រវាងប្រជាជនជប៉ុន និងប្រជាជនកូរ៉េខាងត្បូង តើអ្នកណាមានជាង

តើអ្នកធ្លាប់សង្ស័យទេថា ហេតុអ្វីបានជាម៉ាកយីហោដ៏ល្បីដូចជា Samsung ឈានជើងមកលេចធ្លោស្មើនឹងប្រេនល្បីៗរបស់ជប៉ុនដែរ? ហេតុអ្វីបានជាតារាកូរ៉េទាក់ទាញចំណាប់អារម្មណ៍ទស្សនិកជនទូទាំងពិភពលោកបានច្រើនជាងតារាជប៉ុន? ថ្ងៃនេះ AMS នឹងបកស្រាយ !

$45,274 គឺជា GDPរបស់ប្រជាជនកូរ៉េខាងត្បូងម្នាក់ៗ បើគិតពីការចំណាយក្នុងជីវិតរស់នៅរបស់ប្រជាជនកូរ៉េខាងត្បូង (GDP PPP) ក្នុងឆ្នាំ ២០២០ ខណៈពេលដែលប្រជាជនជប៉ុនត្រឹមតែ $42,390។ កម្រិត GDP សម្រាប់មនុស្សម្នាក់តាមការចំណាយប្រចាំថ្ងៃ កូរ៉េខាងត្បូងបានវ៉ាដាច់ជប៉ុនតាំងពីឆ្នាំ ២០១៨ ម្ល៉េះ។ បើនិយាយឱ្យស្រួលស្តាប់ ប្រជាជនកូរ៉េខាងត្បូងមានជាងជប៉ុនជាង ៣ ឆ្នាំហើយ ទាំងដែលកាលពីឆ្នាំ ២០០០ ឬជាង ២០ ឆ្នាំមុន GDP របស់មនុស្សម្នាក់របស់កូរ៉េខាងត្បូងទាបជាង GDP ក្នុងម្នាក់របស់ប្រជាជនជប៉ុនជាង ៥០%។

តើអ្វីទៅដែលធ្វើឱ្យប្រទេសដែលធ្លាប់តែដើរតាមពីក្រោយជប៉ុនស្ទើរតែគ្រប់យ៉ាង អាចក្លាយជាអ្នកមានវ៉ាដាច់ជប៉ុនបានបែបនេះ?

បើត្រឡប់ទៅមើលប្រវត្តិសាស្ត្រ ទំនាក់ទំនងរវាងដែនដីទាំងពីរនេះពោរពេញទៅដោយភាពមិនចុះសម្រុងគ្នា។ ឧបទ្វីបកូរ៉េត្រូវបានជប៉ុនកាន់កាប់តាំងពីសង្គ្រាមលោកលើកទី ២ រួមទាំងការគាបសង្កត់ច្រើនយ៉ាងទៀតដូចជា ហាមបង្រៀនភាសាកូរ៉េតាមសាលា មនុស្សប្រុសត្រូវបានជ្រើសរើសឱ្យធ្វើកម្លាំងពលកម្ម ស្រ្តីត្រូវបានបៀតបៀនផ្លូវភេទ… រឿងរ៉ាវទាំងអស់នេះបានធ្វើឱ្យប្រជាជនកូរ៉េខាងត្បូងមានអារម្មណ៍ឈឺចាប់មកដល់បច្ចុប្បន្ននេះ។ បន្ទាប់ពីសង្គ្រាមលោកលើកទី ២ បានបញ្ចប់ទៅ សង្គ្រាមកូរ៉េដែលមានមូលហេតុមកពីការទាស់ទែងរបស់ប្រទេសផ្សេងបានមកដាក់បន្ទុកលើឧបទ្វីបកូរ៉េរហូតដល់ត្រូវបែងចែកជា ២ ប្រទេស រហូតក្លាយជាប្រទេសកូរ៉េខាងត្បូងដ៏ទុរគតដោយសារសង្គ្រាម។ វិស័យឧស្សាហកម្មត្រូវបានបំផ្លិចបំផ្លាញគ្មានសល់ ហើយក្លាយជាប្រទេសមួយស្ថិតក្នុងចំណោមប្រទេសដែលក្រីក្របំផុតលើពិភពលោក។ ជោគវាសនារបស់ប្រទេសកូរ៉េខាងត្បូង បញ្ច្រាសពីជប៉ុន ដែលអាចក្រោកឡើងបន្ទាប់ពីដួលរលំដោយសារសង្គ្រាមរហូតបានក្លាយជាប្រទេសឧស្សាហកម្មនាំមុខ ហើយឈានមកជាប្រទេសមហាអំណាចខាងសេដ្ឋកិច្ចលំដាប់ទី ២ លើពិភពលោកក្នុងទសវត្ស ១៩៩០។

