Hueningkai សមាជិកក្រុមចម្រៀងកូរ៉េ TXT បានចេញមុខបកស្រាយអំពីព័ត៌មានចុងក្រោយដែលអះអាងថាលោកបាន “ផឹកស្រាពេញមួយយប់” នៅក្នុងបន្ទប់ឯកជនជាមួយនារីម្នាក់។

នៅថ្ងៃទី ១០ ខែតុលា Hueningkai បានផ្ញើសារដោយផ្ទាល់តាម Weverse ដើម្បីសុំទោសអ្នកគាំទ្រ និងបញ្ជាក់ពីស្ថានភាពនេះ។ តារាវ័យ ២៣ ឆ្នាំរូបនេះបញ្ជាក់ថា បុគ្គលដែលខ្លួននៅជាមួយគឺគ្រាន់តែជាអ្នកស្គាល់គ្នា ហើយលោកគ្រាន់តែជូននាងទៅផ្ទះធម្មតាប៉ុណ្ណោះ។ លោកពន្យល់ថា “ខ្ញុំពិតជាសោកស្តាយចំពោះ MOAs (TXT fandom)។ ខ្ញុំមិនដឹងថាហេតុអ្វីខ្ញុំគួរស្ងប់ស្ងាត់ចំពោះរឿងនេះទេ ដូច្នេះខ្ញុំសូមពន្យល់តែម្ដង។ ខ្ញុំនៅជាមួយអ្នកស្គាល់គ្នាម្នាក់ ហើយស្ថិតក្នុងស្ថានភាពដែលខ្ញុំមិនអាចទុកនាងចោលបាន ដូច្នេះខ្ញុំបានជូននាងទៅផ្ទះ បន្ទាប់មកត្រឡប់ទៅបន្ទប់ខ្ញុំវិញ។ វាជាថ្ងៃឈប់សម្រាក ដូច្នេះកន្លែងភាគច្រើនត្រូវបានបិទ ហើយយើងគ្រាន់តែទៅកន្លែងដែលនៅបើកប៉ុណ្ណោះ”។

នៅលើ X (អតីត Twitter) Hueningkai ពន្យល់បន្ថែមថា “តាំងពីចេញច្រៀងមក ខ្ញុំស្អប់ការបង្កបញ្ហាឱ្យសមាជិកក្រុមខ្លាំងណាស់។ ខ្ញុំជាមនុស្សនៅផ្ទះ ហើយមិនសូវចេញក្រៅច្រើនទេ ប៉ុន្តែគាត់ជាមនុស្សដែលខ្ញុំខានជួបយូរហើយ ដូច្នេះខ្ញុំក៏ណាត់ជួបជាមួយគាត់ទៅ។ សូម្បីតែពេលនោះ ខ្ញុំនៅតែគិតថាតើត្រូវធ្វើអ្វីក្នុងស្ថានភាពនេះ ប៉ុន្តែខ្ញុំមិនអាចទុកគាត់ចោលបានទេ ដូច្នេះខ្ញុំក៏ជូនគាត់ទៅផ្ទះ ហើយត្រលប់ទៅកន្លែងស្នាក់របស់ខ្ញុំវិញយ៉ាងលឿន។ ខ្ញុំពិតជាសុំទោសដែលធ្វើឱ្យគ្រប់គ្នាបារម្ភ”។
Hueningkai បានបន្តសរសេរថា “ខ្ញុំពិតជាសុំទោស។ ខ្ញុំស្អប់ការកុហក ខ្ញុំគ្រាន់តែចង់និយាយដោយស្មោះត្រង់ វាហាក់បីដូចជាស្ថានភាពនេះបណ្តាលឱ្យមានការយល់ច្រឡំជាច្រើន ប៉ុន្តែ MOA មិនចាំបាច់បារម្ភអ្វីទាំងអស់។ ខ្ញុំចង់ផ្តោតលើការងារ និង MOA បន្ថែមទៀត ដូច្នេះខ្ញុំនឹងព្យាយាមឱ្យខ្លាំងជាងនេះពីពេលនេះទៅ។ ខ្ញុំពិតជាសុំទោសប្រសិនបើខ្ញុំធ្វើឱ្យអ្នកគាំទ្រ សមាជិកក្រុម ឬក្រុមការងារត្រូវឈឺចាប់ ហើយខ្ញុំមិនដឹងថាតើសារនេះនឹងទទួលបានប្រតិកម្មបែបណាទេ។ ប្រសិនបើវាមិនអាចយកជាការបាន ខ្ញុំសូមអភ័យទោស។ ខ្ញុំធ្លាប់និយាយថាខ្ញុំចង់ក្លាយជាមនុស្សដែលគ្រប់គ្នាអាចទុកចិត្តបាន តែខ្ញុំមានអារម្មណ៍ថាខ្ញុំមិនអាចទេ ខ្ញុំពិតជាសុំទោស”។


សូមរំឭកថា កាលពីថ្ងៃទី ៨ ខែតុលា អ្នកលេងអ៊ិនធឺណិតអនាមិកម្នាក់បានបង្ហោះរូបថតរបស់ Hueningkai ហើយបានចោទប្រកាន់ថា តារារូបនេះកំពុងផឹកស៊ីពេញមួយយប់ជាមួយនារីម្នាក់នៅក្នុងបន្ទប់ឯកជនមួយ។
ម្ចាស់គណនីនោះបានអះអាងថា Hueningkai “ចេញទៅផឹកស៊ីជាមួយនារីម្នាក់ រយៈពេលមួយថ្ងៃបន្ទាប់ពីត្រឡប់មកប្រទេសកូរ៉េវិញ” ហើយអ្នកទាំងពីរបានផឹករហូតដល់ទៀបភ្លឺ។ អ្នកទាំងពីរបានរង់ចាំរហូតដល់អតិថិជនផ្សេងទៀតត្រឡប់ទៅផ្ទះវិញអស់ មុនពេលមានឡានមកយកចេញទៅ។ បន្ទាប់ពីការចោទប្រកាន់ភ្លាមៗ អ្នកគាំទ្របានការពារ Hueningkai ដោយអះអាងថាស្ត្រីនោះជាប្អូនស្រីរបស់លោក។ ទោះបីមានការអះអាងនេះ តែព័ត៌មានខាងលើបានបង្កឱ្យមានការខឹងសម្បារយ៉ាងខ្លាំងលើសហគមន៍អនឡាញផ្សេងៗ ៕

























Account
Security
Favourite Content