ឡើងឆាកអន្តរជាតិម្ដង​នោះ គឺជារឿង​ដក់ជាប់ក្នុងចិត្ត ប៊ី សុធារី មិនអាចបំភ្លេចបាន

និយាយពីវិស័យ Beauty Pageant នៅកម្ពុជា អ្នកគាំទ្រមិនអាចបំភ្លេច កញ្ញា ប៊ី សុធារី បានទេ ព្រោះនាងប្រឡូកមកជាច្រើនឆ្នាំ​ហើយ ពិសេសជាងនេះ នាងក៏ជាស្រី្តខ្មែរទី១ ដែលតំណាងឱ្យកម្ពុជាចូលរួមប្រកួតប្រជែងក្នុងកម្មវិធី Miss Universe 2017។ បើទោះបីជា សុធារី មិនទទួលបានជោគជ័យអ្វីមួយក្នុងការប្រកួតនេះក៏ពិតមែន ប៉ុន្តែនាងមានមោទកភាព​ដែលបាននាំយកទង់ជាតិកម្ពុជាទៅចូលរួមកម្មវិធីប្រកួតប្រជែងសម្រស់ដ៏ធំលំដាប់ពិភពលោកនេះ។

នៅក្នុងវិស័យនេះ ប៊ី សុធារី ក៏បានសាងសមិទ្ធផល​ជាបន្តបន្ទាប់ និងធ្លាប់ទទួលពានរង្វាន់នៅក្រៅប្រទេសថែមទៀតផង តួយ៉ាង ដូចជាពានរង្វាន់ Asia Model Festival 2019 ជាដើម។ មិនតែប៉ុណ្ណោះ នាងក៏ធ្លាប់ទទួលបានឱកាសដើរបង្ហាញម៉ូដកម្មវិធីធំៗនៅក្រៅប្រទេសជាច្រើនលើកផងដែរ។ បន្ទាប់ពីអាជីពជាតារាបង្ហាញម៉ូដដំណើរការទៅរលូន តារាម៉ូដែលរាងខ្ពស់ស្រឡះនេះ បានចាប់ផ្តើមវិវត្តន៍ខ្លួនចូលវិស័យសម្តែង ដោយគិតមកទល់ពេលនេះ នាងថតបាន៤ រឿង ក្នុង​នោះ ៣ រឿងជា​ភាគខ្នាតធំ និង១ទៀតជារឿងខ្លីបែបអប់រំ។

ច្រើនឆ្នាំលើវិថីសិល្បៈ សុធារី ទទួលបានបទពិសោធន៍ល្អៗមានច្រើនរាប់មិនអស់ ប៉ុន្តែនាងថា មានរឿងល្អម៉្យាងដក់ជាប់ក្នុងចិត្តនាងមិនអាចបំភ្លេចបានដល់សព្វថ្ងៃនេះ។ នោះគឺ ការដែលនាងជាស្រ្តីខ្មែរដំបូងគេបង្អស់ដែលបានតំណាងឱ្យកម្ពុជាចូលរួមប្រកួតកម្មវិធី បវរកញ្ញាចក្កវាឡពិភពលោកឆ្នាំ២០១៧ (Miss Universe 2017)។ ក្រៅពីនោះក៏មានការចងចាំល្អៗពីដើរបង្ហាញម៉ូដនៅក្រៅប្រទេស និងបទពិសោធន៍ការងារសិល្បៈផ្សេងៗជាច្រើនទៀតផងដែរ តែការបានតំណាងឱ្យកម្ពុជា ជាស្រី្តដំបូងក្នុងកម្មវិធី Miss Universe 2017 ជាការចង់ចាំដ៏ល្អមិនអាចបំភ្លេចបានរបស់នាង។

បច្ចុប្បន្ន ប៊ី សុធារី បាន​ចូល​រួម​ប្រកួត​កម្មវិធី Miss Charm ហើយ​នាង​ក៏​ជា Miss Charm Cambodia 2022 តំណាងឱ្យកម្ពុជាចូលរួមប្រកួតកម្មវិធី Miss Charm International នៅប្រទេសវៀតណាម។ កម្មវិធីអន្តរជាតិនេះ គ្រោងរៀបចំឡើងនៅដើមឆ្នាំ ២០២៣ ខាងមុខ បន្ទាប់ពីត្រូវពន្យារពេលជិត៣ ឆ្នាំព្រោះបញ្ហាកូវីដ-១៩ លើសកលលោក។

