អាយុស្ដើងតែទ្រព្យក្រាស់! តារា ១០ រូបមានទ្រព្យសម្បត្តិច្រើនបំផុតប្រចាំចក្រភពអង់គ្លេស

អាជីពជាតារាចម្រៀង និងតារាសម្ដែងនៅក្នុងហូលីវូដ​ ជាការងារមួយដែលអាចរកប្រាក់ចំណូលបានច្រើនមិនធម្មតាដោយហេតុថាកម្លាំងឥទ្ធិពល និងចំនួនអ្នកគាំទ្រដ៏ច្រើនមហាសាលពីជុំវិញពិភពលោក។ មិនមែនតែជនជាតិអាមេរិក តែតារានៅក្នុងឱស្សាហកម្មមួយនេះក៏មានអ្នកមានដើមដំណើតមកពីជាតិសាសន៍ដទៃផងដែរ ជាក់ស្ដែងជនជាតិអង់គ្លេសជាដើម។  

ទន្ទឹមគ្នានេះ កាលពីថ្ងៃទី ២៩ ខែតុលានេះ ទស្សនាវដ្តី Heat បានចេញតារាងចំណាត់ថ្នាក់ទ្រព្យសម្បត្តិប្រចាំឆ្នាំរបស់បុគ្គលល្បីៗដែលមានអាយុត្រឹម ឬក្រោម ៣០ឆ្នាំប្រចាំចក្រភពអង់គ្លេស​​ និងប្រទេសអៀរឡង់។ ខាងក្រោមនេះជាការដកស្រង់សិល្បករទាំង ១០រូបដែលមានទ្រព្យច្រើនបំផុតពីចំណាត់ថ្នាក់ខាងលើ។

១. Harry Styles

ចំណាត់ថ្នាក់លេខ ១បានធ្លាក់ទៅលើសមាជិកក្រុម One Direction លោក Harry Styles ជាមួយនឹងទ្រព្យសម្បត្តិជាទឹកប្រាក់សរុប ២០០លានផោន ឬប្រមាណ ២៥៩លានដុល្លារសហរដ្ឋអាមេរិក។ ចំនួននេះបានកើនឡើងជាង ៥ដងបើប្រៀបធៀបនឹងពេលដែលសមាជិកទាំង​៥ បានបំបែកគ្នានៅក្នុងឆ្នាំ ២០១៦ ដោយលោកមានទ្រព្យសម្បត្តិត្រឹម ៣៧លានផោន​ ឬ ៤៨លានដុល្លារអាមេរិក តែប៉ុណ្ណោះ។​

ប្រភពទ្រព្យសម្បត្តិរបស់តារាប្រុសវ័យ ៣០ឆ្នាំរូបនេះបានមកពីការប្រគំតន្ត្រី Love On Tour ដែលអាចរកចំណូលបានរហូតដល់ទៅ ៦១៥លានដុល្លារអាមេរិក រួមគ្នានឹងការងារជាមួយនឹងយីហោល្បីៗ ដូចជា Gucci និងយីហោគ្រឿងសម្អាង Pleasing ជាដើម។​​ បន្ថែមពីនាមជាតារាចម្រៀង Harry ក៏បានបោះទន់ចូលក្នុងសាលកម្សាន្តដ៏ធំបំផុតប្រចាំចក្រភពអង់គ្លេសដែលមានឈ្មោះថា Co-Op Live arena និងម៉ាកសម្លៀកបំពាក់ SS Daley ផងដែរ។​

២. Dua Lipa  

ក្នុងវ័យ ២៩ឆ្នាំ Dua Lipa បានក្លាយជាសេដ្ឋីនីដែលមានទ្រព្យសម្បត្តិរហូតដល់ទៅ ១០៤​លានផោន (១៣៥ លានដុល្លារអាមេរិក)។ ក្រៅពីចំណូលដ៏មហាសាលពីអាល់ប៊ុមចម្រៀង និងការប្រគំតន្រ្តីរបស់នាង តារាស្រីសញ្ជាតិអង់គ្លេសរូបនេះក៏ជាស្ថាបនិកនៃ Service95 ដែលជាសារព័ត៌មានមួយ មានមាតិកាគោលទាក់ទងនឹងសៀវភៅ និងមាតិកាបែបរសនិយមជាដើម។

ប្រភពចំណូលមួយផ្នែកទៀតរបស់ម្ចាស់បទ New Rules រូបនេះ​ ក៏បានមកពីការចាប់ដៃគូជាមួយនឹងម៉ាកយីហោល្បីៗដូចជា Yves Saint Laurent, Porsche និងការចូលរួមច្នៃម៉ូដជាមួយនឹង Versace ផងដែរ។​

