ព័ត៌មានកម្សាន្តប្លែកៗ
រសនិយម
តន្រ្តី
ភាពយន្ត
មាតិកាឌីជីថល
បើកសោជីវិត
ចង់ដឹងរឿងគេ
វនយាត្រា
Cicada Agent
ព្រះនាងកង្កែប
បើនិយាយដល់ក្រុមតារាចម្រៀងខេប៉ុបទាំងអស់ យើងមិនអាចរំលងនូវក្រុមតារាចម្រៀងស្រី TWICE បានឡើយ។ ថ្មីៗនេះផងដែរ ក្រុមតារាចម្រៀងស្រីដែលមានសមាជិក ៩ នាក់មួយនេះទើបបានបញ្ចេញ Mini album ហើយក៏បានហក់ឡើងដល់កំពុងតារាង Billboard 200 List ផងដែរ។
ក្នុងនាមជាមនុស្សស្រី ក្រៅពីសមត្ថភាពខ្លាំងពូកែខាងផ្នែកសិល្បៈហើយ សមាជិកនីមួយៗក្រុមចម្រៀង TWICE ក៏មានរូបសម្ផស្សស្រស់សោភាផងដែរ។ ដូច្នេះឆ្លៀតឱកាសនេះយើងនឹងចែករំលែកនូវគន្លឹះខ្លះៗដើម្បីថែរក្សាសម្រស់តាំងពីក្បាលដល់ចុងជើងរបស់ក្រុមចម្រៀង TWICE បើទោះបីជារវល់យ៉ាងណាក៏ដោយដូចខាងក្រោម៖
១. យកចិត្តទុកដាក់លើការសម្អាតស្បែក
ដោយសារតែ TWICE តែងតែមានកាលវិភាគមមាញឹកមែនទែនទើបតម្រូវឱ្យមានយកចិត្តទុកដាក់លើកការថែរក្សាស្បែកជាពិសេស។ ជាក់ស្ដែងដូចជា Nayeon និង Jeongyeon គឺអ្នកទាំងពីរមិនដែលប្រើកន្សែងពោះគោជូតមុខក្រោយលាងសម្អាតនោះទេព្រោះវាអាចចម្លងមេរោគផ្សេងៗចូលស្បែកមុខ ហើយកកើតឡើងជាមុនបានយ៉ាងងាយ។ ចំពោះការលាងសម្អាតស្បែកនេះ ពួកនាងបានជ្រើសរើសប្រភេទសាប៊ូ និងឧបករណ៍លាងសម្អាងតាមប្រភេទស្បែករបស់ខ្លួន។
២. ការផ្ដល់សំណើមជារឿងសំខាន់បំផុត
មិនមានអ្វីជាចម្ងល់ដែលក្រុមតារាចម្រៀងដ៏ល្បីល្បាញមួយនេះតែងតែធ្វើការផាត់មុខស្ទើរពេញមួយថ្ងៃជារៀងរាល់ថ្ងៃ បូករួមជាមួយការប្រែប្រួលអាកាសធាតុទៀត ទើបស្បែកងាយនឹងស្ងួត ឡើងរោល និងភាពតានតឹង។ ដូច្នេះការពន្យឺតភាពចាស់ និងផ្ដល់សំណើមឱ្យគ្រប់គ្រាន់គឺដើរតួយ៉ាងសំខាន់ ដើម្បីទទួលស្បែកទន់ ស ម៉ត់រលោង ក៏ដូចជាមានភាពបត់បែនល្អ។ ឧទាហរណ៍ជាក់ស្ដែង Momo តែងតែដាក់ម៉ាសសន្លឹកតាមខ្លួនគ្រប់ទីកន្លែងដើម្បីការពារកុំឱ្យស្ងួត។ ខណៈដែល Dahyun និង Mina តែងញ៉ាំទឹកឱ្យច្រើនដើម្បីឱ្យស្បែកភ្លឺថ្លា។
៣. ផ្ដោតទៅលើផលិតផលដែលមានប្រសិទ្ធភាព
មិនមានអ្វីចម្លែកនោះទេដែលផលិតផលមានប្រសិទ្ធភាពខ្ពស់ត្រូវបានប្រើប្រាស់ និងផ្សព្វផ្សាយដោយតារាកូរ៉េល្បីៗ។ ជាក់ស្ដែងដូចជា Mina សមាជិកក្រុមតារាចម្រៀង TWICE ជាដើម នាងបានប្រើប្រាស់នូវផលិតផលមួយដែលមានសាច់ស្រាលធ្វើឱ្យស្បែកមុខចាប់ផ្ដើមភ្លឺថ្លា មានសំណើម និងទន់រលោងដូចនំម៉ូឈីដែរ។ ដោយសារតែផលិតផលដែលនាងបានប្រើមានប្រសិទ្ធភាពខ្ពស់ ដូច្នេះហើយទើបនាងមិនចាំបាច់ត្រូវផ្លាស់ប្ដូរទៅប្រើផលិតផលផ្សេងនោះទេ។ បន្ថែមលើនេះ Mina ក៏បានប្រើប្រាស់នូវទឹករ៉ែ និងផលិតផលមួយចំនួនទៀតដែលមានរូបមន្ដផ្សំពីធម្មជាតិ ពង្រឹងរបាំងការពារស្បែក ក៏ដូចជាការពារការខូចខាតស្រទាប់ស្បែកផងដែរ។