ភាពជោគជ័យខាងសេដ្ឋកិច្ចរបស់ជប៉ុន បានក្លាយជាគំរូឱ្យកូរ៉េខាងត្បូងដើរតាម ទាំងការអភិវឌ្ឍសេដ្ឋកិច្ចធុនធ្ងន់ក្នុងប្រទេស ជាពិសេសឧស្សាហកម្មដែក នាវា រថយន្ត និងផលិតផលអេឡិចត្រូនិក។ តែក្រៅពីជាគំរូ ជប៉ុនក៏ជាដៃគូប្រកួតប្រជែងដ៏សំខាន់ដែលកូរ៉េខាងត្បូងចង់អភិវឌ្ឍសេដ្ឋកិច្ចនាំមុខឱ្យបានដែរ។ ឆ្នាំ ២០០០ ប្រជាជនកូរ៉េខាងត្បូងម្នាក់មាន GDP (PPP) $18,538 ខណៈពេលដែលជប៉ុនមានរហូតដល់ $27,287។ តែមកដល់ថ្ងៃនេះ កូរ៉េខាងត្បូងមាន GDP ខ្ពស់ជាងជប៉ុនហើយ។

ក្រៅពីនេះ កូរ៉េខាងត្បូងត្រូវបានចាត់ទុកជាប្រទេសដែលមានសេដ្ឋកិច្ចច្នៃប្រឌិត (Innovation)លំដាប់ទី ១ លើលោក។ បើយោងតាមការចំណាត់ថ្នាក់សន្ទស្សន៍ភាពច្នៃប្រឌិតរបស់ Bloomberg ក្នុងឆ្នាំ ២០២១ កូរ៉េខាងត្បូងបាននាំមុខជប៉ុនដែលស្ថិតនៅលំដាប់ទី ១២ បានឆ្ងាយណាស់។ កូរ៉េខាងត្បូងបានក្លាយជាប្រទេសដែលមានភាពលេចធ្លោខាង ប៉ាតង់ ការបន្ថែមតម្លៃទិន្នផល រួមទាំងការស្រាវជ្រាវនិងអភិវឌ្ឍ ដែលកូរ៉េខាងត្បូងបានចំណាយថវិកាច្រើនខ្លាំងណាស់ ឬ ៤.៥% នៃ GDP លំដាប់ទី ២ លើលោកបន្ទាប់ពីប្រទេសអ៊ីស្រាអែល។ កូរ៉េខាងត្បូងមានក្រុមហ៊ុន Start Up ដែលជា Unicorn (ក្រុមហ៊ុនដែលមានតម្លៃជាងមួយពាន់លានដុល្លារអាមេរិក) ដល់ទៅ ១៤ ក្រុមហ៊ុន នេះច្រើនជាងជប៉ុនចំនួន ២ ដង (៧ ក្រុមហ៊ុន)។

យុទ្ធសាស្ត្រដែលធ្វើឱ្យកូរ៉េខាងត្បូងអភិវឌ្ឍនាំមុខជប៉ុនបានគឺ ការធ្វើផែនការអភិវឌ្ឍន៍ជាប្រព័ន្ធពីលើចុះក្រោម។ មានន័យថា ដឹកនាំដោយភ្នាក់ងាររដ្ឋាភិបាលសហការជាមួយស្ថាប័នអប់រំ និងវិស័យឯកជនយ៉ាងស្អិតល្មួតដើម្បីផ្លាស់ខ្លួនពីឧស្សាហកម្មការផលិតទៅជាវិស័យសេវាកម្មដែលពោរពេញទៅដោយការច្នៃប្រឌិតនាពេលអនាគត។