៣. Tom Holland

Tom Holland ឬទស្សនិកជនតែងស្គាល់ក្នុងនាមជាតួអង្គបុរសពីងពាង មានទ្រព្យសរុបចំនួន ៣០,៦ លានផោន​​ ឬជិត ៤០លានដុល្លារអាមេរិក។​ ប្រាក់ចំណូលគោលរបស់តារាប្រុសវ័យ ២៨ឆ្នាំរូបនេះបានមកពីការងារសម្ដែង ជាពិសេសពីតួអង្គបុរសពីងពាងនៅក្នុងចក្រវាល Avenger ទាំង ៦រឿងតែម្ដង។ ជាក់ស្ដែង គ្រាន់តែរឿង Spider-Man: No Way Home ដែលចេញកាលពីឆ្នាំ ២០២១ គេប៉ាន់ប្រមាណថាលោកអាចរកចំណូលបានប្រហែល ៧,៦លានផោន (៩,៨លានដុល្លារអាមេរិក) បាត់ទៅហើយ។

៤. Lewis Capaldi

ក្នុងវ័យ ២៨ ឆ្នាំ ម្ចាស់បទ Someone You Loved ជាម្ចាស់ទ្រព្យសម្បត្តិដែលមានតម្លៃរួមរហូតដល់ទៅ ៣០,៤លានផោន​ ឬក្បែរ ៤០លានដុល្លារអាមេរិក។​ នេះដោយសារតែ Lewis Capaldi បានផ្អាកដំណើរប្រគំតន្ត្រីដែលជាប្រភពចំណូលដ៏ធំ ដោយសារតែលោកចង់បែរទៅគិតគូររឿងសុខភាពផ្លូវកាយ និងផ្លូវចិត្ត បើមិនដូចនេះទេ លោកនឹងមានទ្រព្យសម្បត្តិច្រើនជាងនេះជាក់ជាមិនខាន។

៥. Millie Bobby Brown

ត្រឹមវ័យ ២០ឆ្នាំសោះ ម្ចាស់តួអង្គឯកនៅក្នុងរឿង Stranger Things រូបនេះមានទ្រព្យរហូតដល់ទៅ ២២ លានផោន​ ឬប្រមាណ ២៨,៥ លានដុល្លារអាមេរិកបាត់ទៅហើយ។ ល្បីល្បាយនឹងអាជីពជាតារាសម្ដែង មានព័ត៌មានលេចឮថា Millie Bobby Brown អាចរកចំណូលបានប្រហាក់ប្រហែល ២៥ម៉ឺនដុល្លារអាមេរិកក្នុងមួយភាគពីតួអង្គ 11 ក្នុងរឿង Stranger Things។ បន្ថែមពីការងារក្នុងជួរសិល្បៈ អ្នកជំនួញវ័យក្មេងរូបនេះក៏មានយីហោគ្រឿងសម្អាងផ្ទាល់ខ្លួនផងដែរ ដែលមានឈ្មោះថា Florence By Mills។​

៦. Sophie Turner

ពីតួអង្គសំខាន់ដែលអាចចំណូលបានប្រមាណ ២០ម៉ឺនដុល្លារអាមេរិកពីការសម្ដែងមួយវគ្គៗនៅក្នុងរឿងភាគជួរមុខ Game of Thrones ទាំង ៨រដូវកាល Sophie Turner មានទ្រព្យសម្បត្តិសរុបចំនួន ១៨,៥ លានផោន ឬប្រមាណ ២៤ លានដុល្លារអាមេរិក។ នេះជាប្រាក់ចំណូលដែលរួមបញ្ចូលទាំងស្នាដៃសម្ដែងក្នុងរឿងនានា ដូចជារឿង X-Men ជាដើម។

៧. Dave

តារារ៉េបដែលមានអ្នកស្ដាប់ចម្រៀងរបស់ខ្លួនច្រើនជាង ៥០០ លានដងនៅលើ Spotify រូបនេះ មានទ្រព្យសម្បត្តិគិតជាទឹកប្រាក់ប្រមាណ ១៣,៩ លានផោន ឬប្រហែល ១៨លានដុល្លារអាមេរិកនៅអាយុត្រឹម ២៨ឆ្នាំតែប៉ុណ្ណោះ។ ក្រៅពីលក់សំនៀង Dave ក៏បានចាប់អាជីពជាអ្នកសម្ដែងម្នាក់ដែរ​​ ដោយបានចូលរួមសម្ដែងនៅក្នុងរឿង Top Boy របស់ Netflix។

