ទឹម រដ្ឋា ចង់ចេញទៅរៀបការលើកទី២នៅអាមេរិក ដើម្បីរឿងម៉្យាង

អ្នកគាំទ្រ​បាន​ដឹង​ហើយ​ថា មង្គលការ​តារា​សម្ដែង និង​បង្ហាញ​ម៉ូដ ទឹម រដ្ឋា បាន​ធ្វើ​ឱ្យ​កក្រើក​អស់​ពិភព​សិល្បៈ ដោយ​នាង​បាន​ចំណាយ​អស់​ប្រាក់​យ៉ាង​ច្រើន​សន្ធឹក ដើម្បី​រៀបចំ​កម្មវិធី​ឱ្យ​ខុស​ប្លែក​ពី​គេ​ឯង កាលពីថ្ងៃទី២៦ ខែ មីនា ឆ្នាំ ២០២២ កន្លងទៅ ដោយ​មាន​ការ​ចូលរួម​យ៉ាង​ច្រើន​កុះករ​ពី​សំណាក់​មិត្តភ័ក្ដិ​ក្នុង និង​ក្រៅ​សិល្បៈ បន្ទាប់ពី​អ្នក​នាង និង​គូស្នេហ៍​ស្រលាញ់ និង​ភ្ជាប់​ទំនាក់ទំនង​អស់​ពេល​ជាង ៦ឆ្នាំមក។

ក្នុង​ថ្ងៃ​មង្គលការ​ដែល​មួយ​ឆាក​ជីវិត​មាន​តែ​ម្ដង​នេះ រដ្ឋា មិន​ក្រែង​រអា​ក្នុង​ការ​ចំណាយ ទាំង​ការ​តុបតែង​ខ្លួន សម្លៀកបំពាក់ ឈុត និង​ការ​រៀប​ចំ​ដេគ័រ​កន្លែង​កម្មវិធី​ជាដើម។ ថ្វី​ដ្បិត​មិន​បាន​ប្រាប់​ពី​តួលេខ​ខ្ទង់​ចំណាយ ប៉ុន្តែ ទឹម រដ្ឋា បាន​ទទួល​ស្គាល់​ថា មង្គលការ​លើក​នេះ​បាន​ចំណាយ​ប្រាក់​ច្រើន​មិន​ធម្មតា។

អ្នក​ចូលរួម​ជាច្រើន​បាន​ពោល​សរសើរ​ពី​ប្រណីតភាព​នៃ​មង្គលការ​នេះ ខណៈ​អ្នក​ខ្លះ​ពោល​ឡើង​ថា ចង់​រៀបការ​ដូច​តារា​ស្រី​រាង​ស្រឡូន​រូប​នេះ ព្រោះ​ការ​រៀបចំ​របស់​នាង​អស្ចារ្យ មើល​ទៅ​ប្លែក​សក្ដិសម​ពាក្យ​ថា​មួយ​ជីវិត​ការ​ម្ដង ចំណាយ​ឲ្យ​អស់​ដៃ។ គួរ​ឱ្យ​ភ្ញាក់​ផ្អើល​ក្នុង​ពិធី​មង្គលការ​នេះ​គេ​ឃើញ ទឹម រដ្ឋា ស្រក់​ទឹកភ្នែក​ជោគ​ថ្ពាល់​លាយឡំ​ក្ដី​រំភើប​ចិត្ត។ ទឹកភ្នែក​ដែល​ស្រក់​នោះ ច្បាស់​ថា ព្រោះ​តែ​នាង​នឹក​ស្រណោះ​អ្នក​ម្ដាយ​ជាទី​ស្រលាញ់ ដែល​បាន​ចែកឋាន​ទៅ មិន​បាន​នៅ​ឃើញ​កូន​ស្រី​ស្លៀក​ឈុត​ប្រពៃណី​ក្រាប​ផ្ទឹម​សំពះ​មេបា​ក្នុង​ថ្ងៃ​ពិសេស​នេះ។