ក្រឡេកមកទីផ្សារការងារក្នុងស្រុកវិញ ម៉ូដែលសម្បុរស្រអែមភ្លឺរលោងរូបនេះ ទើបត្រូវលោក ហ្វៃ សំអាង ជ្រើសរើសជាតួអង្គសំខាន់មួយក្នុងរឿង «អប្សរា​មហាអង្គរ» ដែលត្រូវ​តស៊ូ​ធន​ជាមួយ​នឹង​ការ​លាបខ្លួន​ឲ្យ​ខ្មៅ​ អត្តចរិត​ក្រមិចក្រមើម​ បង្កប់​ភាព​ច្រណែន​និន្ទា​ ឈ្នានីស​ ញញឹម​ចាប់​ដៃ​ សម្លក់​ជាន់ជើង​ មាន​មហិច្ឆតា​ឥតស្កប់ស្កល់។ កញ្ញា ត្រូវ​ត្រៀម​ខ្លួន​ដោយរងរំពាត់ខ្សែតី​ ដំបង​គល់​ឬស្សីនៅក្នុងឈុតឆាកសម្តែង​។

ពាក់ព័ន្ធការសម្តែងនេះ ម៉ូដែលស្រីវ័យ ២៤ ឆ្នាំនេះថា នាងនឹងត្រៀមខ្លួនឱ្យបានល្អសម្រាប់សម្តែងតួអង្គមួយនេះ បើទោះបីជាតួអង្គនេះមើលទៅលំបាកបន្តិចក្តី ប៉ុន្តែនាងរីករាយក្នុងការសាកល្បងអ្វីថ្មីៗដែលមានក្នុងវិស័យសម្តែង ព្រោះពេលនេះនាងកំពុងជាប់ចិត្តជាមួយវិស័យនេះ ក្រោយពីថតបានប៉ុន្មានរឿងកន្លងមក៕



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

មក​ស្គាល់ «បិតា​ស្ថាបនិក» ឆ្នើម​ទាំង ៤ នៃ​អង្គការ​អន្តរជាតិហ្វ្រង់កូហ្វូនី

កូន​ខ្មែរ​ត្រូវ​ចាំ! ព្រះករុណាព្រះបាទសម្តេចព្រះ នរោត្តម សីហនុ ព្រះមហាវីរក្សត្រ ព្រះវររាជបិតា ឯករាជ្យ បូរណភាពទឹកដី និងឯកភាពជាតិខ្មែរ «ព្រះបរមរតនកោដ្ឋ» គឺជា​ឥស្សរ

កំពូលតារាហូលីវូដ Angelina Jolie មកដល់ខ្មែរ មិនរំលង​​ផ្សារ​ទួលទំពូង ព្រោះសម្បូរវត្ថុ​អនុស្សាវរីយ៍​

កាលពី​ថ្មីៗ​នេះ​កំពូល​តារា​ហូលីវូដ Angelina Jolie បាន​បង្ហាញ​វត្តមាន​លើ​ទឹកដី​កម្ពុជា​ដែល ជា​ផ្ទះ​របស់​អ្នកនាង។ ក្រៅ​ពី​បាន​ទៅ​ទស្សនា​ពិព័រណ៍​អចិន្ត្រៃយ៍​របស់​

សិល្បករខ្មែរ ទទួលបានកិត្តិយស ថតរូបជាអនុស្សាវរីយ៍ជាមួយ ប្រធានាធិបតីបារាំង និងស្រ្តីទី១

កាល​ពី​រាត្រី​ថ្ងៃ ១៥ ខែ​វិច្ឆិកា ឆ្នាំ ២០២៦ សិល្បករ​ខ្មែរ​ទាំង​សម័យ និង​បុរាណ​ច្រើន​រូប​បាន​សម្ដែង​ជូន​ឱកាស​ប្រធានាធិបតី​បារាំង លោក Emmanuel Macron និង​លោក​ស្រ

ប្រជាជនកម្ពុជារួមស្មារតីខ្មែរតែ១ ស្វាគមន៍ពិភពលោកមកកាន់ទឹកដីអច្ឆរិយៈនៃព្រះរាជាណាចក្រកម្ពុជា ក្នុងកិច្ចប្រជុំកំពូលហ្វ្រង់កូហ្វូនីលើកទី២០

