IU បរិច្ចាគប្រាក់ ៣០០ លានវ៉ុននៅថ្ងៃខួបកំណើត ដើម្បីបន្តវប្បធម៌ចែករំលែកដល់សង្គម

តារាចម្រៀង និងតារាសម្តែងស្រីលំដាប់ជួរមុខរបស់កូរ៉េខាងត្បូង IU បានបង្ហាញទឹកចិត្តសប្បុរសធម៌ដ៏ធំធេងម្តងទៀតដោយបានបរិច្ចាគថវិការហូតដល់ ៣០០ លានវ៉ុនប្រហែល ២០០ ២៨៣ ដុល្លារអាមេរិក ដើម្បីអបអរសាទរថ្ងៃខួបកំណើតរបស់នាង។ ទង្វើនេះបានបន្តពង្រឹងកេរ្តិ៍ឈ្មោះរបស់នាងក្នុងនាមជា «តារាសប្បុរសធម៌ដ៏មានឥទ្ធិពលបំផុតម្នាក់» នៅក្នុងប្រទេសកូរ៉េខាងត្បូង។

ថ្មីៗនេះនៅថ្ងៃទី ១៦ ខែឧសភា ផលិតកម្ម EDAM Entertainment ដែលជាភ្នាក់ងាររបស់នាងបានប្រកាសថា IU បានធ្វើការបរិច្ចាគនេះក្រោមឈ្មោះរួម “IUAENA” ដែលជាការរួមបញ្ចូលគ្នារវាងឈ្មោះរបស់នាង និងឈ្មោះក្រុមអ្នកគាំទ្រផ្លូវការ UAENA ដើម្បីតំណាងឱ្យទឹកចិត្តរួមគ្នារវាងនាង និងហ្វេន។

យោងតាមការបញ្ជាក់ពីភ្នាក់ងារ ថវិកាសរុប ៣០០ លានវ៉ុននោះ ត្រូវបានបែងចែកទៅកាន់អង្គការ និងមជ្ឈមណ្ឌលសំខាន់ៗដូចជា ១០០ លានវ៉ុន (ប្រហែល ៦៦ ៧៦១ ដុល្លារ) ប្រគល់ជូនមជ្ឈមណ្ឌលវេជ្ជសាស្ត្រ Asan Medical Center ដើម្បីជួយថ្លៃព្យាបាលដល់អ្នកជំងឺដែល​ជួបការលំបាកផ្នែកហិរញ្ញវត្ថុ។ ៥០ លានវ៉ុន (ប្រហែល ៣៣ ៣៨០ ដុល្លារ) ជូនអង្គការ “Walking With Us” ដើម្បីគាំទ្រឱកាសអប់រំ និងវប្បធម៌សម្រាប់កុមារ និងយុវជន។

៥០ លានវ៉ុន (ប្រហែល ៣៣ ៣៨០ ដុល្លារ) ជូនយុទ្ធនាការ “Milk Delivery to Check on the Elderly” ដើម្បីជួយឧបត្ថម្ភ និងពិនិត្យសុខភាពមនុស្សចាស់ជរាដែលរស់នៅម្នាក់ឯង។ ៥០ លានវ៉ុន (ប្រហែល ៣៣ ៣៨០ ដុល្លារ) ជូនសមាគមគ្រួសារម្តាយទោលកូរ៉េ (Korean Unmarried Mothers’ Families Association)។ ៥០ លានវ៉ុន (ប្រហែល ៣៣ ៣៨០ ដុល្លារ) ជូនអង្គការ “Walk Together” ដើម្បីផ្គត់ផ្គង់ឧបករណ៍ជំនួយទំនើបៗ សម្រាប់ជនពិការ។

គួរឱ្យដឹងផងដែរថា IU តែងតែបង្កើតទម្លាប់បរិច្ចាគសប្បុរសធម៌ក្រោមឈ្មោះ “IUAENA” ក្នុងឱកាសពិសេសៗជាលក្ខណៈប្រពៃណីទៅហើយដូចជាថ្ងៃខួបកំណើ, ថ្ងៃខួបប្រឡូកសិល្បៈ (Debut Anniversary) និងឱកាសដាច់ឆ្នាំ ដើម្បីផ្សព្វផ្សាយឥទ្ធិពលវិជ្ជមានទៅកាន់សង្គម។