ប្រាប់​ឱ្យ​ដឹង​ក្នុង​ថ្ងៃ​ពិសេស​នេះ ទឹម រដ្ឋា ថា បន្ទាប់ពី​រៀបការ​តាម​ប្រពៃណី​ខ្មែរ​នៅ​ទឹកដី​កំណើត​រួច​ហើយ នាង​មាន​បំណង​នឹង​ចេញ​ទៅ​រៀបការ​ជា​លើក​ទី​២ នៅ​ឯ​សហរដ្ឋអាមេរិក ដែល​ជា​ស្រុក​កំណើត​របស់​ស្វាមី និង​ឪពុក​ម្ដាយ​ក្មេក​នាង​ម្ដង​ទៀត។ ពិសេស គឺ​ដើម្បី​ទទួល​បាន​សញ្ជាតិ ឱ្យ​នាង​អាច​រស់នៅ​ទីនោះ​ដោយ​ស្រប​ច្បាប់។ តារា​ម៉ូ​ដែល​រាង​ខ្ពស់​ស្រឡះ​រូប​នេះ​សង្ឃឹមថា នាង​និង​ស្វាមី​មាន​បុត្រ​ឆាប់​ៗ​នេះ ដើម្បី​ពង្រឹង​ចំណង​អាពាហ៍ពិពាហ៍​អ្នក​ទាំងពីរ​ឱ្យ​កាន់​តែ​រឹង​មាំ​ជាង​ពេល​នេះ។

ក្រឡេក​ទៅ​មើល​អ្នក​ចូល​រួម​វិញ​នោះ មង្គលការ ទឹម រដ្ឋា បាន​គាស់​អស់​សិល្បករ-សិល្ប​ការិនី​ក្នុង​ស្រុក ដោយ​ម្នាក់​ៗ​បាន​តុបតែង​យ៉ាង​ស្រស់​សោភា ជាមួយ​គ្រឿង​អលង្ការ​ភ្លឺ​ព្រាក​ៗ​យ៉ាង​ប្រដេញ ពិសេស​គេ​បាន​ឃើញ​អ្នកនាង ឱក សុគន្ធកញ្ញា តារា​ចម្រៀង​លំដាប់​កំពូល​ប្រចាំ​ប្រទេស​កម្ពុជា បាន​ឡើង​បកស្រាយ​ចម្រៀង​មួយ​បទ​យ៉ាង​ពីរោះ​ជា​ចំណង​ដៃ​ក្នុង​ថ្ងៃ​មង្គល​របស់ ទឹម រដ្ឋា និង​លោក Jovany Antonio ថែម​ទៀត​ផង៕



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

ប្រជាជនកម្ពុជារួមស្មារតីខ្មែរតែ១ ស្វាគមន៍ពិភពលោកមកកាន់ទឹកដីអច្ឆរិយៈនៃព្រះរាជាណាចក្រកម្ពុជា ក្នុងកិច្ចប្រជុំកំពូលហ្វ្រង់កូហ្វូនីលើកទី២០

ប្រជាជនកម្ពុជាកំពុងស្វាគមន៍យ៉ាងកក់ក្តៅ និងប្រកបដោយមោទនភាព ចំពោះការអញ្ជើញមកដល់របស់ប្រតិភូជាន់ខ្ពស់ ថ្នាក់ដឹកនាំ និងភ្ញៀវអន្តរជាតិទាំងអស់ មកចូល

ព្រឹត្តិការណ៍កីឡាជាតិ ឆ្នាំ២០២៦ បិទបញ្ចប់ដោយជោគជ័យយ៉ាងត្រចះត្រចង់ ក្រោមការឧបត្ថម្ភផ្តាច់មុខ និងការគាំទ្រយ៉ាងសកម្មពីក្រុមហ៊ុន វឌ្ឍនៈ ដើម្បីបន្តលើកស្ទួយវិស័យកីឡាកម្ពុជា

ព្រឹត្តិការណ៍កីឡាជាតិ លើកទី៥ និងកីឡាជាតិជនពិការ លើកទី៣ ឆ្នាំ២០២៦ ដែលជាមហាព្រឹត្តិការណ៍កីឡាថ្នាក់ជាតិដ៏សំខាន់បំផុតប្រចាំឆ្នាំ បានបិទបញ្ចប់ជាស្ថាពរប្រកប

កម្ពុជា​ដាក់បង្ហាញសិល្បៈ​បុរាណ​ខ្មែរ​ក្នុង​ព្រឹត្តិការណ៍​អន្តរជាតិ «ហ្វ្រង់កូហ្វូនី»

ព្រឹត្តិការណ៍ «ភូមិហ្វ្រង់កូហ្វូនី ឆ្នាំ២០២៦» បើក​ជា​ផ្លូវ​ការ​នា​វេលា​ព្រឹក​ថ្ងៃ​ទី ១៣ ខែវិច្ឆិកា ឆ្នាំ២០២៦ ក្រោម​អធិបតីភាព​ដ៏​ខ្ពង់ខ្ពស់​នៃ​សម្ដេចមហាបវរធិបតី