ក្នុងការអភិវឌ្ឍន៍សេដ្ឋកិច្ចរបស់កូរ៉េខាងត្បូងមានចំណុចសំខាន់ ៣ ប្រការគឺ

#១. រៀបចំហេដ្ឋារចនាសម្ព័ន្ធផ្នែក IT ហើយពង្រីកដល់ឧស្សាហកម្មដែលពាក់ព័ន្ធ៖

ការផ្តល់សេវាកម្មផ្នែករដ្ឋដល់ប្រជាជនកូរ៉េខាងត្បូងបានផ្តល់តាមរយៈ IT តាំងពីទសវត្ស ១៩៨០។ បន្ទាប់មកទៀត មានការផ្តល់ជូនអ៊ីនធឺណិតដល់គ្រប់សាលារៀនទូទាំងប្រទេស និងសេវាកម្មអនឡាញបែបពេញលេញដល់ប្រជាជនក្នុងឆ្នាំ ២០០០។ ការមានហេដ្ឋារចនាសម្ព័ន្ធបច្ចេកវិទ្យាដ៏រឹងមាំបែបនេះបានធ្វើឱ្យកូរ៉េខាងត្បូងក្លាយជាប្រទេសដែលមានអ្នកប្រើប្រាស់អ៊ីនធឺណិតច្រើនជាងគេលើលោកតាំងពីឆ្នាំ ២០០១, មានអ្នកប្រើអ៊ីនធឺណិតច្រើនជាង ៥៧% នៃប្រជាជនសរុប ខណៈពេលដែលជប៉ុនមានត្រឹមតែ ៣៩%។ ក្នុងឆ្នាំ ២០២១ កូរ៉េខាងត្បូងជាប្រទេសមានអ៊ីនធឺណិតទូរស័ព្ទល្បឿនលឿនលំដាប់ទី ២ លើលោក។ នេះជាមូលហេតុដែលកូរ៉េខាងត្បូងអាចប្រើប្រាស់បច្ចេកវិទ្យាបានស្ទើរតែគ្រប់វិស័យមិនថា ការដឹកជញ្ជូន ហិរញ្ញវត្ថុ ការកម្សាន្ត ឧស្សាហកម្មសាងសង់ រហូតដល់វិស័យសុខាភិបាល។ នៅពេលពិភពលោកដើរដល់យុគសម័យ Digitalization កូរ៉េខាងត្បូងអាចសម្របខ្លួនបានយ៉ាងរហ័សដូចជា អ៊ីនធឺណិតល្បឿន 5G ការអភិវឌ្ឍន៍ IoT (Internet of Things) រួមទាំងពិភព Metaverse ដែលនឹងកើតឡើងនាពេលអនាគត។

#២. ការអភិវឌ្ឍន៍តួផលិតផល និងសេវាកម្មឱ្យវាយលុកទីផ្សារបានទូទាំងពិភពលោក៖

កូរ៉េខាងត្បូងមានប្រជាជនត្រឹមតែ ៥០ លាននាក់ ដូច្នេះហើយទីផ្សារក្នុងប្រទេសតូចជាងជប៉ុន (មានប្រជាជន ១២០ លាននាក់)។ ដើម្បីពង្រីកទីផ្សារបាន កូរ៉េខាងត្បូងទើបព្យាយាមផលិត និងបម្រើសេវាកម្មដែលអាចតបស្នងតម្រូវការមនុស្សបានទូទាំងពិភពលោក។ ប្រទេសនេះត្រូវពឹងពាក់លើការធ្វើពាណិជ្ជកម្មអន្តរជាតិដល់ទៅ 70% នៃ GDP ច្រើនជាងជប៉ុន ២ ដង (35% នៃ GDP)។ បើនិយាយពីផលិតផលជប៉ុនវិញភាគច្រើនជាផលិតផលអេឡិចត្រូនិកដែលផ្តោតសំខាន់ទៅលើគុណភាព និងមុខងារការប្រើប្រាស់ដែលហួសពីភាពចាំបាច់របស់អតិថិជន។ នេះជាមូលហេតុធ្វើឱ្យទំនិញរបស់ជប៉ុនមានតម្លៃថ្លៃ។ ទន្ទឹមនឹងនេះ ផលិតផលរបស់ជប៉ុនក៏មានភាពខ្វះខាតទៅលើការឌីហ្សាញ ភាពងាយស្រួលក្នុងការប្រើប្រាស់ និងការប្រាស្រ័យទាក់ទងជាមួយអ្នកប្រើប្រាស់។ ផ្ទុយស្រឡះពីផលិតផលអេឡិចត្រូនិករបស់កូរ៉េខាងត្បូងដែលមានតម្លៃសមរម្យ អតិថិជនគ្រប់លំដាប់ថ្នាក់អាចទិញបាន ទើបគេអាចគ្រប់គ្រងដើមទុនបានយ៉ាងល្អ។ ជ្រើសរើសតែមុខងារដែលចាំបាច់ ផ្ដោតលើភាពស្រស់ស្អាត និងធ្វើទីផ្សារដែលចូលទៅដល់អតិថិជនបាន។ ផលិតផលដែលឃើញជាក់ស្ដែងគឺ ភាពរីកចម្រើនរបស់ Samsung ក្លាយជាក្រុមហ៊ុនផលិតផលឧបករណ៍អេឡិចត្រូនិកធំជាងគេនៅទ្វីបអាស៊ី។

