ដើម្បីញ៉ាំងឱ្យពិធីបុណ្យចូលឆ្នាំថ្មី ប្រពៃណីជាតិខ្មែរ ដែលនឹងចូលមកដល់ក្នុងពេលដ៏ខ្លីខាងមុខនេះ យើងសង្កេតឃើញថា នៅតាមបណ្ដាខេត្តស្ទើរទូទាំងប្រទេសកម្ពុជា បានរៀបចំតុបតែងលម្អ នៅតាមទីតាំងសំខាន់ៗនៃខេត្តរបស់ខ្លួន។ អ្វីដែលគួរឱ្យចាប់អារម្មណ៍នោះ រូបភាពថ្មីៗបង្ហាញអំពីការតាំងបង្ហាញរូបនាគរាជធំៗ តំណាងឱ្យឆ្នាំរោង នៅរាជធានីភ្នំពេញ និងនៅក្រុងបាត់ដំបង កំពុងទទួលបានការចាប់អារម្មណ៍ជាខ្លាំងពីអ្នកប្រើប្រាស់បណ្ដាញសង្គម។


យើងក្រឡេកមកមើលរូបនាគរាគ នៅរាជធានីភ្នំពេញដ៏ធំសម្បើម ត្រូវបានដំឡើងនៅតំបន់រមណីយដ្ខានវត្តភ្នំ ពិតជាស្រស់ស្អាត មានក្បូរក្បាចរចនាយ៉ាងល្អវិចិត្រ និងទទួលបានការសរសើរពីមហាជនថាពិតជាស្អាត ធ្វើបានល្អ។ រូបនាគរាជនេះទៀតសោត គឺជានាគក្បាលមួយ ដែលតំណាងឱ្យឆ្នាំរោង ដែលមានសត្វនាគរាជ ជាតំណាង។


ចំណែកឯខេត្តដំបងឯណោះវិញ ក៏មានការរៀបចំដំឡើងរូបនាគរាជដ៏ធំសម្បើមមិនចាញ់ភ្នំពេញឡើយ។ នាគរាជនៅខេត្តបាត់ដំបង គឺជារូបនាគក្បាល ៥ ពោរពេញដោយអំណាចបារមី ឯខ្លួនវិញត្រូវបានច្នៃប្រឌិតធ្វើពីឬស្សី មើលទៅស្រស់ស្អាត និងមានភាពច្នៃប្រឌិតគួរឱ្យសរសើរ។ រូបនាគនៅខេត្តបាត់ដំបង ត្រូវបានរៀបចំដំឡើង នៅមុខអតីតសាលាខេត្តបាត់ដំបង។


រូបនាគនៅរាជធានីភ្នំពេញ និងនៅខេត្តបាត់ដំបង ពិតជាស្អាតម្យ៉ាងម្នាក់ ហើ់យក៏ជាគំរូដល់ខេត្តដទៃផ្សេងទៀត គួររៀបចំដោយមានការយកចិត្តទុកដាក់បែបនេះ។ ពិធីបុណ្យចូលឆ្នាំថ្មី ប្រពៃណីជាតិខ្មែរ គឺជាពិធីបុណ្យដ៏ធំ និងសប្បាយរីករាយ ប្រជាជនខ្មែរប្រុស-ស្រី បានឈប់សម្រាកពីកិច្ចការងារទាំងឡាយ ហើយជួបជុំគ្នា លេងល្បែងកម្សាន្តប្រជាប្រិយខ្មែរ មានលេងឈូង បោះអង្គុញ លាក់កន្សែង និងលេងទឹកយ៉ាងសប្បាយរីករាយ៕


























Account
Security
Favourite Content