សណ្ឋាគារ Raffles Hotel Le Royal បានអញ្ជើញមេចុងភៅជនជាតិបារាំង Nicolas Isnard មកចម្អិនអាហារផ្ដាច់មុខ ត្រៀមទទួលស្វាគមន៍ភ្ញៀវគ្រប់ជាតិសាសន៍ទៅសាកភ្លក់នូវស្នាដៃពីមេចុងភៅល្បីល្បាញ មានបទពិសោធ មិនតិចជាង ២០ឆ្នាំ។

មេចុងភៅលោក Nicolas Isnard មានកេរ្តិ៍ឈ្មោះល្បីល្បាញ ពូកែធ្វើម្ហូបប្លែកៗ ពេញដោយគំនិតច្នៃប្រឌិត ធ្លាប់ធ្វើការនៅភោជនីយដ្ឋានលំដាប់ផ្កាយ Michelin ជាច្រើននៅជុំវិញប្រទេសបារាំង និងកន្លែងផ្សេងទៀតជុំវិញពិភពលោក។ ពេលនេះ មេចុងភៅរូបនេះ បានមកដល់ប្រទេសកម្ពុជាហើយ នឹងត្រៀមរៀបចំអាហារពិសេសៗ ប្លែកៗ ផ្ដាច់មុខ ជាបន្តបន្ទាប់នៅសណ្ឋាគារ Raffles Hotel Le Royal នៅចុងខែមេសា នេះ។

Raffles Hotel Le Royal សណ្ឋាគារប្រណីតដ៏ល្បីល្បាញនឹងផ្តល់ជូននូវអាហារពេលល្ងាច និងអាហារថ្ងៃត្រង់ឈុតពិសេស ដែលជាស្នាដៃច្នៃប្រឌិតធ្វើម្ហូបរបស់មេចុងភៅនីកូឡា នៅថ្ងៃទី ២៤, ២៥ និង ២៦ ខែមេសា។ វត្តមានរបស់មេចុងភៅជនជាតិបារាំងរូបនេះ ក៏ជាការចូលរួមលើកកម្ពស់វិស័យម្ហូបអាហារ ឆ្ងាញ់ៗ ប្លែកៗ នៅរាជធានីភ្នំពេញផងដែរ។


មានដើមកំណើតនៅភាគខាងត្បូងនៃប្រទេសបារាំង មេចុងភៅ Nicolas នាំយកនូវរសជាតិរបស់ Gallic ទៅកាន់មុខម្ហូបច្នៃប្រឌិតរបស់លោក។ លោកក៏មានគម្រោងធ្វើដំណើរទេសចរណ៍ដើម្បីនាំរសជាតិនូវមុខម្ហូបរបស់លោកនៅជុំវិញពិភពលោកទៀតផង។ មេចុងភៅ Nicolas ធ្លាប់បានបម្រើការងារនៅក្នុងភោជនីយដ្ឋានបារាំងដ៏ល្បីល្បាញមួយចំនួនដូចជា Auberge du Vieux Puits (Michelin លំដាប់ផ្កាយ៣), La Rotonde (Michelin លំដាប់ផ្កាយ២) និង Le Vieux Logis (Michelin ផ្កាយ១)។ ក្រៅពីនេះលោកបានបង្ហាញស្នាដៃចម្អិនម្ហូបក្នុងពិធីជប់លៀងផ្សេងៗ នៅតាមបណ្ដារទីក្រុងមួយចំនួន រួមមាន៖ ក្រុងឌូបៃ ប៉េកាំង ទីក្រុងម៉ូស្គូ , សិង្ហបុរី , ម៉ាកាវ , Casablanca និងកន្លែងផ្សេងៗទៀត។


ដូចនេះកុំភ្លេចទៅសាកឈុតអាហារពេលល្ងាចតម្លៃជាង ៩០ដុល្លារ និងឈុតអាហារថ្ងៃត្រង់តម្លៃជាង ៤០ដុល្លារ។ក្រៅពីអាហារសណ្ឋាគារក៏បានផ្ដល់ស្រារសជាតិពិសេសរបស់ Louis XIII ។ អាហារពេលល្ងាចនឹងផ្ដើម នៅចន្លោះម៉ោង 6:30 ដល់ 9:30 យប់ និងអាហារថ្ងៃត្រង់ចន្លោះពីម៉ោង 12 ដល់ម៉ោង 3 រសៀល។

សម្រាប់ការសាកសួរ និងការកក់ទុកសម្រាប់បទពិសោធន៍នៃការទទួលទានអាហាររបស់មេចុងភៅ Nicolas នៅសណ្ឋាគារ Raffles Hotel Le Royal សូមទាក់ទងសណ្ឋាគារតាមរយៈទូរស័ព្ទ៖ ០២៣ ៩៨១ ៨៨៨ ឬអ៊ីមែល៖ dining.leroyal@raffles.com ។ ឬចូលទៅកាន់គេហទំព័រ www.raffles.com/phnom-penh ៕




























Account
Security
Favourite Content