ចំពោះឧស្សាហកម្មការកម្សាន្តរបស់ជប៉ុនផ្ដោតលើទីផ្សារក្នុងស្រុកជាចម្បង ខុសពីកូរ៉េខាងត្បូងដែលមានគោលបំណងច្បាស់លាស់ក្នុងការវាយលុកទីផ្សារពិភពលោក។ កន្លងមកមានការបង្កើតមជ្ឈមណ្ឌលវប្បធម៌កូរ៉េជាង ៣៣ ប្រទេសលើលោកដើម្បីផ្សព្វផ្សាយវប្បធម៌គ្រប់ទម្រង់ទាំង រឿងភាគកូរ៉េដែលបកប្រែជាភាសាផ្សេងៗ មានពេលវេលាចាក់បញ្ចាំង និងរៀបចំឆាកឱ្យស៊ីគ្នានឹងវប្បធម៌របស់ប្រទេសដែលនឹងទៅចាក់បញ្ចាំង រួមទាំងការបង្កើតក្រុមតន្ត្រីដែលមានសមាជិកជាជនបរទេសដើម្បីទាក់ទាញអ្នកគាំទ្រពីប្រទេសរបស់ពួកគេ ដូចជា Lisa ក្នុងក្រុម Blackpink ជាដើម។ វិស័យកម្សាន្តរបស់កូរ៉េបានរីករាលដាលទូទាំងពិភពលោក ហើយបើកផ្លូវឱ្យវប្បធម៌ផ្សេងៗទៀតរបស់កូរ៉េដូចជា អាហារ គ្រឿងសម្អាង និងការតុបតែងខ្លួនបានខ្ទរខ្ទារដែរ។

#៣. ទម្លាប់រហ័សរហួន និងមានការប្រកួតប្រជែង៖

កូរ៉េខាងត្បូងមានវប្បធម៌មួយហៅថា ប៉ាល់លីៗ ឬបកប្រែជាខ្មែរមានន័យថា លឿនៗ។ វប្បធម៌នេះបង្ហាញឱ្យឃើញថាប្រជាជនកូរ៉េមិនចូលចិត្តការរង់ចាំ គ្រប់យ៉ាងត្រូវតែរហ័ស។ វាបានឆ្លុះបញ្ចាំងឱ្យឃើញនូវវិស័យផ្សេងទៀតតាំងពីវិស័យធុរកិច្ច និងការអភិវឌ្ឍន៍ប្រទេសដូចជា សេវាកម្មដឹកទំនិញរហ័ស សេវាកម្មអ៊ីនធឺណិតល្បឿនលឿន សេវាកម្មក្រោយពេលលក់ផលិតផលអេឡិចត្រូនិច រួមទាំងសេវាកម្មសាងសង់ ការអភិវឌ្ឍន៍ឧស្សាហកម្ម Semi Conductor តាមរយៈការសិក្សាបច្ចេកវិទ្យាពីប្រទេសផ្សេងៗ។ នៅពេលដែលជប៉ុនសិក្សាស្វែងយល់ និងបង្កើតបច្ចេកវិទ្យាដោយខ្លួនឯង ដែលត្រូវប្រើពេលវេលាយូរជាង។ ភាពជោគជ័យរបស់ Samsung ដែលបានក្លាយជាក្រុមហ៊ុន Semi Conductor នាំមុខគេលើលោក ក៏ដោយសារតែភាពរហ័សរហួននេះដែរ។ បើវិភាគមួយជ្រុងទៀត វប្បធម៌រហ័សរហួនរបស់កូរ៉េខាងត្បូងក៏ជាការដាក់សម្ពាធទៅលើប្រជាជនមិនតិចដែរ។ ពួកគេត្រូវធ្វើការច្រើនដើម្បីជីវភាពប្រសើរឡើងលឿនៗ រៀនច្រើន តារាល្បីៗក៏ត្រូវហាត់សមច្រើន។ ភាពប្រកួតប្រជែងដ៏ខ្លាំងក្លានៅក្នុងប្រទេស ធ្វើឱ្យប្រជាជនកូរ៉េមានភាពហត់នឿយក្នុងជីវិត រហូតដល់យុវជនជំនាន់ថ្មីហៅប្រទេសខ្លួនឯងថា Hell Joseon ឬនរកឆូសន់។

