តារាខ្មែរដែលល្បីៗទាំងប៉ុន្មានរូបនេះមិនត្រឹមមានទេពកោសល្យច្រៀង រាំ ដើរបង្ហាញម៉ូដប៉ុណ្ណោះទេ តែក៏មានសម្រស់ស្រស់ស្អាតខ្លាំងដែរ។ បើនិយាយពីរូបសម្រស់ តារាខ្មែរទាំងប៉ុន្មានរូបនេះ ក៏សុទ្ធសឹងស្អាត និងជាកូនកាត់ខាងប៉ែកអឺរ៉ុប ក្នុងនោះមានទាំងតារាសម្ដែង តារាចម្រៀង និងបេក្ខភាពបវរកញ្ញាផងដែរ។
១. ព្រះនាង នរោត្តម ជេនណា
ព្រះនាងតូច ជេនណា បានប្រសូតនៅទីក្រុងប៉ារីស ប្រទេសបារាំង។ ព្រះនាងជាបុត្រីទីពីរក្នុងគ្រួសារ មាតារបស់ទ្រង់ គឺព្រះអង្គម្ចាស់នរោត្តម បុប្ផារី ហើយព្រះបិតារបស់ព្រះអង្គជាជនជាតិបារាំង។ ព្រះនាងជាចៅស្រីរបស់ សម្ដេចក្រុមព្រះនរោត្តម ចក្រពង្ស និងជាចៅស្រីដ៏ឧត្ដុង្គឧត្ដមរបស់ ព្រះបាទនរោត្តម សីហនុ។ ឈ្មោះជាផ្លូវការរបស់ព្រះនាងគឺ អ្នកអង្គម្ចាស់ក្សត្រិយ៍ នរោត្ដម ជេនណា។



នៅឆ្នាំ ២០១៥ នៅពេល ជេនណាមានអាយុ ៣ ឆ្នាំ ព្រះនាង និងក្រុមគ្រួសាររបស់នាងបានត្រឡប់មករស់នៅក្នុង ប្រទេសកម្ពុជា។ សព្វថ្ងៃព្រះនាងគឺតារាសម្ដែង តារាចម្រៀង អ្នករាំ ហើយជាពិសេសត្រង់មានការងារជា BA ឲ្យច្រើនផលិតផល/ស្ថាប័ន។
២. Melia Constantin
មាលា ជាកូនកាត់ខ្មែរ-បារាំង ដោយម្ដាយជាជនជាតិខ្មែរ និងឪពុកជនជាតិបារាំង។ នាងបានកើត និងចម្រើនធំធាត់វ័យនៅប្រទេសបារាំង ទើបតែបានមករស់នៅក្នុងប្រទេសកំណើតរបស់ម្ដាយអស់រយៈពេលប្រមាណជិត ១០ ឆ្នាំនេះប៉ុណ្ណោះ។ បច្ចុប្បន្ន Melia គឺជាតារាម៉ូដែល និងតារាសម្ដែងបន្ថែមទៀត។ ថ្មីៗនេះនាងកំពុងត្រូវប៉ាន់ការងារសិល្បៈច្រើនមានទាំងថតខ្សែភាពយន្ត ថត MV ជាមួយតារាថ្មីៗ និង TVC ឲ្យស្ថាប័នឯកជនធំជាច្រើន។



៣. ហង្ស ម៉ានីតា
ម៉ានីតា គឺជាបវរកញ្ញាចក្កវាឡកម្ពុជាឆ្នាំ ២០២២ នាងក៏ជាតារាសម្ដែង ម៉ូដែល។ បវរកញ្ញាពោរពេញដោយចំណេះដឹងរូបនេះក៏ជាកូនកាត់ខ្មែរបារាំង ដែលមានម្ដាយជាជនជាតិខ្មែរ និងឪពុកជាជនជាតិបារាំង។



៤. Marianne Clais
Marianne Clais មានឈ្មោះជាភាសាខ្មែរថា សោម៉ា។ Marianne នាងជាកូនខ្មែរកាត់បារាំង ដែលកើត និងធំធាត់នៅកម្ពុជា។ សោម៉ា មានឪពុកជាជនជាតិបារាំង និងម្ដាយជាជនជាតិខ្មែរ ដែលក្ដាប់ជំនួញសណ្ឋាគារមួយនៅភ្នំពេញ។ នាងក៏ជាតារាសម្ដែង និងម៉ូដែល១រូបដែលមានគេស្គាល់ច្រើនដូចគ្នាទៅនឹង Melia ដែរ។



៥. Kolianne Emilie Mailfait
Kolianne កូនកាត់បីសាសន៍ ខ្មែរ ចិន-បារាំង។ នាងក៏ជាបេក្ខភាពប្រកួតកម្មវិធី MissUniverse Cambodia 2023 ផងដែរ ហើយបច្ចុប្បន្នកំពុងមមាញឹកការងារជាម៉ូដែល៕


























Account
Security
Favourite Content