នៅពេលនេះ តារាប្រុស Song Joongki និងភរិយា Katy Louise ទទួលបានចំណងដៃកូនប្រុសមួយហើយ ដោយ Katy Louise បានសម្រាលកូនដោយសុវត្ថិភាពនៅទីក្រុង Rome ប្រទេស អ៊ីតាលី។
តារាប្រុស Song Joongki បានប្រកាសដំណឹងនេះផ្ទាល់តាមរយៈ Fan Café របស់ខ្លួនស្របពេលដែលផលិតកម្មរបស់លោក High Zium Studio ក៏បានបញ្ជាក់ជាផ្លូវការផងដែរ។ តួឯកប្រុសរឿង “Vincenzo” បន្ដថា បច្ចុប្បន្ន លោក និងភរិយាកំពុងនៅទីក្រុង Rome ប្រទេស អ៊ីតាលី ដែលជាស្រុកកំណើតរបស់ Katy។

ស្របពេលជាមួយគ្នាដែរ ទាំងម្ដាយ និងកូន សុទ្ធតែមានសុខភាពល្អ។ តារាប្រុស Song Joongki បានបន្ដទៀតថា៖ លោកកំពុងមើលថែទាំ ភរិយា និងកូនយ៉ាងយកចិត្តទុកដាក់។ លោកពិតជាមានអារម្មណ៍សប្បាយរីករាយណាស់ និងពិតជាអរគុណមែនទែន។
លោកបានបន្ថែមថា៖ កូនប្រុសមួយនេះជាកាដូដ៏អស្ចារ្យមួយសម្រាប់លោក និងក្រុមគ្រួសារ។ លោកក៏អរគុណដល់អ្នកដែលតែងតែគាំទ្រ និងលើកទឹកចិត្តដល់លោកព្រមទាំងភរិយាផងដែរ។


គួរបញ្ជាក់ កាលពីចុងឆ្នាំ ២០២២ Song Joongki បានប្រកាសពីទំនាក់ទំនងស្នេហារបស់ខ្លួនជាមួយតារាស្រី Katy Louise។ មិនបានប៉ុន្មាន អ្នកទាំងពីរក៏បានប្រកាសដំណឹងល្អពីរឿងភរិយារបស់លោកមានផ្ទៃពោះ។ តារាវ័យ ៣៧ឆ្នាំរូបនេះធ្លាប់បានលើកឡើងថា វត្ដមានរបស់ភរិយា Katy Louise ធ្វើឱ្យជីវិតរបស់លោកប្រែប្រួល និងមានភាពល្អប្រសើរច្រើនជាងមុន៕

























Account
Security
Favourite Content