យ៉ាងណាក៏ដោយ នៅពេលដែល GDP កូរ៉េខាងត្បូងវ៉ាដាច់ជប៉ុននៅឆ្នាំ ២០១៨ សង្គមកូរ៉េក៏ជួបប្រទះនឹងបញ្ហាមិនខុសពីជប៉ុនដែរ។ នោះគឺ អត្រាកំណើតទាបបំផុតលើលោក មនុស្សចាស់កើនឡើងជារឿយៗ កង្វះកម្លាំងពលកម្មដោយសារអត្រាកំណើតទាប។ បញ្ហានេះហើយគឺជាកត្តាសំខាន់ដែលធ្វើឱ្យសេដ្ឋកិច្ចរីកចម្រើនយឺត ឬស្ទើរតែនៅមួយកន្លែង ដែលបើកឱកាសឱ្យកូរ៉េខាងត្បូងអភិវឌ្ឍសេដ្ឋកិច្ចលើវិស័យផ្សេងៗ រហូតមានជាងជប៉ុននៅទីបំផុត។ ភាពជោគជ័យរបស់ជប៉ុនជាមេរៀនដែលកូរ៉េខាងត្បូងប្រើជាមេរៀនរហូតមក។ ទោះជាយ៉ាងណាក៏ដោយ យើងត្រូវតាមដានបន្តទៀតថាសេដ្ឋកិច្ចកូរ៉េខាងត្បូងនឹងដើរទៅមុខក្នុងទិសដៅបែបណា៕

លោក ស្វាយ វ៉ាន់ថន | Mr. Svay Vanthan

មានបទពិសោធន៍ច្រើនឆ្នាំ ក្នុងការងារជាអ្នកផលិតមាតិកា និងការីនិពន្ធនៅក្រុមហ៊ុនប្រព័ន្ធផ្សព្វផ្សាយក្នុងស្រុករួមមានវិបសាយ ទូរទស្សន៍ ទស្សនាវដ្ដី និងមាតិកាបណ្ដាញសង្គមនានា។ បច្ចុប្បន្ន វ៉ាន់ថន ជាការីនិពន្ធនៃ AMS Infotainment។

របាយការណ៍ថ្មីៗ

មើលទាំងអស់ ➧

សូម៉ា របស់ផលិតកម្ម Wonder Film សរសេររឿងតាំងពី ២០១២ និងប្រើពេលថតជាង២ ឆ្នាំ ទីបំផុតបានចេញបញ្ចាំងហើយ

បទយកការណ៍, ព័ត៌មាន, ព្រឹត្តិការណ៍, ភាពយន្តនិងតន្រ្តី, ភាពយន្តនិងតន្រ្តី, របាយការណ៍ព័ត៌មានកម្សាន្ត

• 07/10/2026

ភាពយន្ត sci-fi ដែលកូនខ្មែរបានផលិតត្រូវបានត្រួតពិនិត្យ និងធ្លាប់ទទួលបានការគាំទ្រផ្ទាល់ពីសំណាក់ក្រសួងវប្បធម៌ និងវិចិត្រសិល្បៈបានចេញលិខិតសរសើរ

រដូវភ្លៀងមកដល់ អ្នកមានកូនតូច អាចប្រើប្រាស់វិធីសាស្រ្តទាំង ៥នេះ ដេញមូសបានតាមបែបធម្មជាតិ

