ឱ្យតែនិយាយដល់សណ្ដែកខៀវ មនុស្សជាច្រើនអាចនឹងនឹកឃើញទៅដល់បង្អែមសណ្ដែកខៀវដែលមានរសជាតិឆ្ងាញ់ជាមិនខាន។ មិនតែប៉ុណ្ណោះ សណ្ដែកខៀវក៏ជាបន្លែមួយប្រភេទដែលងាយស្រួលរកទិញ និងមានតម្លៃសមរម្យផងដែរ។ ប៉ុន្តែប្រិយមិត្តមានដឹងអត់ថាការទទួលទានសណ្ដែកខៀវគឺល្អសម្រាប់សុខភាពខ្លាំងមែនទែន។ ថ្ងៃនេះ AMS សូមចែករំលែកពីអត្ថប្រយោជន៍របស់គ្រាប់សណ្ដែកខៀវចំពោះសុខភាព៖
១. កាត់បន្ថយកូឡេស្តេរ៉ូល

សណ្ដែកខៀវមានផ្ទុកនូវជាតិខ្លាញ់ដែលល្អសម្រាប់រាងកាយ និងអាចរួមចំណែកដល់ការបញ្ចុះកម្រិតកូឡេស្តេរ៉ូលក្នុងឈាម។ យោងទៅតាមលទ្ធផលនៃការពិសោធន៍ទៅលើសត្វកណ្ដុរដែលបានស៊ីគ្រាប់សណ្ដែកខៀវបានបង្ហាញថា កម្រិតកូឡេស្តេរ៉ូល និងជាតិខ្លាញ់នៅក្នុងខ្លួនកណ្ដុរបានថយចុះពិតមែន។ មិនតែប៉ុណ្ណោះ សូម្បីតែសារធាតុអាក្រក់ៗមួយចំនួនដែលនៅក្នុងខ្លួនកណ្ដុរក៏ត្រូវបានកាត់បន្ថយដែរ។ លើសពីនេះ សណ្ដែកខៀវក៏អាចជួយការពាររាងកាយពីជំងឺខ្លាញ់រុំថ្លើមទៀតផង។
២. កាត់បន្ថយហានិភ័យនៃជំងីបេះដូង

យោងតាមការពិសោធន៍មួយចំនួនទៅលើសត្វកណ្ដុរបានបង្ហាញថាសណ្ដែកខៀវអាចជួយការពារពីជំងឺដាច់សរសៃឈាមបេះដូង និងកាត់បន្ថយហានិភ័យនៃការខូចខាតជាលិកាបេះដូងផងដែរ។ នៅក្នុងការសិក្សាក៏បានបង្ហាញដែរថា សារធាតុ polyphenols ដែលបានចម្រាញ់ចេញពីសណ្ដែកខៀវអាចចូលទៅជួយពង្រឹង និងការពារមិនឱ្យជាលិកាបេះដូងរងការខូចខាតដែលមានឱកាសបង្កជាជំងឺ myocardial infarction ទៀតផង។ ប៉ុន្តែគេមិនអាចធ្វើការសន្និដ្ឋានបាន ១០០% ដោយសារតែមិនទាន់មានការសាកល្បងទៅលើរាងកាយមនុស្សនៅឡើយទេ។ ដូច្នេះព័ត៌មានបន្ថែមពីការស្រាវជ្រាវមួយនេះនឹងមានការបើងបង្ហាញនាពេលអនាគត៕

























Account
Security
Favourite Content