៨. Jorja Smith

ត្បិតមិនសូវជាមានបទចម្រៀងផ្ទុះខ្លាំង តែទ្រព្យសម្បត្តិរបស់តារាចម្រៀងស្រីប្រភេទ R&B រូបនេះស្ទុះងើបខ្លាំង ដែលអាចរកចំណូលបានកៀកនឹង ៤លានដុល្លារអាមេរិកពីការងារជាមួយនឹងម៉ាកល្បីៗជាច្រើន ដូចជា Dior ជាដើម។ ជាលទ្ធផល ក្នុងវ័យ ២៧ឆ្នាំ Jorja Smith មានទ្រព្យក្នុងដៃរហូតដល់ទៅ ១៣,៧លានផោន ឬ ១៧,៨ លានដុល្លារអាមេរិក។

៩. Sam Fender

ពានរង្វាន់ពីវេទិកាធំៗដូចជា Brit Awards, NME Awards និង UK Music Video Awards ពិតជាស័ក្តិសមនឹងការប្រឡូកក្នុងឧស្សាហកម្មតន្ត្រីតាំងតែពីឆ្នាំ ២០១៣ របស់ Sam Fender។​ ជាលទ្ធផល តារាចម្រៀង និងតន្រ្តីករវ័យ ៣០ឆ្នាំរូបនេះជាម្ចាស់នៃទ្រព្យសម្បត្តិដែលមានតម្លៃរហូតដល់ទៅ ១៣,១លានផោន ឬប្រមាណ ១៧លានដុល្លារអាមេរិក។

១០. Asa Butterfield

ចាប់ផ្ដើមទទួលការងារសម្ដែងតាំងតែពីវ័យ ៧ឆ្នាំ Asa Butterfield ទទួលឱកាសលេចមុខនៅក្នុងរឿងល្បីៗជាច្រើនដូចជា The Boy in the Striped Pajamas, Miss Peregrine’s Home for Peculiar Children និង Sex Education ជាដើម។​ ក្នុងអាជីពដដែល តារាសម្ដែងវ័យ ២៧ឆ្នាំរូបនេះអាចសល់ទ្រព្យរហូតដល់ទៅ ១០,៧ លានផោន ឬក្បែរៗ ១៤លានដុល្លារអាមេរិក៕



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

មក​ស្គាល់ «បិតា​ស្ថាបនិក» ឆ្នើម​ទាំង ៤ នៃ​អង្គការ​អន្តរជាតិហ្វ្រង់កូហ្វូនី

កូន​ខ្មែរ​ត្រូវ​ចាំ! ព្រះករុណាព្រះបាទសម្តេចព្រះ នរោត្តម សីហនុ ព្រះមហាវីរក្សត្រ ព្រះវររាជបិតា ឯករាជ្យ បូរណភាពទឹកដី និងឯកភាពជាតិខ្មែរ «ព្រះបរមរតនកោដ្ឋ» គឺជា​ឥស្សរ

កំពូលតារាហូលីវូដ Angelina Jolie មកដល់ខ្មែរ មិនរំលង​​ផ្សារ​ទួលទំពូង ព្រោះសម្បូរវត្ថុ​អនុស្សាវរីយ៍​

កាលពី​ថ្មីៗ​នេះ​កំពូល​តារា​ហូលីវូដ Angelina Jolie បាន​បង្ហាញ​វត្តមាន​លើ​ទឹកដី​កម្ពុជា​ដែល ជា​ផ្ទះ​របស់​អ្នកនាង។ ក្រៅ​ពី​បាន​ទៅ​ទស្សនា​ពិព័រណ៍​អចិន្ត្រៃយ៍​របស់​

សិល្បករខ្មែរ ទទួលបានកិត្តិយស ថតរូបជាអនុស្សាវរីយ៍ជាមួយ ប្រធានាធិបតីបារាំង និងស្រ្តីទី១

កាល​ពី​រាត្រី​ថ្ងៃ ១៥ ខែ​វិច្ឆិកា ឆ្នាំ ២០២៦ សិល្បករ​ខ្មែរ​ទាំង​សម័យ និង​បុរាណ​ច្រើន​រូប​បាន​សម្ដែង​ជូន​ឱកាស​ប្រធានាធិបតី​បារាំង លោក Emmanuel Macron និង​លោក​ស្រ

ប្រជាជនកម្ពុជារួមស្មារតីខ្មែរតែ១ ស្វាគមន៍ពិភពលោកមកកាន់ទឹកដីអច្ឆរិយៈនៃព្រះរាជាណាចក្រកម្ពុជា ក្នុងកិច្ចប្រជុំកំពូលហ្វ្រង់កូហ្វូនីលើកទី២០

