តារាបង្ហាញម៉ូដ ក៏ជា Miss Planet Cambodia 2025 កញ្ញា Sydney Marith បានវិលត្រឡប់ពីអាមេរិកវិញ ក្រោយវិស្សមកាលរយៈពេល។ ក្រោយមកដល់ដីខ្មែរវិញភ្លាម Sydney បានចាប់ការងារភ្លាមៗតែម្ដង ហើយការងារសំខាន់បំផុតការត្រៀមខ្លួនចូលការប្រកួត Miss Planet International 2025 ដែលធ្វើឡើងនៅលើទឹកដីកម្ពុជា។

ថ្មីៗនេះ Sydney បានចេញតាមថត ដើម្បីប្រម៉ូត Miss Planet Cambodia នៅមុខវាំង ដោយគ្រងឈុតស្បៃខ្មែរ ធ្វើឲ្យអ្នកដែលទៅកម្សាន្តទីនោះ ភ្ញាក់ផ្អើលពេលឃើញសម្រស់របស់កូនខ្មែរកាត់អាមេរិករូបនេះ។ ក្នុងឈុតសម្លៀកបំពាក់ប្រពៃណីខ្មែរ បង្ហាញខ្លួននៅមុខព្រះបរមរាជវាំងដើម្បីផ្សព្វផ្សាយពីវប្បធម៌ខ្មែរ និងទេសចរណ៍ខ្មែរ មានអ្នកចោមរោមមើលច្រើនកុះករ។
មហាជនដែលបានជួបផ្ទាល់ស្ងើចសរសើរ ពីរូបសម្រស់របស់កូនខ្មែរកាត់អាមេរិក និងកំពុងត្រៀមខ្លួនតំណាងឲ្យកម្ពុជាលើឆាក Miss Planet International 2025 ដែលនឹងធ្វើឡើងនាដើមខែមីនា ឆ្នាំ ២០២៦ នៅកម្ពុជា។ មិនមែនមានតែជនជាតិខ្មែរប៉ុណ្ណោះទេ ជនបរទេសនៅពេលជួបបវរកញ្ញាខ្មែររូបនេះក៏បានសុំថតជាមួយហូរហែដែរ។


អ្នកគាំទ្រនារីៗបានសុំថតរូបជាមួយ Sydney Marith ដែលនេះបង្ហាញយ៉ាងច្បាស់ថា កញ្ញាទទួលបានការគាំទ្ររួចជាស្រេច។ មហាជនអ្នកគាំទ្រវិស័យបវរកញ្ញាជឿជាក់ថា Sydney Marith នឹងធ្វើឲ្យពិភពលោកកាន់តែស្គាល់ច្បាស់ពីកម្ពុជា ព្រោះនាងមានទាំងចំណេះដឹង រូបសម្រស់ និងបទពិសោធន៍លើវិស័យមួយនេះ។
គួរបញ្ជាក់ថា Sydney Marith ជាកូនកាត់អាមេរិកខ្មែរ ដែលមានសម្រស់ល្អល្អះ និងជាតារាបង្ហាញម៉ូដ តារាសម្ដែងវួក្មេង តែមានអ្នកគាំទ្រស្រលាញ់ចូលចិត្តទាំងក្នុង ព្រមទាំងក្រៅស្រុក៕




រូបភាព៖ Miss Planet Cambodia
វីដេអូ៖ https://www.facebook.com/reel/893777699697437























Account
Security
Favourite Content