៤. ជឿជាក់លើស្ទាយតុបតែងខ្លួន
បើទោះបីជាសមាជិកទាំង ៩ នាក់ស្ថិតនៅក្នុងក្រុមតែមួយពិតមែន ប៉ុន្តែពួកនាងមានចំណង់ចំណូលចិត្តក្នុងការតុបតែងខ្លួនផ្សេងៗគ្នា។ Mina ធ្លាប់បានចែករំលែកថានាងចូលចិត្តតុបតែងខ្លួនតាមស្ទាយខុសៗគ្នាអាស្រ័យទៅតាមអារម្មណ៍របស់នាង។ ស្របពេលដែល Dahyun ចូលចិត្តស្លៀកពាក់បែបសាមញ្ញរលុងៗជាមួយស្បែកផ្ទាត់ និងមុខទទេរគ្មានម្សៅ។ នៅក្នុងបទសម្ភាសជាមួយ Allure សមាជិក Chaeyoung បាននិយាយថាខ្លួនចូលចិត្តការតុបតែងបែបបុរាណដែលអ្នកដទៃមិនសូវនិយម តែនាងមិនខ្វល់ពីក្រសែភ្នែកអ្នកផ្សេងឡើយ។ ដូច្នេះតុបតែងខ្លួនតាមចំណង់ចំណូលចិត្តខ្លួននឹងសាងភាពជាខ្លួនឯង និងជឿជាក់លើសម្រស់របស់ខ្លួនផងដែរ។
៥. ត្រូវស្រឡាញ់ខ្លួនឯង
ជាក្រុមតារាចម្រៀងខេប៉ុបដ៏ល្បីគឺត្រូវតែប្រឈមមុខជាមួយភាពតានតឹង និងស្រ្តេសយ៉ាងខ្លាំង។ ហើយតាមការសិក្សាជាច្រើនបានបង្ហាញថាស្រ្តេសនឹងជះឥទ្ធិពលមិនល្អដល់សុខភាពស្បែកឡើយដូចជាមុន ជំងឺសើស្បែកផ្សេងៗ និងជ្រុះសក់ជាដើម។ ដូច្នេះហើយទើបសមាជិក TWICE ម្នាក់ព្យាយាមមិនឱ្យខ្លួនឯងធ្លាក់ចូលស្ថានភាននេះដោយកំណត់នូវកម្រិតភាពតានតឹងរបស់ខ្លួន។ ឧទាហរណ៍ជាក់ស្ដែង Sana មានទំនោរបន្ធូរភាពតានតឹងតាមរយៈក្លិន (aromatherapy) ដោយជ្រើសរើសនូវក្លិនណាដែលអាចធ្វើឱ្យនាងមានអារម្មណ៍ធូរស្រាល។ ស្របពេលដែល Tzuyu ចូលចិត្តស្ដាប់តន្រ្តី និងសរសេរកំណត់ហេតុប្រចាំថ្ងៃដើម្បីបន្ថយស្រ្តេសផងដែរ។
៦. មិនបង្ខំខ្លួនឱ្យចូលក្នុងស្ដង់ដាសម្រស់ដែលមិនសក្ដិសម
សម្រាប់ក្រុមតារាចម្រៀង TWICE តែងតែរក្សានូវការគិតបែបវិជ្ជមាន និងមិនបង្ខិតបង្ខំឱ្យខ្លួនឯងតម្រូវទៅតាមស្ដង់ដាសម្រស់របស់ប្រទេសកូរ៉េខ្លាំងពេកនោះទេ។ ជាក់ស្ដែងសម្រាប់ Nayeon សម្រស់មិនមែនត្រឹមសម្បកក្រៅនោះទេ តែជាភាពជឿជាក់របស់នាង និងការគិតពិចារណាឱ្យបានច្បាស់លាស់ផងដែរ។ ជាមួយគ្នានេះ Dahyun គឺតែងតែផ្ដោតលើភាគស្អាតពីខាងក្នុងទើបជាភាពស្រស់ស្អាតពិតប្រាកដ។ នាងក៏បានបន្ដថាស្នាមញញឹមមិនមែនគ្រាន់តែញញឹមដើម្បីអ្វីមួយនោះទេ តែវាជាការបង្ហាញពីភាពរីករាយពីក្នុងចិត្តមកវិញ។ ប្រសិនបើនាងគិតអវិជ្ជមាននោះវានឹងបង្ហាញឱ្យឃើញលើស្បែកតែម្ដង។ លើសពីនេះ Mina បានរកឃើញស្ដង់ដានៃស្រស់ស្អាតគឺតែងតែផ្លាស់ប្ដូរ ហើយគ្មានអ្នកណាល្អឥតខ្ចោះឡើយ។ ដូច្នេះហើយទើបនាងចូលចិត្តធ្វើអ្វីថ្មី ដេញតាម trend និងស្វែងរកអ្វីដែលនាងចង់ធ្វើផងដែរ៕
Account
Security
Favourite Content