ប្រជាជនកម្ពុជាកំពុងស្វាគមន៍យ៉ាងកក់ក្តៅ និងប្រកបដោយមោទនភាព ចំពោះការអញ្ជើញមកដល់របស់ប្រតិភូជាន់ខ្ពស់ ថ្នាក់ដឹកនាំ និងភ្ញៀវអន្តរជាតិទាំងអស់ មកចូល

ព្រឹត្តិការណ៍កីឡាជាតិ ឆ្នាំ២០២៦ បិទបញ្ចប់ដោយជោគជ័យយ៉ាងត្រចះត្រចង់ ក្រោមការឧបត្ថម្ភផ្តាច់មុខ និងការគាំទ្រយ៉ាងសកម្មពីក្រុមហ៊ុន វឌ្ឍនៈ ដើម្បីបន្តលើកស្ទួយវិស័យកីឡាកម្ពុជា

ព្រឹត្តិការណ៍កីឡាជាតិ លើកទី៥ និងកីឡាជាតិជនពិការ លើកទី៣ ឆ្នាំ២០២៦ ដែលជាមហាព្រឹត្តិការណ៍កីឡាថ្នាក់ជាតិដ៏សំខាន់បំផុតប្រចាំឆ្នាំ បានបិទបញ្ចប់ជាស្ថាពរប្រកប

កម្ពុជា​ដាក់បង្ហាញសិល្បៈ​បុរាណ​ខ្មែរ​ក្នុង​ព្រឹត្តិការណ៍​អន្តរជាតិ «ហ្វ្រង់កូហ្វូនី»

ព្រឹត្តិការណ៍ «ភូមិហ្វ្រង់កូហ្វូនី ឆ្នាំ២០២៦» បើក​ជា​ផ្លូវ​ការ​នា​វេលា​ព្រឹក​ថ្ងៃ​ទី ១៣ ខែវិច្ឆិកា ឆ្នាំ២០២៦ ក្រោម​អធិបតីភាព​ដ៏​ខ្ពង់ខ្ពស់​នៃ​សម្ដេចមហាបវរធិបតី

សារព័ត៌មាន The Star បានចុះផ្សាយពី ជូរី ល្អហួស និងរបាំបុរាណខ្មែរ ដែលនាងយកទៅបង្ហាញក្នុងកម្មវិធីប្រកួតសម្រស់ នៅហ្សាកាតា

ម្មវិធីការ​ប្រកួត Miss Teen Icon International ២០២៦ ដែល​ឥណ្ឌូណេស៊ីធ្វើ​ជា​ម្ចាស់​ផ្ទះ ហើយ​ក៏​មាន​ការ​ចូលរួមពី ជូរីល្អហួស Miss Teen Icon Cambodia 2026 ទទួល​បាន​

លោក Jensen Huang ចុះចេញពីតំណែងជា CEO របស់ក្រុមហ៊ុន Nvidia ក្រោយបែកធ្លាយរឿងអាស្រូវសហាយស្មន់ ២ ករណី

លោក Jensen Huang បានចុះចេញពីតំណែងជានាយកប្រតិបត្តិរបស់ក្រុមហ៊ុន Nvidia កាលពីថ្ងៃទី ១២ ខែវិច្ឆិកានេះ បន្ទាប់ពីមានការបែកធ្លាយរឿងអាស្រូវស្នេហាត្រីកោណចំនួន ២ ករណី

ហ្វីយ៉ាតា ទទួលបាន​ការ​អញ្ជើញផ្ទាល់ពី Fátima Miss Universe 2025 សម្រាប់រាត្រីចុងក្រោយនៃការគ្រងមកុដ

ការ​រឿង​ដ៏​ភ្ញាក់ផ្អើល និង​កិត្តិយស​សម្រាប់​អ្នកនាង ថៃ នារីសុជាតា ឬ ហ្វីយ៉ាតា ត្រូវ​បាន​ Miss Universe អញ្ជើញ​រូប​នាង ដែល​ជា Miss Universe Cambodia 2025 ទៅ​ចូល

Maurice Chan កូនខ្មែរជាតួ Stunt ដ៏ល្បីនៅហូលីវូដ ប្រកាសផលិតភាពយន្ត​ Action ខ្នាតធំលើកដំបូងនៅកម្ពុជា

បន្ទាប់ពីបានសាងកេរ្តិ៍ឈ្មោះ និងបទពិសោធន៍យ៉ាងជោគជ័យក្នុងវិស័យភាពយន្តហូលីវូដតាមរយៈស្នាដៃលំដាប់ពិភពលោកជាច្រើនដូចជា John Wick: Chapter 4 និង James Bond: Spectre លោក



Leave a Reply

Your email address will not be published.Required fields are marked *