បំណិនជីវិត, បទយកការណ៍, សុខភាពនិងសម្រស់

• 09/04/2026

ត្រឹម ២០២៥ មួយឆ្នាំ G-Dragon រកចំណូលបានជាង ៤៤ លានដុល្លារ

បទយកការណ៍, ព័ត៌មានកម្សាន្ត, របាយការណ៍ព័ត៌មានកម្សាន្ត

• 08/04/2026

យោងតាមរបាយការណ៍របស់ក្រុមហ៊ុន Galaxy Corporation បានបង្ហាញថា កាលវិលត្រឡប់មកក្នុងវិស័យខេប៉ុបជាថ្មីរបស់ G-Dragon អាចបង្កើតចំណូលឱ្យតារាប្រុសរូបនេះយ៉ាងហោចណាស់ ៦៥ ប៊ីលានវ៉ុន ឬ ៤៤លាន

ពេលវេលាទាំង ៥ ដែលអ្នកមិនគួរងូតទឹក ព្រោះអាចមានផលប៉ះពាល់ដល់សុខភាព

បំណិនជីវិត, បទយកការណ៍, សុខភាពនិងសម្រស់

• 10/03/2026

មកស្គាល់តារា K-pop ដើមកំណើតជាជនជាតិចិនទាំង ៩រូប ល្បីល្បាញលំដាប់ពិភពលោក

បទយកការណ៍, ព័ត៌មានកម្សាន្ត, របាយការណ៍ព័ត៌មានកម្សាន្ត

• 19/08/2025

កុំជឿពាក្យមនុស្សប្រុសបោក បើមាត់និយាយថាស្រឡាញ់តែមិនបង្ហាញទង្វើទាំង ៥ នេះ

បទយកការណ៍, របាយការណ៍រសនិយម, ស្នេហានិងទំនាក់ទំនង

• 19/08/2025

សមនឹងកេរ្តិ៍ឈ្មោះមែន! តារាចម្រៀង ៨ រូបនេះ ជាសេដ្ឋីនីសម្បូរទ្រព្យសម្បត្តិច្រើនបំផុតលើពិភពលោក

បទយកការណ៍, ព័ត៌មានកម្សាន្ត, របាយការណ៍ព័ត៌មានកម្សាន្ត

• 19/08/2025

មានហេតុផលបែបនេះទើបក្រុមហ៊ុននីមួយៗហាមប្រាមមិនឱ្យតារាខេប៉ុបមានស្នេហា

បទយកការណ៍, ព័ត៌មានកម្សាន្ត, របាយការណ៍ព័ត៌មានកម្សាន្ត

• 14/08/2025

អត្ថបទកម្សាន្ត

មើលទាំងអស់ ➧

មិនថានៅ ញ៉ូវយ៉ក Fashion Week និង ប៉ារីស Fashion Week ឈុត ALmée Couture ទទួលបានការកោតសរសើរខ្លាំង

ព័ត៌មាន, ព័ត៌មានកម្សាន្ត, ព្រឹត្តិការណ៍

• 14/10/2026

ព្រឹត្តិការណ៍ Fashion Week លំដាប់ពិភពលោកឆ្នាំនេះ ក៏មានប្រេនកម្ពុជាដែលល្បីខាងសម្លៀកបំពាក់ Couture ចូលរួមបង្ហាញលើ Runway ដ៏អស្ចារ្យ ២ នោះគឺ New York F

ដូចរឿងភាគ AI! បុរសជនជាតិចិនម្នាក់រៀបការជាមួយអូន និងរៀបចំពិធីបង្កក់កូន ១០០ ថ្ងៃជាមួយគេនៅថ្ងៃតែមួយទីតាំងតែមួយ

ព័ត៌មាន, ព័ត៌មានប្លែកៗ, ព្រឹត្តិការណ៍

• 14/10/2026

បុរសម្នាក់នៅក្នុងខេត្ត Guizhou ប្រទេសចិនបានបង្កឱ្យមានភាពចម្រូងចម្រាស បន្ទាប់ពីលោកបានរៀបចំពិធីមង្គលការ និងពិធីអបអរសាទរខួប ១០០ថ្ងៃ កូនរបស់លោកជាមួយស្ត្រីម្នាក់ទៀត

ឆ្ងាញ់មិនគិតនាំហានិភ័យដល់ជីវិត! គ្រោះថ្នាក់នៃការបរិភោគសាច់ឆ្កែ សូម្បីតែអង្គការសុខភាពពិភពលោកក៏ធ្លាប់ព្រមានច្រើនដង