ជាក់ស្តែង កាលពីដើមខែឧសភានេះ នាងក៏ទើបតែបានបរិច្ចាគប្រាក់ ១០០ លានវ៉ុន ក្នុងទិវាកុមារផងដែរ។ លើសពីនេះ នាងតែងតែទទួលបានការសរសើរមិនដាច់ពីមាត់ចំពោះការរៀបចំកាដូ និងសរសេរសំបុត្រដោយដៃផ្ទាល់ ជូនដល់តារាសម្តែងវ័យក្មេងៗដែលធ្លាប់រួមការងារជាមួយនាងទៀតផង។

គួរបញ្ជាក់ផងដែរថា កាលពីឆ្នាំកន្លងទៅ IU បានបរិច្ចាគថវិការាប់រយលានវ៉ុនជាបន្តបន្ទាប់ រួមមាន ២០០ លានវ៉ុនសម្រាប់ជួយសង្គ្រោះជនរងគ្រោះដោយភ្លើងឆេះព្រៃ និងគាំទ្រក្រុមអ្នកពន្លត់អគ្គិភ័យ, ១៥០ លានវ៉ុននៅទិវាកុមារ, ២០០ លានវ៉ុនក្នុងថ្ងៃខួបកំណើត និងខួបប្រឡូកសិល្បៈ ព្រមទាំង ២០០ លានវ៉ុនបន្ថែមទៀតនៅដាច់ឆ្នាំ ដែលសរុបជាទឹកប្រាក់យ៉ាងសន្ធឹកសន្ធាប់ក្នុងរយៈពេលត្រឹមតែមួយឆ្នាំប៉ុណ្ណោះ៕



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

ចុងភៅលំដាប់ផ្កាយ Michelin ២ គឺលោក Christophe Hay និងមេចុងភៅ លោក លូ ម៉េង សហការគ្នានៅរាជធានី ភ្នំពេញ ដើម្បីជួយដល់កុមារនៅសាលារៀនតាមជនបទក្នុងខេត្តកំពត តាមរយៈអង្គការ Les Écoles de La Plantation

ងភៅដ៏ល្បីល្បាញជនជាតិបារាំង លោក Christophe Hay ដែលមាន រហស្សនាមថា «ចុងភៅកសិករ» (Farmer-Chef) និងមេចុងភៅកម្ពុជា លោក លូ ម៉េង បានរួមគ្នាក្នុងកម្មវិធីរាត្រីអាហារ

បុរសសិង្ហបុរីវ័យ ៦០ ឆ្នាំប្រើកន្ត្រៃកាត់ក្រចកប៉ុនប៉ងប្លន់ស្ត្រីម្នាក់ជំរិតទារប្រាក់ ១៥០០ ដុល្លារ

បុរសវ័យ ៦០ ឆ្នាំម្នាក់ត្រូវបានចោទប្រកាន់ថាបានប៉ុនប៉ងប្លន់ស្ត្រីវ័យ ២៩ ឆ្នាំម្នាក់នៅតំបន់ Woodlands ប្រទេសសិង្ហបុរីដោយប្រើឧបករណ៍ចាក់ស្បែកជុំវិញក្រចក

វចនានុក្រម Cambridge ជ្រើសរើសពាក្យ “Human” ជាពាក្យប្រចាំឆ្នាំ ២០២៦ ដើម្បីកុំឱ្យយើងភ្លេចពី “ភាពជាមនុស្ស” នៅក្នុងយុគសម័យ AI

នៅពេលដែលស្នាដៃបង្កើតដោយ AI ទទួលបានជ័យលាភី ចម្រៀង AI ត្រូវបានប្រើប្រាស់យ៉ាងទូលំទូលាយ វីដេអូ AI បានក្លាយជាវីដេអូស្នូលសម្រាប់ផ្សព្វផ្សាយរបស់ស្ថាប័នផ្សេងៗ

គំនូរមួយផ្ទាំងរបស់វិចិត្រករល្បីហូរឡង់ត្រូវបានលក់ក្នុងតម្លៃខ្ពស់បំបែកកំណត់ត្រា ១៩០​ លានដុល្លារ

ក្រុមហ៊ុនដេញថ្លៃ Sotheby's បានឱ្យដឹងថា ស្នាដៃដ៏អស្ចារ្យមួយរបស់វិចិត្រករ Vincent van Gogh ត្រូវបានលក់ក្នុងតម្លៃកំណត់ត្រា ១៩០,៤ លានដុល្លារអាមេរិក កាលពីថ្ងៃពុធ

