុងសេអ៊ូលនឹងរៀបចំកម្មវិធីផ្គូផ្គងគូស្រករដែលមានឈ្មោះថា “Seoul-ting” ដើម្បីបើកឱកាសឱ្យអ្នកនៅលីវអាចស្វែងរកគូស្រកររបស់ខ្លួននៅចុងឆ្នាំ ២០២៦ ជាការរួមចំណែកមួយ

ឈុតតំណាងជាតិ ល្អហួស Miss Teen Icon Cambodia 2026 ក្នុងកម្មវិធី Miss Teen Icon International ប្រណីតហួសថ្លែង

យុវតី ជូរី ល្អហួស Miss Teen Icon Cambodia 2026 ដែល​តែ​នៅ​ក្នុង​វេទិកា​ប្រកួត Miss Teen Icon International 2026 ដែល​កំពុង​ធ្វើ​ឡើង​នៅ​ប្រទេស​ឥណ្ឌូណេស៊ី​នោះ ទទួល​

លោកស្រី Angelina Jolie លើកសរសើរវប្បធម៌ និងទឹកចិត្តប្រជាជនកម្ពុជាយ៉ាងជ្រាលជ្រៅ ក្នុងកិច្ចប្រជុំកំពូលអាស៊ាននៅហ្វីលីពីន

តារាសម្ដែងជួរមុខហូលីវូដ លោកស្រី Angelina Jolie បានចែករំលែកពីទំនាក់ទំនងអស់រយៈពេលជាង ២៥ ឆ្នាំរបស់លោកស្រីជាមួយប្រទេសកម្ពុជា ដែលបានធ្វើឱ្យលោកស្រីឱ្យតម្លៃយ៉ាង