មិត្តជាមនុស្សម្នាក់ប្រៀបដូចជាបងប្អូនដែលយើងទុកចិត្តអាចចែករំលែករឿងអ្វីមួយឱ្យគ្នាដោយមិនចាំបាច់បារម្ភ។ ហើយមិត្តក៏ជាមនុស្សម្នាក់ដែលនៅជិតហើយអាចចាក់យើងពីក្រោយខ្នងបានដែរ។ ដូច្នេះប្រសិនបានជួបមនុស្ស ៤ ប្រភេទនេះគួរនៅឱ្យឆ្ងាយៗកាន់តែល្អ៖
១. មនុស្សសម្ដែង

គេថាខ្មោចគួរឱ្យខ្លាច ប៉ុន្តែមនុស្សទៅវិញទេដែលគួរឱ្យខ្លាចនោះ។ ជាក់ស្ដែងមនុស្សមួយចំនួនបង្កើតចំណងមិត្តភាពជាមួយអ្នកណាម្នាក់ហើយសម្ដែងធ្វើជាល្អគឺគ្រាន់តែដើម្បីផលប្រយោជន៍ប៉ុណ្ណោះ។ ពួកគេមិនបណ្ដោយខ្លួនឱ្យរងទុក្ខ ឬខាតបង់ផលប្រយោជន៍ឡើយ ដូច្នេះនៅពេលមានឧបសគ្គគេច្បាស់ជារំដោះយករួចខ្លួនមិនខាន។
២. មនុស្សលួចចាក់ក្រោយខ្នង
មិត្តមួយចំនួនបានសម្ដែងធ្វើជាល្អ យកចិត្តទុកដាក់ ស្របតាម និងមិនដែលជំទាស់គំនិតយើងឡើយ។ ប៉ុន្តែពេលនៅក្រោយខ្នងបែរជានិយាយប្រមាថ និងបង្កាច់បង្ខូចយើងទៅវិញ។ ដូច្នេះហើយពេលខ្លះយើងអាចសង្កេតឃើញហេតុអ្វីបានជាមនុស្សជុំវិញខ្លួនចាប់ផ្ដើមប្លែក មិនចង់និយាយរក ឬធ្វើមិនស្គាល់យើងជាដើម។
៣. មនុស្សអាត្មានិយម

មនុស្សយើងបើទោះបីជាខំសម្ដែងយ៉ាងណាក៏មិនអាចបិទបាំងភាពអាត្មានិយមបានដែរ។ មនុស្សបែបនេះនឹងមិនអនុញ្ញាតឱ្យអ្នកណាម្នាក់ទាញយកផលប្រយោជន៍បានឡើយ។ ជាពិសេសពួកគេនឹងព្យាយាមរកលេសគ្រប់បែបយ៉ាងនៅពេលដែលយើងត្រូវការជំនួយ។
៤. មនុស្សមាត់ខុសពីចិត្ត
មនុស្សមួយចំនួនមិនបានពេញចិត្តនឹងមិត្តរបស់ខ្លួនពូកែជាងនោះទេមិនថាស្និទ្ធស្នាលប៉ុណ្ណាក៏ដោយ។ ពេលខ្លះមាត់គេនិយាយសរសើរធ្វើដូចជាមិនអី ប៉ុន្តែក្នុងចិត្តពោរពេញដោយភ្លើងច្រណែន។ ជាមួយគ្នានេះ មនុស្សបែបនេះនឹងសប្បាយចិត្តកាន់តែខ្លាំងនៅពេលឃើញយើងតូចទាបជាងពួកគេ។
ប្រសិនបើយើងស្គាល់មនុស្សប្រភេទទាំង ៤ ខាងលើគួរតែនៅតែឆ្ងាយព្រោះជីវិតយើងមានដប់ឆ្នាំមិនច្រើនដងឡើយ។ ដូច្នេះយើងត្រូវរស់នៅក្នុងជីវិតមួយជារបស់ខ្លួនឯងដែលមានតែភាពស្រស់ស្រាយ និងរីករាយ៕






















Account
Security
Favourite Content