ព័ត៌មាន, ព័ត៌មានរសនិយម, ព្រឹត្តិការណ៍, សុខភាពនិងសម្រស់

• 13/10/2026

ពីមាត់មួយទៅមាត់គេច្រើនតែលើកឡើងថាការទទួលទានសាច់ឆ្កែនឹងជួយបង្កើនកម្ដៅដល់រាងកាយ បំបាត់ភាពត្រជាក់ ឬជាថ្នាំប៉ូវកម្លាំងជាដើម។

ខ្សែភាពយន្តឯកសារ «LOOT: ការវិលត្រឡប់មកវិញនូវរតនសម្បត្តិវត្ថុកម្ពុជា» ត្រៀមចាក់បញ្ចាំងនៅតាមរោងភាពយន្តទូទាំងប្រទេសកម្ពុជា ចាប់ពីថ្ងៃទី១៦ ខែតុលា ឆ្នាំ២០២៦

ព័ត៌មាន, ព័ត៌មានកម្សាន្ត, ព្រឹត្តិការណ៍

• 13/10/2026

ខ្សែភាពយន្តឯកសារកម្រិតអន្តរជាតិ “LOOT” ដែលលាតត្រដាងពីបញ្តាញឧក្រិដ្ឋកម្មជួញដូរវត្ថុបុរាណខ្មែរជាសកល ដោយខុសច្បាប់ពីសំណាក់ជនបរទេស ត្រូវ

សម្ពាធសេដ្ឋកិច្ច និង AI ធ្វើឱ្យទីផ្សារការងារសម្រាប់និស្សិតទើបបញ្ចប់ការសិក្សានៅចក្រភពអង់គ្លេសធ្លាក់ចុះដល់កម្រិតទាបបំផុត

ព័ត៌មាន, ព័ត៌មានសង្គម, ព្រឹត្តិការណ៍

• 08/10/2026

និស្សិតបញ្ចប់ការសិក្សានៅចក្រភពអង់គ្លេសកំពុងប្រឈមមុខនឹងទីផ្សារការងារដែលចង្អៀតជាងមុន ដោយសារកាលពីខែ កក្កដា កន្លងទៅ ការផ្សព្វផ្សាយស្វែងរកបុគ្គលិកសម្រាប់និស្សិតទើប

អាវល្ខោន (អាវណយ) ឯកសណ្ឋានហាត់សម របស់នាដកាខ្មែរ តាំងពីបុរាណ ដល់បច្ចុប្បន្ន

ព័ត៌មាន, ព្រឹត្តិការណ៍, វប្បធម៌ ប្រពៃណី

• 08/10/2026

កម្ពុជា ជាប្រទេសដែលមានវប្បធម៌វ័យចំណាស់មួយនៅអាស៊ីអាគ្នេយ៍ ក្នុងសម្លៀកបំពាក់ក៏ខ្មែរ មានភាពច្នៃប្រតិដ្ឋខ្ពស់ ហើយបន្សល់ទុកដល់កូនចៅជំនាន់ក្រោយ

ប្រូម៉ូសិនអស់ស្ទះ! ហាងសម្លៀកបំពាក់និងស្បែកជើងកីឡា SKOR CAMBODIA បញ្ចុះតម្លៃរហូតដល់ ៧០%

ព័ត៌មាន, ព័ត៌មានកម្សាន្ត, ព្រឹត្តិការណ៍

• 08/10/2026

ប្រូមូសិនពិសេសមិនធ្លាប់មាន ហាងលក់ទំនិញកីឡា និងសម្លៀកបំពាក់ Multi-Brand សុទ្ធ ១០០% SKOR Cambodia ប្រកាសរៀបចំកម្មវិធី Year End Sale ដោយមានការបញ្ចុះតម្លៃរហូតដល់ ៧០% លើទំនិញ Original ជាច្រើននៅក្នុងហាង។ អតិជន SKOR ទាំងអស់

ប៉ូលីសហុងកុងបើកការស៊ើបអង្កេតភ្លាមៗលើករណីក្មេងស្រីអាយុ ១០ ឆ្នាំយួរថង់ស្រាបៀរ

ព័ត៌មាន, ព័ត៌មានប្លែកៗ, ព្រឹត្តិការណ៍

• 07/10/2026

យោងតាមសារព័ត៌មាន South China Morning Post ប៉ូលីសហុងកុងទទួលបានការរាយការណ៍កាលពីម្សិលមិញអំពីក្មេងស្រីម្នាក់កំពុងស្លៀកឯកសណ្ឋានសាលាហើ