សារព័ត៌មាន The Star បានចុះផ្សាយពី ជូរី ល្អហួស និងរបាំបុរាណខ្មែរ ដែលនាងយកទៅបង្ហាញក្នុងកម្មវិធីប្រកួតសម្រស់ នៅហ្សាកាតា

ម្មវិធីការ​ប្រកួត Miss Teen Icon International ២០២៦ ដែល​ឥណ្ឌូណេស៊ីធ្វើ​ជា​ម្ចាស់​ផ្ទះ ហើយ​ក៏​មាន​ការ​ចូលរួមពី ជូរីល្អហួស Miss Teen Icon Cambodia 2026 ទទួល​បាន​

លោក Jensen Huang ចុះចេញពីតំណែងជា CEO របស់ក្រុមហ៊ុន Nvidia ក្រោយបែកធ្លាយរឿងអាស្រូវសហាយស្មន់ ២ ករណី

លោក Jensen Huang បានចុះចេញពីតំណែងជានាយកប្រតិបត្តិរបស់ក្រុមហ៊ុន Nvidia កាលពីថ្ងៃទី ១២ ខែវិច្ឆិកានេះ បន្ទាប់ពីមានការបែកធ្លាយរឿងអាស្រូវស្នេហាត្រីកោណចំនួន ២ ករណី

ហ្វីយ៉ាតា ទទួលបាន​ការ​អញ្ជើញផ្ទាល់ពី Fátima Miss Universe 2025 សម្រាប់រាត្រីចុងក្រោយនៃការគ្រងមកុដ

ការ​រឿង​ដ៏​ភ្ញាក់ផ្អើល និង​កិត្តិយស​សម្រាប់​អ្នកនាង ថៃ នារីសុជាតា ឬ ហ្វីយ៉ាតា ត្រូវ​បាន​ Miss Universe អញ្ជើញ​រូប​នាង ដែល​ជា Miss Universe Cambodia 2025 ទៅ​ចូល

Maurice Chan កូនខ្មែរជាតួ Stunt ដ៏ល្បីនៅហូលីវូដ ប្រកាសផលិតភាពយន្ត​ Action ខ្នាតធំលើកដំបូងនៅកម្ពុជា

បន្ទាប់ពីបានសាងកេរ្តិ៍ឈ្មោះ និងបទពិសោធន៍យ៉ាងជោគជ័យក្នុងវិស័យភាពយន្តហូលីវូដតាមរយៈស្នាដៃលំដាប់ពិភពលោកជាច្រើនដូចជា John Wick: Chapter 4 និង James Bond: Spectre លោក

កូរ៉េខាងត្បូងផ្ដោតលើការរៀបចំកម្មវិធីដើម្បីផ្ដល់ឱកាសឱ្យអ្នកនៅលីវបានជួបគ្នា ជាការដោះស្រាយបញ្ហាអត្រាកំណើតធ្លាក់ចុះ

សាលាក្រុងសេអ៊ូលនឹងរៀបចំកម្មវិធីផ្គូផ្គងគូស្រករដែលមានឈ្មោះថា “Seoul-ting” ដើម្បីបើកឱកាសឱ្យអ្នកនៅលីវអាចស្វែងរកគូស្រកររបស់ខ្លួននៅចុងឆ្នាំ ២០២៦ ជាការរួមចំណែកមួយ

ឈុតតំណាងជាតិ ល្អហួស Miss Teen Icon Cambodia 2026 ក្នុងកម្មវិធី Miss Teen Icon International ប្រណីតហួសថ្លែង

យុវតី ជូរី ល្អហួស Miss Teen Icon Cambodia 2026 ដែល​តែ​នៅ​ក្នុង​វេទិកា​ប្រកួត Miss Teen Icon International 2026 ដែល​កំពុង​ធ្វើ​ឡើង​នៅ​ប្រទេស​ឥណ្ឌូណេស៊ី​នោះ ទទួល​

លោកស្រី Angelina Jolie លើកសរសើរវប្បធម៌ និងទឹកចិត្តប្រជាជនកម្ពុជាយ៉ាងជ្រាលជ្រៅ ក្នុងកិច្ចប្រជុំកំពូលអាស៊ាននៅហ្វីលីពីន

តារាសម្ដែងជួរមុខហូលីវូដ លោកស្រី Angelina Jolie បានចែករំលែកពីទំនាក់ទំនងអស់រយៈពេលជាង ២៥ ឆ្នាំរបស់លោកស្រីជាមួយប្រទេសកម្ពុជា ដែលបានធ្វើឱ្យលោកស្រីឱ្យតម្លៃយ៉ាង