គ្រឿងអលង្ការមាស ដែលធ្លាប់ស្ថិតក្រោមកម្មសិទ្ធិខុសច្បាប់របស់ Douglas Latchford មានតាំងបង្ហាញ នៅសារមន្ទីរជាតិដល់ថ្ងៃទី ២២ វិច្ឆិកា

នៅពេលចូលទៅដល់ពិព័រណ៍មិនអចិន្ត្រៃយ៍ស្ដីពីគ្រឿងអលង្ការ នាសារមន្ទីរជាតិ អ្នកនឹងឃើញនូវរូបចម្លាក់នៃទេពបុរសមួយអង្គតុបតែងដោយគ្រឿងអលង្ការមាសដ៏ប្រណិតមុនគេបង្អស់

តារាចម្រៀងចង្វាក់ Country Lainey Wilson ជ្រើសឈុតពី ALmée  សម្ដែងបទចម្រៀងថ្មី​  “Just A Woman” នៅ CMAs

តារាចម្រៀងចង្វាក់ខោនទ្រី Lainey Wilson បាន​ជ្រើសរើស​ឈុត ALmée Couture ដើម្បី​ឡើង​សម្ដែង​នៅ​ក្នុង​កម្មវិធី​ប្រគល់​ពាន​រង្វាន់ CMA ។ រ៉ូប​ពណ៌​ទឹក​ក្រូច​ចាស់​នោះ

លោកស្រី សុភា បុត្រឈរ ចូលរួមថវិកា ១ ម៉ឺនដុល្លារ សម្រាប់ Vote ឲ្យ Miss Universe Cambodia 2026 ថាន រតនា

Miss Universe Cambodia 2026 កញ្ញា ថាន រតនា កំពុង​បំពេញ​បេសកកម្ម​តំណាង​ឲ្យ​កម្ពុជា​នៅ​លើ​ឆាក​បវរកញ្ញា​ដ៏​ធំ​នៅ​ប្រទេស Puerto Rico ហើយ​កម្មវិធី Miss Universe ក៏បា

លោកសាស្ត្រាចារ្យ អ៊ីស៊ីហ្សាវ៉ា យ៉ូស៊ីអាគី ជនជាតិជប៉ុនដែលបានរួមចំណែកអភិរក្ស និងជួសជុលប្រាសាទបុរាណខ្មែរ ទទួលមរណភាព

លោកសាស្ត្រាចារ្យ អ៊ីស៊ីហ្សាវ៉ា យ៉ូស៊ីអាគី នាយកនៃមជ្ឈមណ្ឌលស្រាវជ្រាវ និងបណ្តុះបណ្តាលធនធានមនុស្សអាស៊ីដែលបានបណ្ដុះបណ្ដាលអ្នកជំនាញក្នុងស្រុក ក្នុងកិច្ចការអភិរក្ស

ប្រញាប់ទៅមើល! សារមន្ទីជាតិកម្ពុជាបន្តការពិព័រណ៍គ្រឿងអលង្ការខ្មែរអាយុកាល ២ ពាន់ឆ្នាំ ត្រឹមថ្ងៃអាទិត្យនេះ

ដោយមានការគាំទ្រយ៉ាងច្រើនពីភ្ញៀវជាតិ និងអន្តរជាតិ ពិព័រណ៍មិនអចិន្ត្រៃយ៍ស្តីពី គ្រឿងអលង្ការ នឹងបន្តបើកជូនសាធារណជនចូលទស្សនាត្រឹមថ្ងៃអាទិត្យ ចុងសប្តាហ៍នេះ

អ៊ែនជេលីណា និងអគ្គនាយក UNESCO លោក Khaled El-Eneny ទៅទស្សនកិច្ច ការត្បាញសូត្រខ្មែរ នៅកោះឧកញ៉ាតី

កាលពី​ពេល​ថ្មី​ៗ​នេះ​លោក Khaled El-Eneny និង​កំពូល​តារា​ហូលីវូដ អ៊ែនជេលីណា ជូលី បាន​ធ្វើ​ដំណើរ​ទៅ​កោះ​ឧកញ៉ា​តី ដើម្បី​ទៅ​មើល​ការ​ត្បាញ​សូត្រ ដែល​ជា​ជំនាញ​តាំងពី



Leave a Reply

Your email address will not be published.Required fields are marked *