• 07/10/2026

ពិធីជួបសំណេះសំណាល ដែលសមាគមសិល្បករខ្មែរបានរៀបចំដើម្បីជាការដឹងគុណ វីរសិល្បករ នាឳកាសបុណ្យភ្ជុំ

ព័ត៌មាន, ព័ត៌មានកម្សាន្ត, ព្រឹត្តិការណ៍

• 07/10/2026

ដោយមានស្មារតីលើកកម្ពស់អ្នកសិល្បៈរបស់សំណាក់លោកជំទាវអ្នកឧកញ៉ា ម៉ៅ ចំណាន ព្រមជាមួយលោកជំទាវបណ្ឌិតសភាចារ្យរដ្ឋមន្ត្រីក្រសួងវប្បធម៌ និងវិចិត្រសិល្បៈ សម

កម្មវិធីពិសេសរបស់ AMS INFOTAINMENT

មើលទាំងអស់ ➧

2026

ស្ថាបត្យកម្មសកល

កម្មវិធី ស្ថាបត្យកម្មសកល នឹងនាំទស្សនិកជនមកស្គាល់បណ្ដាសំណង់ប្លែកៗ អស្ចារ្យជុំវិញពិភពលោក និងទទួលបានបទពិសោធន៍ និងមេរៀនដ៏មានតម្លៃពីវិស័យស្ថាបត្យកម្មជុំវិញពិភពលោក។

របាយការណ៍ថ្មីៗ

អត្ថបទកម្សាន្ត

ស្ថាបត្យកម្មសកល

Learn The World

ជ្រុងមួយនៃភ្នំពេញ

ក្លឹបស្នេហ៍

មេនាំរឿង

អាថ៌កំបាំងក្រោមមេឃ

អូនខ្លាច

កម្សាន្តខ្លីៗ

រឿងពិត

តាមចិត្ត MoMo

ភាពយន្តកំប្លែង Cicada Agent

ព្រះនាងកង្កែប

វនយាត្រា

កាឡៃម៉ូដ

ចង់ដឹងរឿងគេ

ប្រអប់បៃតង

១នាទីដើម្បីសុខភាព និងសម្រស់

Studio 11

អផ្សុក

ពិតអត់

រឿង ៤យ៉ាងដែលអ្នកគួររៀនមុនឈានចូលអាយុ ២៥

រឿង ៥ យ៉ាងក្នុងជីវិត ដែលអ្នកគួរទុកជាអាថ៌កំបាំង

ប្រសិនបើគេងឧស្សាហ៍ភ្ញាក់ម៉ោង ៣-៥យប់ មានន័យបែបនេះ

គេងភ្លាមៗ បន្ទាប់ពីរៀនរួចជួយឲ្យអ្នកចាំអ្វីដែលអ្នកបានរៀននោះបានល្អ

លើលោកនេះកម្រមានគូស្នេហ៍ណា ចរិតដូចគ្នាបេះដាក់ណាស់

ស្រីៗប្រញាប់កែទម្លាប់ទាំងនេះភ្លាម បើមិនចង់ជួបសំណាងអាក្រក់ក្នុងជីវិត

ទើបតែវ័យ ២០ ឆ្នាំទេ មានរឿងអីដែលត្រូវខ្លាច?

ថែបំប៉នស្បែកឲ្យភ្លឺថ្លា និងក្មេងជាងវ័យ ត្រូវគិតដល់បន្លែ ៥ មុខនេះ

ហេតុផល ៧ រារាំងអ្នកមិនឲ្យក្លាយជាអ្នកមាន ម្នាក់ៗប្រព្រឹត្តចំណុចទី១,២ និង៣ ច្រើន

អាថ៌កំបាំងធំៗក្នុងជីវិតអាពាហ៍ពិពាហ៍ អ្នកគួរតែដឹងជាមុន!

មិនធម្មតា! តារាខេប៉ុបល្បីៗ ៧ ដួងហ្វឹកហាត់រយៈពេលខ្លីខ្លាំងតែមានសមត្ថភាពត្រូវក្រុមហ៊ុនជ្រើសឱ្យចេញច្រៀង

ត្រឹម ១ ខែ! ងាយៗ ៣ វិធីស្រកទម្ងន់ ៨ គីឡូពីអតីតសមាជិកក្រុម Sistar