ថ្ងៃបុណ្យក្ដីស្រឡាញ់បានមកដល់ មនុស្សម្នាជាច្រើនបានអបអរបុណ្យមួយនេះដោយការជួបជុំគ្រួសារ មិត្ដភក្ដិ និងបង្ហាញពីក្ដីស្រឡាញ់ចំពោះគ្នា។ ក្រៅពីនេះ គូស្នេហ៍ផ្អែមល្ហែមជាច្រើនក៏បានណាត់ជួបគ្នា ជូនកាដូគ្នា និងចំណាយពេលសាងអនុស្សាវរីយ៍រួមគ្នា។ ក្រឡេកមើលតារាខេប៉ុប ៦ រូបនេះ បានសារភាពត្រង់ៗ មិនធ្លាប់ស្គាល់រស់ជាតិស្នេហា និងមិនមានឱកាសណាត់ជួបគូក្នុងថ្ងៃបុណ្យក្ដីស្រឡាញ់ឡើយ។
១.ROSE សមាជិក BLACKPINK



ROSE ជាតារាស្រីខេប៉ុបម្នាក់ដែលទទួលបានភាពជោគជ័យម្នាក់ និងមានអ្នកគាំទ្រជាច្រើន។ បើទោះជាសមាជិក ៣ រូបផ្សេងទៀត ធ្លាប់ពាក់ព័ន្ធរឿងស្នេហា តែ ROSE ហាក់មិនខ្វាយខ្វល់ចំពោះរឿងនេះឡើយ។ នាងធ្លាប់បញ្ជាក់ក្នុងកម្មវធី Party People ថា នាងមិនមានឱកាស ឬពេលវេលាគ្រប់គ្រាន់ក្នុងការសេពគប់នរណាឡើយ។ កាលពីឆ្នាំ ២០២៣ ROSE ត្រូវបានគេសង្ស័យថាមានទំនាក់ទំនងស្នេហាជាមួយតារាប្រុសរៀមច្បង Kang DongWon តែផលិតកម្ម YG បានចេញបដិសេធពីរឿងនេះ។
២.BI



អតីតមេក្រុមចម្រៀង IKON រូបនេះ ក៏ធ្លាប់សារភាពថា លោកមិនធ្លាប់មានទំនាក់ទំនងស្នេហាដែរ។ លោកធ្លាប់បានបញ្ជាក់ លោកគឺនៅទំនេរមិនមានមិត្ដស្រីអស់រយៈពេលជាង ២០ ឆ្នាំមកហើយ ជាពិសេសលោកមិនធ្លាប់សូម្បីតែថើបមនុស្សស្រី។
៣.Daehwi សមាជិក (AB6IX)



តារាប្រុស Daehwi បានបញ្ជាក់ក្នុងកម្មវីធី Amazing Saturday-DoReMi Market ថា លោកមិនធ្លាប់សេពគប់ជាមួយនរណាម្នាក់នោះទេ។ លោកបានបន្ថែមថា ប្រសិនបើមានឱកាស លោកនឹងព្យាយាមធ្វើជាមិត្ដប្រុសល្អម្នាក់ចំពោះមិត្ដស្រីរបស់ខ្លួន។
៤.Kei អតីតសមាជិក Lovelyz



ថ្វីបើធ្លាប់មានពាក្យចចាមអារ៉ាមថា Kei មានទំនាក់ទំនងស្នេហាជាមួយតារាប្រុសល្បី Junsu ជាច្រើនដង តែតារាស្រី Kei បានចេញមុខបដិសេដថានាងមិនធ្លាប់មានមិត្ដប្រុសឡើយ។ នាងបានទម្លាយថា ដោយសារការចូលហ្វឹកហាត់តាំងពីក្មេង នាងគ្មានឱកាសស្វែងរកមិត្ដប្រុស ឬគិតច្រើនអំពីស្នេហាឡើយ។ នាងគឺនៅទំនេរ និងមិនធ្លាប់មានស្នេហានោះទេ។
៥.ChungHa



មហាជនជាច្រើនគិតថា តារាស្រី Chungha ប្រហែលជាមានបទពិសោធណ៍ច្រើនទាក់ទិនស្នេហា តែការពិតទៅនាងក៏ជាតារាស្រីម្នាក់ដែលមិនធ្លាប់មានស្នេហា។ ក្នុងបទសម្ភាសន៍ នាងបង្ហើបថា នាងមិនដែលមានស្នេហាទេ។ ទំនាក់ទំនងនាងធ្លាប់មានគឺត្រឹមការផ្ញើសារឆ្លើយឆ្លងប៉ុណ្ណោះ តែទំនាក់ទំនងនាង និង បុរសម្នាក់នោះមិនឈានដល់ការសេពគប់គ្នាធ្វើជាគូស្នេហ៍ឡើយ។
៦.Somi



Somi ជាតារាស្រីមានអត្ដចរិតត្រង់ៗមា្នក់។ ជារឿយៗ នាងតែងនិយាយពីរឿងស្នេហា និងពីបុរសក្នុងក្ដីស្រម៉ៃ។ នាងធ្លាប់បានបញ្ជាក់ថា នាងមានគម្រោងជាច្រើនចង់ធ្វើប្រសិនបើនាងមិត្ដប្រុស។ តែជាក់ស្ដែងមកដល់បច្ចុប្បន្ន តារាស្រីរូបនេះនៅតែមិនទាន់ស្វែងរកឃើញមនុស្សដែលនាងពេញចិត្ដនៅឡើយ។ កាលពីចុងឆ្នាំ ២០២៣ នៅពេលត្រូវបានអ្នកគាំទ្រចោទសួរពីរឿងស្នេហា Somi ឆ្លើយតបថា ប្រសិនបើនាងមានមិត្ដប្រុសមែននោះ នាងមិនឯកា និងអង្គុយញ៉ាំមីតែម្នាក់ឯងទេ ៕























Account
Security
Favourite Content