ប្រជាជនកម្ពុជាកំពុងស្វាគមន៍យ៉ាងកក់ក្តៅ និងប្រកបដោយមោទនភាព ចំពោះការអញ្ជើញមកដល់របស់ប្រតិភូជាន់ខ្ពស់ ថ្នាក់ដឹកនាំ និងភ្ញៀវអន្តរជាតិទាំងអស់ មកចូល

ព្រឹត្តិការណ៍កីឡាជាតិ ឆ្នាំ២០២៦ បិទបញ្ចប់ដោយជោគជ័យយ៉ាងត្រចះត្រចង់ ក្រោមការឧបត្ថម្ភផ្តាច់មុខ និងការគាំទ្រយ៉ាងសកម្មពីក្រុមហ៊ុន វឌ្ឍនៈ ដើម្បីបន្តលើកស្ទួយវិស័យកីឡាកម្ពុជា

ព្រឹត្តិការណ៍កីឡាជាតិ លើកទី៥ និងកីឡាជាតិជនពិការ លើកទី៣ ឆ្នាំ២០២៦ ដែលជាមហាព្រឹត្តិការណ៍កីឡាថ្នាក់ជាតិដ៏សំខាន់បំផុតប្រចាំឆ្នាំ បានបិទបញ្ចប់ជាស្ថាពរប្រកប

កម្ពុជា​ដាក់បង្ហាញសិល្បៈ​បុរាណ​ខ្មែរ​ក្នុង​ព្រឹត្តិការណ៍​អន្តរជាតិ «ហ្វ្រង់កូហ្វូនី»

ព្រឹត្តិការណ៍ «ភូមិហ្វ្រង់កូហ្វូនី ឆ្នាំ២០២៦» បើក​ជា​ផ្លូវ​ការ​នា​វេលា​ព្រឹក​ថ្ងៃ​ទី ១៣ ខែវិច្ឆិកា ឆ្នាំ២០២៦ ក្រោម​អធិបតីភាព​ដ៏​ខ្ពង់ខ្ពស់​នៃ​សម្ដេចមហាបវរធិបតី

សារព័ត៌មាន The Star បានចុះផ្សាយពី ជូរី ល្អហួស និងរបាំបុរាណខ្មែរ ដែលនាងយកទៅបង្ហាញក្នុងកម្មវិធីប្រកួតសម្រស់ នៅហ្សាកាតា

ម្មវិធីការ​ប្រកួត Miss Teen Icon International ២០២៦ ដែល​ឥណ្ឌូណេស៊ីធ្វើ​ជា​ម្ចាស់​ផ្ទះ ហើយ​ក៏​មាន​ការ​ចូលរួមពី ជូរីល្អហួស Miss Teen Icon Cambodia 2026 ទទួល​បាន​

លោក Jensen Huang ចុះចេញពីតំណែងជា CEO របស់ក្រុមហ៊ុន Nvidia ក្រោយបែកធ្លាយរឿងអាស្រូវសហាយស្មន់ ២ ករណី

លោក Jensen Huang បានចុះចេញពីតំណែងជានាយកប្រតិបត្តិរបស់ក្រុមហ៊ុន Nvidia កាលពីថ្ងៃទី ១២ ខែវិច្ឆិកានេះ បន្ទាប់ពីមានការបែកធ្លាយរឿងអាស្រូវស្នេហាត្រីកោណចំនួន ២ ករណី

ហ្វីយ៉ាតា ទទួលបាន​ការ​អញ្ជើញផ្ទាល់ពី Fátima Miss Universe 2025 សម្រាប់រាត្រីចុងក្រោយនៃការគ្រងមកុដ

ការ​រឿង​ដ៏​ភ្ញាក់ផ្អើល និង​កិត្តិយស​សម្រាប់​អ្នកនាង ថៃ នារីសុជាតា ឬ ហ្វីយ៉ាតា ត្រូវ​បាន​ Miss Universe អញ្ជើញ​រូប​នាង ដែល​ជា Miss Universe Cambodia 2025 ទៅ​ចូល

Maurice Chan កូនខ្មែរជាតួ Stunt ដ៏ល្បីនៅហូលីវូដ ប្រកាសផលិតភាពយន្ត​ Action ខ្នាតធំលើកដំបូងនៅកម្ពុជា

បន្ទាប់ពីបានសាងកេរ្តិ៍ឈ្មោះ និងបទពិសោធន៍យ៉ាងជោគជ័យក្នុងវិស័យភាពយន្តហូលីវូដតាមរយៈស្នាដៃលំដាប់ពិភពលោកជាច្រើនដូចជា John Wick: Chapter 4 និង James Bond: Spectre លោក